Manglar i folketeljinga 1865

[Alf Strand]

I folketeljinga 1865 for Eivindvik prestegjeld finn ein ikkje husmannsplassen Litle Færøy under garden Stokkevåg. Vi veit det budde minst ein familie der då, truleg var der to. Er det mogeleg at listene som gjeld denne plassen kan finnast ein annan stad, i materiale frå soknepresten eller andre? Eller må ein berre gå ut frå at listene er borte?

 

Alf Strand

[Yngve Nedrebø]

Vi har fotokopiar av listene frå Eivindvig ved folketeljinga 1865. Listene er summerte av presten og i byrået, og dei fortel at det var 4395 personar i prestegjeldet. Av desse var 417 i Husø, 967 i Sulen og 1179 + 902 + 930 i Eivindvig.

 

I databasen som ligg ute i Digitalarkivet er det med 4395 personar frå Eivindvig 1865.

 

Vi må rekne med at det er manglar i alle folketeljingane. Ikkje minst tenarar, som var heime i samband med jule- og nyttårshelg, manglar både hos foreldra og hos arbeidsgjevar i dei eldre teljingane. Nokre familiar er nok og utegløymde frå listene, flesteparten av desse hadde nok svake band til samfunnet. I nokre barneflokkar ser vi at eit av borna manglar. I alt kan vi truleg rekne med at 2-3% av dei som faktisk var til stades i 1865, manglar i listene.

 

Eg trur ein må rekne med at listene er borte, eller snarare at det aldrig var lister med desse personane.

[Alf Strand]

Vi har fotokopiar av listene frå Eivindvig ved folketeljinga 1865. Listene er summerte av presten og i byrået, og dei fortel at det var 4395 personar i prestegjeldet. Av desse var 417 i Husø, 967 i Sulen og 1179 + 902 + 930 i Eivindvig.

 

I databasen som ligg ute i Digitalarkivet er det med 4395 personar frå Eivindvig 1865.

 

Vi må rekne med at det er manglar i alle folketeljingane. Ikkje minst tenarar, som var heime i samband med jule- og nyttårshelg, manglar både hos foreldra og hos arbeidsgjevar i dei eldre teljingane. Nokre familiar er nok og utegløymde frå listene, flesteparten av desse hadde nok svake band til samfunnet. I nokre barneflokkar ser vi at eit av borna manglar. I alt kan vi truleg rekne med at 2-3% av dei som faktisk var til stades i 1865, manglar i listene.

 

Eg trur ein må rekne med at listene er borte, eller snarare at det aldrig var lister med desse personane.

 

Takk for svar. Eg tenkte det her skulle vera mogeleg å finna ut kva prestegjeld han kom frå, han som truleg rydda plassen. For det veit ein nemleg ikkje. Han døydde før neste folketeljing. Men der rauk den sjansen.

Alf Strand