Att'n Rolf Klevstrand og norske farmasøytar i Amerika?

[Lars E. Øyane]

Eg veit ikkje om Rolf Klevstrand les Brukarforum, men eg freister likevel på dette viset å komma i kontakt!

 

For ein del år attende hadde eg kontakt med Rolf om emnet norske farmasøytar i Amerika. No har eg fått greie på at han har utgjeve fleire bøker og artiklar om emnet, og i ei av desse skal denne personen vera nemnd:

 

Albert Rudolph TORGERSEN, son av kjøpmann Johannes (Olson) Torgersen og kona Nicoline Christiane (Torgersdotter), fødd i Christiania 24.9.1847, var utdanna farmasøyt, men utvandra i 1878 til Minnesota. Han gifte seg i 1879 med Adeline Therese Corneliusen (1854-1894), og dei fekk fem born i lag.

 

Rolf Klevstrand syner i ein artikkel til Albert R. Torgersen (1846-1926) som farmasøyt i Clarkfield, Yellow Medicine Co., MN. Eg har at han først busette seg i Alexandria, Douglas Co., MN og sidan, i 1890-åri, flytte til Clarkfield, MN, der han òg praktiserte som lækjar! Hausten 1917 eller våren 1918 flytte Albert som enkjemann til Hawarden, SK, der eg mister sporet etter han.

 

Kan Rolf, eller nokon andre, hjelpa meg med ein nøyaktig dato og stad for dødsfallet til Albert Torgersen?

 

Eg takkar so mykje på førehand for alle gode tips!

 

Med venleg helsing,

 

Lars E. Øyane