[#36353] Aucher(!) Sørensen - fødd kring 1700 - busett i Hallingdal 1758 - kven og kvar?

[Gjest Lars E. Øyane (Luster kommune)]

Husmann Rasmus Wilhelmson på Sva under garden Sie i Hafslo i Sogn (1697-1770) var gift tre gongar. Andre kona, som han må ha ''funne'' kring 1735/1740, heitte:Rannei Sørensdotter, fødd kring 1700, vart gravlagd frå Sva i Hafslo 27.11.1757. Bryllaupet vart ikkje feira korkje i Luster, Jostedal, Hafslo eller Sogndal. Eg vil tru det skjedde ein eller annan stad i Hallingdal, for då det i 1758 vart halde skifte etter Rannei, lét ho berre etter seg ein bror:Aucher(!) Sørensen, busett i Hallingdal!Skifteprotokollen syner tydeleg namnet som Aucher, men det kan jo vera feilskrive, t.d. for Ancher eller Øger?Eg vonar at einkvan, kanskje i Hallingdal, kan dra kjensel på denne karen eller søsteri hans og bidra med å løysa ei gamal ''floke''!?Eg takkar so mykje på førehand for alle gode tips!Med venleg helsing,Lars E. Øyane