Søk i nettsamfunnet

Eg syner i denne samanhangen til ei sak som er innskrivi i denne tingboki for indre Sogn frå 17.7.1713: https://media.digitalarkivet.no/view/30754/110 Saki børjar midt på vesntre side med: »Niels Suangstuen stefnet Anne Lindeflaten til betahling for .....» Mann hennar Anne hadde fått ei yting som Niels aldri hadde fått betaling for, og son hennar (ikkje namngjeven) stod fram og sa at hans «salige fader» hadde betalt dette til Peder Theiste. Slik eg forstår denne domen, laut Anne Lindeflaten betala til Niels, med mindre det kunne framleggjast prov for at Christopher Stenen alt hadde betalt dette til Peder Theiste! No veit me at kona til Christopher (Olson) Stenen heitte Anna (Bendiksdotter), og dei hadde to søner i lag. ** Kan me tolka dette slik at Christopher Stenen var den «salige fader» og soleis mann til Anne Lindeflaten (som i so fall må ha flytt frå Stenen til Lindeflaten etter ho vart enkje)? Eg ville setja stor pris på om nokon kunne sjå på denne saki og hjelpa meg med ei tolking og takkar so mykje på førehand for hjelpi!

Eg har i lengre tid freista finna fleire opplysningar om denne jenta frå Stord: Bjørg Frida Lindeflaten, dotter av Finn Haga på garden Haga på Stord, fødd der 25.11.1929. Ho var gift med Sverre Lindeflaten (1935-1988), men dei vart skilde i 1968. Eg har fått opplyst at Bjørg skal vera avlidi, rimelegvis på Stord, 3.12.2011, men finn ikkje namnet hennar korkje i den nye dødsfallsbasen på Digitalarkivet eller hjå DIS-Noreg! Eg kjenner ikkje til om ho gifte seg att. Kan nokon hjelpa meg finna ei dødsannonse eller eventuelt andre opplysningar om Bjørg? Eg takkar so mykje på førehand for alle gode tips!