Søk i nettsamfunnet

Forfar til Siggo Frondelius med basis i DNA resultater.docx

Eg har motteke ei liste over dei næaste slektningane mine gjennom Y-DNA 111, og med «genetic distance» 3 finn eg denne personen: Ole Sørenson Kjerpeset, gardbrukar og medhjelpar, døydde i Bremanger, Kinn 17.3.1844, 53 år gamal: https://media.digitalarkivet.no/view/6895/17 Han gifte seg i Bremanger, Kinn 2.8.1812 med Olava Olsdotter Liseth: https://www.digitalarkivet.no/view/327/pv00000000495114 FT1801 syner at Ole Sørenson då er 14 år gamal, son av gardbrukar Søren Olson på Kjerpeset (56) og Elen Berentsen (52): https://www.digitalarkivet.no/view/327/pv00000000495114 Og her er dåpen til Ole Sørenson Kjerpeset 19. d.p.T. 1787: https://www.digitalarkivet.no/view/255/pd00000001837740 Søren Olson Nordahl, ungkar og skulehaldar, og Eli Berentsdotter Hovland gifte seg i Svanø sokn i Kinn 11.11.1773: https://www.digitalarkivet.no/view/327/pv00000000493612 Men her ser ætterakkja ut til å stogga, i alle fall førebels! Det var to personar om lag på same alder som hadde namnet Søren Olson Nordahl på den tidi, og medan hin Søren Olson ogso var fødd på Nordal og vart døypt i Kinn, ser skulehaldaren Søren Olson ut til å vera komen utante. Og dersom han er so nær i slekt med meg som testen hevdar (med agnatisk samband på 1700-talet!?), må han vera tilflytt! Min agnatiske linje held seg på 1700-talet på gardane Åberge og Leirdalen i Luster og før det på garden Bakken i Jostedalen der den første kjende av ætti, Lars Andersson, truleg var fødd i Nordfjord midt på 1600-talet! Finst det ei bygdebok for Bremanger som omtaler ætti på Kjerpeset og kvar dei kjem ifrå? Eller kanskje er det nokon med lokal kunnskap elles som kan hjelpa meg på veg? Eg takkar so mykje på førehand for alle gode tips!