Sjur Hansson Aarhus, fødd Kvam i Hardanger 1826 - til Amerika og gift der i 1857 - utvandring og lagnad?

[Lars E. Øyane]

Den 17.5.1857 stod ei vigsle i Adams Co., WI mellom:

 

Sjur Hansson (31) - fødd Hardanger - son av Hans Sjurson og Herborg Pedersdotter

Gjertrud Olsdotter (23) - fødd Sogn - foreldri ikkje oppgjevne

 

Eg trur at bruri er identisk med Gjertrud Rumohr Olsdotter Haug, fødd i Sogndal 16.7.1833 og utvandra til Amerika i 1854. Ho hadde ein eldre bror Peder Olson Haug som i 1853 utvandra og busette seg nettopp i Adams Co., WI!

 

Sjur Hansson er fødd i Kvam i Hardanger 2.7.1826 som son av skulehaldar Hans Sjurson Tjosaas og kona Herborg Perdersdotter (http://www.arkivverket.no/URN:kb_read?idx_kildeid=11543&idx_id=11543&uid=ny&idx_side=-45). Vigsli deira frå 31.5.1826 syner at Hans var frå Tjosås, medan Herborg var frå Århus (http://www.arkivverket.no/URN:kb_read?idx_kildeid=11543&idx_id=11543&uid=ny&idx_side=-114). Hans og Herborg flytte sidan til ein husmannsplass under garden Århus i Kvam der dotteri Helga var fødd 11.7.1842 (http://www.arkivverket.no/URN:kb_read?idx_kildeid=11544&idx_id=11544&uid=ny&idx_side=-44).

 

Opphavi til foreldri er med andre ord kartlagde; eg finn dei båe i FT1801 høvesvis på Tjosås og Århus, men eg har følgjande spørsmål om soga til denne huslyden på norsk side:

 

* Er det mogeleg å finna ut kva for ein plass under garden Århus dei budde på?

 

* Er det mogeleg å finna utvandringsåret til Sjur Hansson?

 

Neste problem er å finna dei att i Amerika. Broren Peder er oppførd som Peter Harvey i Adams Co., WI i 1860, men eg ser ikkje noko meir til søsteri eller Sjur Hanson. Det var mykje flytting frå Sognesettlementet i Adams Co., WI og vestover på denne tidi; mellom anna var to brør frå Urnes i Hafslo innom her på den tidi før dei hamna i New Ulm, MN der dei vart "slakta" av indianarar i 1862. Peter Haug hamna sidan i Mankato, MN, ikkje so langt unna New Ulm, MN.

 

* Alle gode tips om lagnaden til Sjur og Gjertrud i Amerika vert mottekne med stor takksemd!

 

Med venleg helsing,

 

Lars E. Øyane

[Berit Knudsen]

Her flytter vel hele familien innenlands 18/3 1844, nr.4 http://www.arkivverket.no/URN:kb_read?idx_kildeid=8285&idx_id=8285&uid=ny&idx_side=-305

[elohen]

I bygdeboka for Kvam av L.H.Torpe står dette:

 

Hans Sjurson Kjosås, f.1799-

 

g 1826 m. Herborg Persdtr. Århus, f.1798-

 

Born:

 

1. Sjur f. 1826 -d.?

 

Han drog til Sogn med foreldra, sidan til Amerika.

 

G.m. Geirtrud Rumohr frå Lærdal. Deira son er Hans Hilleboe,

 

professor ved Luther College,Iowa.Sekretær og historikar for

 

Hardinglaget i Amerika.

 

 

2. Herborg f. 1828-d? Ho drog med foreldra til USA.

 

Der gift med ein Sigurd Vik.

 

 

3. Anna f. 1832- d.1835

 

 

4. Ragna f. 1835-d?

 

g.m. Anders Arneson Rosseland,Kvam. f.1824. Begge til Amerika straks etter giftarmålet.

 

 

5. Anna f. 1838 Til Amerika

 

6. Helga f. 1842 Til Amerika

 

 

Hans gjekk i skulemeisterlære hjå presten Irgens, og avla prøve både for lærardugleik og dugleik i å vaksinera hjå prost Hertzberg i 1816. Han vart lærar både i Steinsdalen og første vaksinatør i bygda same år.

Hans hadde ei uvanleg god songrøyst. Han hadde og godt for å tala for seg, og vart mykje nytta som kjøkemeistar.

 

Han feste plassen Haugen under farsgarden til kona, og budde og bygde der. I 1833 kjøpte han Reistveit, men måtte vika for odelssøksmål nokre år seinare.

I 1843 drog han til Sogn, der han og sonen kjøpte garden Hellebø i Lavik. Derifrå drog han med huslyden til USA.

Hans held fram som lærar i USA. Han var og lekpreikar for armarane der. Ætti hans har teke navnet Hilleboe.

 

============================================================================================================================

 

Elin

[elohen]

Familien i USA i 1860?: http://digitalarkivet.no/cgi-win/webcens.exe?slag=visbase&sidenr=41&filnamn=ft21001860&gardpostnr=17751&merk=17751#ovre

 

Og her dreg vel heile gjengen i 1853 (side 16):

http://www.arkivverket.no/URN:kb_read?idx_kildeid=8399&idx_id=8399&uid=ny&idx_side=-362

 

Elin

[Berit Knudsen]

Innflytt i Lavik 16/4 1844 http://www.arkivverket.no/URN:kb_read?idx_kildeid=8399&idx_id=8399&uid=ny&idx_side=-348 Og utreise til Amerika 11/5 1853 http://www.arkivverket.no/URN:kb_read?idx_kildeid=8399&idx_id=8399&uid=ny&idx_side=-362

[Kurt Østbye]

Hans:

 

http://iowagravestones.org/gs_view.php?id=554145

 

Hilleboe i Iowa

 

http://records.ancestry.com/Ernest_Hilleboe_records.ashx?pid=88247147

 

Hans igjen

 

http://records.ancestry.com/Hans_S_Hilleboe_records.ashx?pid=57985480

[Lars E. Øyane]

Hjarteleg takk til Berit, Elin og Kurt for mange flotte innlegg!

 

Eg var heilt uvitande om at huslyden hadde vore innom Hellebø i Lavik og at dei skreiv seg for Hilleboe i Amerika. Med denne kunnskapen vart det lett å komma vidare, og frå amerikanske kjelder har eg no fått løysing på heile problemet! Sjur Hilleboe døydde i Adams Co., WI 25.1.1892, medan Gjertrud døydde same staden 5.12.1909. FT1900 syner at Gjertrud i alt hadde 11 born!

 

Med venleg helsing,

 

Lars E. Øyane