Søk i nettsamfunnet

Harald Knudsen Oterdal bygsla i 1723 Grodaas brn. 1 då brukaren, korporal Kristoffer Klemetsen, døde berre 29 år gammal og vart gravfesta den 15. september 1723. Kjelde: https://www.digitalarkivet.no/kb20070503630015 Kona til Kristoffer var ifølgje BB for Hornindal og Eid av Jacob Aaland, Sigrid Jonsdatter Litlestøyl. Dei hadde ei dotter: Magdeli, f. ca. 1722, også kjend som Malene Haraldsdatter Grodås, gift med Lars Olson Øvreberg (Stryn), men busett på Bueide i Volda, d. 1794. Då ho vart døypt 21. juni 1722, vart ho innførd i kyrkjeboka med far Christoffer på Grodaas. https://www.digitalarkivet.no/view/255/pd00000005058230 Likevel er ho innført i kyrkjeboka som Haraldsdatter då ho gifte seg. Vigsel: https://www.digitalarkivet.no/view/327/pv00000001254869 Det har kanhende si rot i at ho vaks opp hos Harald. Mora, ifølgje Jacob Aaland, Sigrid Jonsdatter Litlestøyl, gifte seg i 1767 med Harald Grodaas. Det har vore spekulert i at det var Anne Olsdatter Kirkhorn som var mor hennar, og at Harald Knutson Grodaas gifte seg med henne då mannen hennar døde . Men det passar dårleg, for Kristoffer Klemetson vart gravfesta 15. september, same dag som Anne Olsdatter Kirkhorn og Harald Knutson Otredal (Grodaas) trulova seg. Noko som forsterkar dette argumentet er at Anne og Harald var nærskylde og trong kongeleg bevilling for giftamålet sitt. Dette tok vel tid å få i orden, så giftarmålet deira var nok planlagt i god tid før 15. september 1723. Harald trulova seg 15. september med Anne Olsdatter Kirkhorn med "kongelig tillatelse at man bor sammen". Dei var altså nærskylde utan at det er sagt kor nærskylde dei var. Dei gifte seg 12. desember 1723. Kjelde:Eid sokneprestembete, H/Haa/Haaa/L0001: Ministerialbok nr. A 1, 1722-1740, s. 13, venstre side, einaste innføring. https://www.digitalarkivet.no/kb20070503620390 Harald og Anne fekk desse borna: Christopher, døypt 23. juli 1724. Kjelde: Eid sokneprestembete, H/Haa/Haaa/L0001: Ministerialbok nr. A 1, 1722-1740, s. 20, venstre side, innføring nr. 2 https://www.digitalarkivet.no/kb20070503620397 Han vart gift først med Lokris Ellingsdatter Sætren og dernest med Lisbeth Michelsdatter Raftevold, ny brukar på Grodås 1 i Hornindal, d. 1775 Anne, døypt 21. januar 1731. Kjelde: Eid sokneprestembete, H/Haa/Haaa/L0001: Ministerialbok nr. A 1, 1722-1740, s. 56, venstre side, venstre kolonne, innf. nr. 3 https://www.digitalarkivet.no/kb20070503620432 Ho vart gift med Antonius Jonson Osdal, busett på Osdal i Volda, d. 1770. Ola, f. 1732, gift med Borgny Olsdatter Øvreberg, busett på Nøre Kalvatn, d. 1795 (Har ikkje funne dåpsinnføring for han) Brite, døypt 8. februar 1733. Kjelde: Eid sokneprestembete, H/Haa/Haaa/L0001: Ministerialbok nr. A 1, 1722-1740, s. 68, venstre side, venstre kolonne, innf. nr. 1 https://www.digitalarkivet.no/kb20070503620445 Ho vart gift med Jon Nilsson Vedvik, busett på Vedvik i Eid, d. 1793 Knut, døypt 24. mars 1735. Kjelde: Eid sokneprestembete, H/Haa/Haaa/L0001: Ministerialbok nr. A 1, 1722-1740, s. 80, venstre side, venstre kolonne, innf. nr. 2 https://www.digitalarkivet.no/kb20070503620456 Han vart gift med Anne Ottarsdatter Osdal, busett på Osdal i Volda, d. 1819 Peder, døypt 1. desember 1737. Kjelde: Eid sokneprestembete, H/Haa/Haaa/L0001: Ministerialbok nr. A 1, 1722-1740, s. 94, venstre side, venstre kolonne, siste innføring https://www.digitalarkivet.no/kb20070503620470 Han vart gift med Magdalena Olsdatter Kalvatn, busett på Kalvatn, d. 1804 Lars, døypt 14. august 1740. Kjelde:Eid sokneprestembete, H/Haa/Haaa/L0001: Ministerialbok nr. A 1, 1722-1740, s. 107, høgre side, venstre kolonne, innf. nr. 4 https://www.digitalarkivet.no/kb20070503620484 Anne Olsdatter døde 60 år gammal i 1757 og vart gravfesta 27. november. Kjelde: Eid sokneprestembete, H/Haa/Haaa/L0002: Ministerialbok nr. A 2, 1741-1769, s. 101, venstre side, høgre kolonne, innf. 1 https://www.digitalarkivet.no/kb20070503620589 Harald gifte seg då oppatt 20. mai 1764 med Brite Jensdatter Øvreberg. Kjelde:Eid sokneprestembete, H/Haa/Haaa/L0002: Ministerialbok nr. A 2, 1741-1769, s. 144, høgre side, høgre kolonne, første innføring https://www.digitalarkivet.no/kb20070503630015 Dei hadde ikkje born. Brite døde i 1765. Tredje gongen gifte han seg 17. mai 1767 med Sigrid Jonsdatter Litlestøl. Kjelde: Eid sokneprestembete, H/Haa/Haaa/L0002: Ministerialbok nr. A 2, 1741-1769, s. 167, høgre side, venstre kolonne, innf. nr. 2 https://www.digitalarkivet.no/kb20070503630038 Sigrid og Harald hadde ikkje born. Ho døde 71 år gammal i 1786 og vart gravlagt 24. november. Harald Knutson Grodaas døde 64 år gammal i 1772 og vart gravlagt 30. februar 1772. Kjelde: Eid sokneprestembete, H/Haa/Haaa/L0003: Ministerialbok nr. A 3, 1770-1805, s. 13, venstre side, høgre kolonne, innf. 6 nedanfrå https://www.digitalarkivet.no/kb20070503630071 Det er skifte etter Harald Grodaas den 3. juni 1772. Arvingar er "den igjenlevende enken Sigrie Joensdatter og de 7 børnene: eldste søn, Christopher Haraldsen, boende paa Grodaas; anden søn, Ole Haraldsen, boende paa Nedre Kaldvaten på Søndmør; tredie søn, Knud Haraldsen, boende paa Ousdalen, Søndmør; fierde søn, Peder Haraldsen, gift på Søndmør paa Søre Kaldvaten, eldste datter Magdelie Haraldsdatter gift med Lars Olsen Bueide, anden datter Anne Haraldsdatter Ousdahlen igjenlevende ene barn, Anne Anthonsdatter, 11 aar; og tredje datter Brithe Haraldsdatter gift med Joen Wedvigen" Yngste sonen Lars, f. 1840, er ikkje med mellom arvingane, og det må tyde at han er død utan arvingar. Det merkelege er at Magdelie, som ikkje er Harald Knudsen Grodaas si dotter, men dottera til tredje kona hans, er rekna som eldste dotter. Kjelde: Nordfjord sorenskriveri, 04/04a/L0015b: Skifteprotokollar, 1770-1774, s. 724b-725a https://www.digitalarkivet.no/sk20081201610249 Det som er spørsmålet mitt er om Magdelie verkeleg er dotter til Harald Knudsen Grodaas, noko eg har vanskeleg for å tru. Kvifor er ho likevel rekna som Harald si dotter både ved giftarmålet og i skiftet etter Harald? Kan det vere tilfelle at Anne Olsdatter var gift først med Christopher Clemetsen Grodaas, og at Magdelie såleis er dotter hennar, og at Harald Knudsen gifte seg med enkja og såleis vart "far" hennar? Kvar har Aaland det frå at Christopher Clemetsen Grodaas var gift med Sigri Jonsdatter Litlestøl? Og var det på grunn av at ho var mor til Magdelie, som på ein måte hadde blitt Harald si dotter, at han gifte seg for tredje gong med Sigri? Er det råd å finne noko sikkert om dette, eller må eg berre slå meg til ro med mi eiga synsing?