[#30784] Johannes Olson Feet (1857-1931) og kona Ingeborg - frå Hafslo til Nøtterøy?

[Gjest Lars E. Øyane (Luster kommune)]

Johannes Olson Feet, fødd i Hafslo i Sogn 22.11.1857, gifte seg i Hafslo 12.12.1882 med Ingeborg Ludvigsdotter Veum, fødd i Luster 30.10.1860. Parfolket flytte i 1901 til Drammen og i 1906 til Lier, men då ein av sønene tok over garden deira (Gilhus) i Lier i 1917, flytte Johannes og Ingeborg til Nøtterøy der Johannes skal vera avliden i januar 1931. Dødsdatoen til Ingeborg er ukjend. Det meste av denne ætti er utvandra til Amerika, og ingen har so langt kunna hjelpa meg i denne saki.Men kanskje einkvan på Digitalarkivet sitt Brukarforum kan hjelpa meg finna nøyaktige dødsdatoar til Johannes og Ingeborg Feet på Nøtterøy og ogso fortelja meg kvar på Nøtterøy dei budde?Eg takkar so mykje på førehand for alle gode tips!Med venleg helsing,Lars E. Øyane