Søk i nettsamfunnet

Under følgjande tema kjem eg frami namnekombinasjonen Leganger Sætre nytta ved to ulike høve av Bertha Torgersdotter, kona til Anders Knutson i Bergen: https://forum.arkivverket.no/topic/201911-torger-jørgensen-1743-1782-og-kona-guri-ellefsdotter-1741-frå-luster-til-bergen-kvar-vart-det-av-guri-og-borni-deira/ Eg mistenker denne Bertha for å vera fødd i Bergen i 1780 som dotter av Torger Jørgenson og Guri Ellevsdotter, båe innflytte frå Luster. Men søker me i Digitalarkivet under «avansert søk», får me fram fleire med same namnekombinasjon: https://www.digitalarkivet.no/search/persons/advanced?from=&to=&firstname=&lastname=Leganger+Sætre&birth_year_from=&birth_year_to=&birth_date=&birth_place=&domicile=&position=&event_year_from=&event_year_to=&event_date=&related_first_name=&related_last_name=&related_birth_year= Problemet er berre det at dei alle, bortsett frå Bertha Torgersdotter, er knytte til Herøy på Sunnmøre. Er det nokon som kan finna ei forklaring på denne merkelege namnekombinasjonen? Eg takkar so mykje på førehand for alle gode tips!

FT1801 for garden Kjelsund i Herøy syner lensmann Hans Leganger, fødd kring 1761: https://www.digitalarkivet.no/census/person/pf01058412000997 Då Hans Leganger, føreverande lensmann, døydde i Herøy 21.12.1832, er alderen hans oppgjeven til 78 år: https://media.digitalarkivet.no/view/15945/119 Utifrå dette lyt me tru han må vera fødd ein gong mellom 1754 og 1761. Han skal vera fødd i Sogn, men eg finn ingen som høver i denne landsdelen! Finst det kan henda ein ekspert på Leganger-ætti som kan oppklara denne gåta for meg? Kvar og kva tid var han fødd, og kven var foreldri hans? Eg takkar so mykje på førehand for alle gode tips!