Søk i nettsamfunnet

Er det nokon som sit med ei bygdebok for Sunndal på Nordmøre og som kan gjera eit oppslag for meg? I Amerika dukker det opp ein Ingebrigt Dahl, i Amerika kjend som Briggs E. Dahl, fødd i Noreg kring 1861. Han gifte seg i La Crosse, WI 16.11.1891 med Martha Thompson (Heltne) frå Luster, sjå tema: https://forum.arkivverket.no/topic/236799-martha-olsdotter-eide-1851-1935-frå-luster-til-balestrand-og-gift-med-ivar-hansson-fjærestad-1858-1945-lvar-vart-det-av-borni-deira-særleg-dotteri-martha-som-ho-hadde-frå-før/ og då heiter det seg at foreldri hans var Andrew og Gerda Dahl. So har eg oppdaga denne huslyden som i 1865 budde på Lilledahl i Sunndal: http://www.rhd.uit.no/folketellinger/ftliste.aspx?ft=1865&knr=1563&kenr=005&bnr=0037&lnr=000 Gardbrukar Endre Endreson og kona Guru Pedersdotter, og dei hadde sonen: * Ingebrigt, fødd i Sunndal 30.11.1861: https://media.digitalarkivet.no/view/2293/112 Denne Ingebrigt Endreson Dalen utvandra til Amerika over Kristiansund i 1883: https://www.digitalarkivet.no/view/8/pe00000000240256 So er det at eg lurer på: Er denne Ingebrigt Endreson nemnd i bygdeboki for Sunndal, og står det noko om lagnaden hans i Amerika som kan stadfesta at eg har finne «rett» mann? Og står det noko om kvar dei to foreldri hans kom ifrå? Dei gifte seg i Sunndal 8.6.1851, men kyrkjeboki er uleseleg!! https://media.digitalarkivet.no/view/2293/275 Eg takkar so mykje på førehand for hjelpi!