Nils Nilsson Sjøthun (Hamni), f. Hafslo 1821, flytte 1839 til Nordland - lagnaden hans?

[Lars E. Øyane]

Dette temaet tek utgangspunkt i tema #10165 frå det gamle Brukarforum, som aldri er vorte løyst (http://da2.uib.no/cgi-win/WebDebatt.exe?slag=listinnlegg&debatt=brukar&temanr=10165&sok=Nils+%D8yane&nr=98&antinnlegg=4&startnr=&antall=&spraak=n#anker).

 

Nils Nilsson, fødd 24.10.1821 på husmannsplassen Hamni (Havnen) under garden Sjøtun i Hafslo prestegjeld, Luster, fekk flytteattest i 1839 for å dra til Nordland og kom aldri att til Sogn!

 

Far til Nils, Nils Lasseson, døydde i 1824, og mori Britha Olsdotter gifte seg att og utvandra med andre mann sin til Amerika i 1855. Ho levde framleis i Dane Co., WI i 1880, 88 år gamal.

 

Nils hadde to brør, Lasse Nilsson (1816-1905) og Ole Nilsson (1818-1854). Båe vart gifte i Hafslo, men utvandra med ektemakane til Amerika i 1853.

 

Eg ser ikkje noko til Nils Nilsson i 1865-teljingi for nokon stad i landet, og eg har heller ikkje funne noko som tyder på at han utvandra til Amerika.

 

Er det nokon der ute som kan hjelpa meg med opplysningar om denne unge mannen frå Sogn?? Eller er det fullstendig "nåli i høystakken"?

 

På førehand hjarteleg takk for alle forslag!

 

Med venleg helsing,

 

Lars E. Øyane

[Lars E. Øyane]

Eg vil gjerne i dag få henta fram att dette temaet, som framleis står ope og uløyst, med von om at kanskje ein eller annan har tips å komma med...

 

Hjarteleg takk for alle innspel!

 

Med venleg helsing,

 

Lars E. Øyane