[#38386] Thora Larsd., f. Hafslo 1740, flytte 1808 som enkje til Hegdal i Aukra - lagnad?

[Gjest Lars E. Øyane (Luster kommune)]

Thora Larsdotter, fødd i Hafslo kring 1740, var gift med husmann Mons Asbjørnson på Mosengi i Hafslo (1746-1805). I 1808 flytte einaste dotteri deira, Anna Monsdotter (1783-1870), med mann sin Nils Ellingson (1777-1815) til Aukra i Romsdalen der dei vart gardbrukarar på Hegdal søndre.Thora Larsdotter vart med på flyttelasset og må vera avlidi i Aukra ein eller annan gong mellom 1808 og 1830/1840?Er det nokon med lokal kunnskap i Aukra eller med tilgjenge til kyrkjebøkene frå Aukra som kan hjelpa meg finna dødsfallet til Thora?Eg takkar so mykje på førehand for alle gode tips!Med venleg helsing,Lars E. Øyane

[Gjest Knut R Sande]

Eg finn familien du nemner på bruksnr 2 Bakken under Nordre Heggdal, side 254 i bygdebok for Midsund I. Thora er ikkje nemnd. Folketeljinga for 1815 er teken med i boka, og ho er ikkje der i lag med familien. Dersom det var slik at ho kom hit, må ho vere avliden mellom 1808 og 1815. Det er ikkje kyrkjebøker i periden 1808-1816 for Aukra.Helsing Knut R Sande

[Gjest Lars E. Øyane (Luster kommune)]

Hjarteleg takk til Knut for kjapt svar!Etter kva eg forstår, er det ikkje mogeleg å finna dødsfallet til Thora der oppe, og noko skifte finst nok heller ikkje, so eg får berre skriva at ho truleg d. kring 1812...Med venleg helsing,Lars E. Øyane