Torsten Findson Sørum (1771-1849) - frå Luster til Bergen - kvar vart det av borni hans?

[Gunnar Olsen]

Jeg var lenge undrende til at Knud Findsen Sørvig, brukte dette etternavnet når broen brukte "Sørum", men har kommet til at grunnen kanskje kan ha vært at han gjorde navnet "bymessig".

 

Hva mener du om det Lars?

 

Hilsen

Gunnar Olsen

[Lars E. Øyane]

Hjarteleg takk til Gunnar for nye utfordrande innlegg!

 

Den Erik Leri som vart konfirmert i Luster i 1759, 18 år gamal, var Erik Johannesson Leri (1741-1824) som sidan vart gardbrukar på Flohaugen, Bolstad i Luster.

 

Dei tre borni som saknast i huslyden til Torsten Findson Sørum er Peder, Frantz og Siri.  Desse namni vart stava på ulike vis i ulike kjelder, soleis er Siri i 1815 kalla Serenne, og Peder er stundom kalla Peer eller berre Per!

 

At dei tre borni (samt dei to andre som me finne før, Gjertrud og Sivert) levde i 1849, går fram av dødsmeldingi etter faren Torsten Sørum (feilaktig registrert som Torsten Sørensen):

 

Kildeinformasjon: Bergen fylke, Bergen by, Dødsfallsprotokoll 2 , 1847-1861, oppb: Statsarkivet i Bergen.

Permanent sidelenke: http://arkivverket.n..._read/23996/62/

Permanent bildelenke: http://www.arkivverk...81111620063.jpg

 

...«5 myndige Børn, hvoraf 2 er fraværende»...

 

Bui etter Anna og Torsten skal ha vore registrerte, men Statsarkivet i Bergen kunne ikkje finna noko skifte, jmf.: https://forum.arkivverket.no/topic/201674-skifte-bergen-1849-sjursdotter-og-s%C3%B8rum/

 

Når det gjeld oppkallingi av Find, som eg meiner er vorte til Frantz i Bergen, var det ikkje uvanleg på den tidi at namn fekk meir «bymessige» former i Bergen, sjølv om Frantz Torstenson var fødd før dei flytte frå Luster.  Det er jo òg påfallande at ingen har kalla opp Find!

 

På same vis vil eg tru at Rachel kan vera ei avleiing av Rannei!

 

Når det so gjeld namnet Sørvig, kjenner me Sørvik som eit gardsnamn i Lavik, og eg går ut ifrå atv det er derifrå at Knut Findson tok namnet sitt då han flytte til Bergen.

 

Då trur eg eg har svart på det meste..., men kan du, Gunnar, fortelja meg litt meir om den høgsterettsdomen frå 1844 der Frantz Sørum var innblanda?

 

Eg takkar på ny for alle gode tips om denne huslyden!

 

PS: Sidan du Gunnar seier du ikkje veit noko meir om Frantz Sørum og høgsterettsdomen hans frå 1844, vil eg leggja inn ei eigi sak om dette.denne høgsterettsdomen til Frantz Sørum frå 1844.  Kanskje einkvan av lesarane har tips å komma med?

Endret Juli 22, 2016 av Lars E. Øyane

[Gunnar Olsen]

Til Øyane

 

 

Du opplyser at Tosten og Anna dør i Munkebæksmuget, men jeg har søkt på Rode nummer i Bergen og 9 -60, skal være Knøsesmuget 7...

 

Hilsen

Gunnar Olsen

 

 

[Gunnar Olsen]

Til Øyane

 

Har du klart å tyde det siste ordet i dødsprotokollen for Torsten i det som står under merknad etter opplysningene om hans barn?

 

Hilsen

Gunnar Olsen

[Lars E. Øyane]

Hjarteleg takk til Gunnar for nye innlegg!

 

Eg har tydeleg «bomma» på bustaden til denne huslyden, med mindre dei har butt båe stader.  Men dødsstaden er heilt klart i Knøsesmuget 7!

 

Det siste ordet i dødsmeldingi er «registreret».  Dette tyder at buet vart registrert for offentleg skifte, men Yngve Nedrebø var ikkje i stand til å finna noko skifte.  Me skal likevel ikkje utelukka at skiftet kan ha vorte oppgjort flere år etter, særleg dersom ein eller fleire ervingar budde langt borte, og dei ikkje fekk tak i vedkommande...  Eg veit ikkje kor langt fram i tid Yngve har leitt...

 

Elles ventar eg framleis spent på referansen til Frantz og Høgsterettsdomen frå 1844...

 

 

[Gunnar Olsen]

​Den Norske Rigstidende 1844.08.19.

[Lars E. Øyane]

Hjarteleg takk til Gunnar for den siste referansen.  Eg veit ikkje korleis eg kan få tak i denne skrifti herifrå, men har lagt referansen inn i eige tema, so får me sjå...

[Gunnar Olsen]

Gå inn på Nasjonalbiblioteket, (nb.no) så finner du avisen...

[Lars E. Øyane]

Hjarteleg takk til Gunnar for siste innlegg!

 

Frå Tyskland har eg vanskar med tilgjenge til Nasjonalbiblioteket sin base, men eg har no motteke opplysningar om innhaldet i saki som gjer at me kan konkludera med at Frantz i alle fall i 1844 var busett i Bergen!

 

Kvar han sidan vart av, er framleis uvisst...

[Terje Hatvik]

Litt tilfang til innlegg # 1 her i denne tråden.

 

b. Gjertrud Torstensdotter Sørum, døypt i Luster 24.11.1805, d. som jekteskipperenkje på dei sjøfarande sitt fattighus i Bergen 18.2.1873.  Gjertrud flytte òg til med foreldri kring 1813 til Bergen der ho 30.10.1842 gifte seg med enkjemannen Styrk Knutson, opphavleg frå Haugland ytre i Os, i Bergen kjend som Størk Knudsen.  Han vart døypt i Os 17.3.1787 og d. i Bergen 5.2.1857.  Størk hadde vore gift to gonger før, første gongen i Bergen 26.9.1830 med enkja Elisabeth Sophie Hansdotter Schiønfeld, f. Wabech, døypt i Lund 20.9.1768.  Ho hadde visstnok vore gift tre gonger før og d. i Bergen 2.5.­1832.  Størk gifte seg so andre gongen i Bergen 19.5.1833 med Bergitte Sophie Thomasdotter Bergesen frå Bergen, f. i Bergen 26.1.1792.  Ho d. i Bergen 11.8.1841.  Størk Knudsen var styr­mann og jekteskipper; han budde i Bergen og flytte inn i Munkebæksmuget då han i 1842 gifte seg med Gjertrud.  Størk fekk i alt fire døtrer, ei frå andre ekteskapet og tre frå det siste.

 

Eg tillét meg å saksa/ lima inn det følgjande i frå ein utgammal (men like fullt relevant) tråd i ei fjern fortid:   ;)

 

#3 Guest_Terje Hatvik_*

Skrevet 17 November 2003 - 05:18

 

Ein Peder Tostensen døyr i Bergen 27.10. 1850 og vert gravlagd 01.11 (Domkirken). Han er bryggar av yrke. Kan dette vera den Peder'n som Lars etterlyser?

'Jægtefører' og 'søfarende'/skipper Størk Knutson ytre Haugland (1787 - 1857) var son av gardbrukar og fiskar i Os Knut Eilevson Haugland, f. på Hauge i Kvinnherad (1755 - 1814) og Barbro Arnesdtr. ytre Haugland (1751 - 1796). Bror til Størk, Arne Knutson (1790 - 1850) overtok farsgarden i Os. Han òg hadde eiga jekt og dreiv sterkt med fiske, det same gjeld dei to søstersønene deira i Os; Peder Thomasson Haugland og Anders Thomasson Lunde.

Ein brorson av Størk Knutson, Størk Arneson; var sjømann og mogeleg mannskap på jekta hans?

 

Eg finn ekkja etter Størk, Gjertrud Tostensdtr. att i FT 1865 for Bergen, då er ho på 'søfarendes fattighus', ikkje heilt urimeleg for ekkja etter ein skippar? Og eg finn henne død same staden i 1873, den 18. februar, gravlagd 24. februar 1873, Årstad sokn. Alderen hennar er då rett nok oppgjeve til 74, som er feil (ho er jo fødd i november 1805); men elles stemmer det. Av dei tre døtrene deira døyr den eine, Anne Catharine Knudsen, alt den 17. juli 1848, gravlagd 25. juli 1848 (NK). Ho var elles fødd 20. febr 1845. Men søstrene; Barbro Susanne, f. 20. januar 1843 og Anne Cathrine, f. 25. nov 1849; lever begge opp. Huslyden 'Stork Knudsen' heldt til i Knøsesmuget 7 på den tida.

 

I FT 1865 er Knudsen-søstrene ugifte og flytta frå Bergen: Barbro Knudsen, 22 år, er då tjenestepige hjå gjestgjevar Von Der Ohe på 'Nøjsomheden' i Fana, medan søstra Anne C. er i teneste hjå Tørris Hansen på 'Kaarthvet' i Manger. (Eg finn berre éi Anna Knutsen, 18 år, f. i Bergen i denne folketeljinga; så eg er difor overtydd om dette er den rette jenta). Begge gifter seg (etter det eg kan finna): Barbro Susanne den 19. november 1874 i Domkirken i Bergen med ein svenske; 'garversvend Nils Magnus Hagmann, f. 0808 1842 i Sverige. Kona Barbara Susanne, f. Knutsen er oppgjeven fødd 2001 1843, mao. same dama.

Kvar dei tek vegen etter giftarmålet anar eg ikkje.

 

Anne Cathrine Knudsen gifte seg i Nykirken den 04. mai 1884 med 'hattemagersvend' Arnt Martin Johnsen, f. 1852 i Bergen. Anne C. er 'pige' og er då oppgjeve å vera fødd i 1850, men ho er jo døypt 30. des 1849 - altså nesten 1850. Eit nærare ettersyn vil kanskje gje svar på kvar Barbro og mannen held til då (kven var til dømes forlovarane til Anne C.?). Eg veit ikkje kvar det blir av desse folka. Men dét er det kan hende andre som veit?

 

Far deira, Størk Knudsen; var gift to gonger før vigsla med Gjertrud den 30. oktober 1842 i Nykirken. Første gongen var 26. september 1830 med 'enke Elisabeth Sophie Schønfeldt', 51 år, 6 mnd gml. Elisabeth døyr 02. mai 1832 (53 1/2 gml.) av 'pløris' (pleuritt?). Ho blir gravlagd 08. mai 1832. Størk er då 'styrmand'. Ingen born.

 

Så gifte han seg att 19. mai 1833 i KK med 'pige' Bergitte Sophie Bergesen (frå Bergen ??). Størk er då 'søfarende'. Dette ekteskapet tek slutt 16. august 1841, då døyr Bergitte av 'nærvefeber', 48 år gml. Ho blir gravlagd 11. august 1841 i NK. Eit barn i dette giftarmålet; Elizabeth Sophie, f. 24. januar 1834, døypt 24. februar 1834 i NK. Ho gifte seg i NK den 28. februar 1858 med matros Knut Hansen, f. 1828 i Sandvik i Samnanger sokn, Os prestegjeld. Paret får fleire born. Knut Hansen (Sandvik) d. 10. mars 1884 i Bergen. Kva tid Elisabeth Hansen, f. Knutsen døyr veit eg ikkje, for det har eg ikkje sett etter. Men det er i alle høve etter 1900, for då er ho i Bergen.

 

Ved siste giftarmålet er elles Størk sitt yrke 'skipper'. Og dét var det frå mi side. Terje

• Rapporter

#4 Guest_Terje Hatvik_*

Skrevet 17 November 2003 - 21:06

 

Eg kan òg nemna at 'søfarende' Størk Knudsen sin dødsårsak i 1857 er 'brystsyge'.

Om dottera frå 2.ekteskapet, Elisabeth Sophie, og mannen hennar, Knud Hansen (Sandvik) frå Samnanger; kan eg leggja til at huslyden held til i Baneveien i Bergen i FT 1865, men at dei bur i Komediebakken i FT 1875. Knut har opphald i 'Nordsøen' i 1875, medan kona og dottera Bergitte har fast grunn under føtene sine. Ei Elisabeth Hansen døyr i Bergen den 26. januar 1913, adresse ukjend, ei anna Elisabeth Hansen vandrar ut or folkeregisteret den 06. mars 1919. Kan éi av dei vera Elisabeth Sophie f. Knudsen?? (sjå 'Døde i Bergen 1912 - 1972').

 

Elles vil eg tru at mogelege opplysingar om Barbro Susanne og Anne Cathrine kan finnast i skiftet etter mor deira, Gjertrud Thorsteinsdtr., (sjølvsagt under føresetnad av at eit slikt skifte finst, då). Mvh., Terje

Rapporter

 

#5  Guest_Terje Hatvik_*

Skrevet 18 November 2003 - 17:57

 

Retting til innlegg #3 i denne tråden: Det er berre tull at Anne Cathrine Knudsen, dotter av Størk Knudsen og Gjertrud Torsteinsdtr., var tenestejente i Manger i FT for 1865. Eg tok diverre feil av henne og ei anna Anna, alderen er òg feil. Då er det langt meir truleg at den 16-årige Anne Cathrine er den jenta som då er 'tjenestepige' hjå huslyden til 'handskemager' Peder Mørk Lodtz i Bergen. Dette er då i Mathias Gulbrandsen sin bygard i Bergen,

sjå her (FT 1865 for Bergen):

 

13346 3 1 Peder Mørk Lodtz husfader, handskemager g 37 m Bergen13347 4 Chirsten Conelia Lodtz*, f. Wulff hans kone g 31 f Bergen13348 5 Mathias Bertel Lodtz søn u H Bergen13349 6 Johanne Fredrike Lodtz datter u 10 f Bergen13350 7 Petra Constanse Lodtz datter u 6 f Bergen13351 8 Christofa Louise Lodtz datter u 1 f Bergen13352 9 Anna Katrine Knudsen tjenestepige u 16 f Bergen -----------------------

 Rapporter

 

Vonar dette er til meir hjelp enn forvirring :)

P.S. Dei mange gode databasane som er digitaliserte og lagt ut dei siste ti-tolv åra er truleg til stor hjelp.

 

 

 

 

Endret August 3, 2016 av Terje Hatvik

[Lars E. Øyane]

Hjarteleg takk til Terje for nytt innlegg!

 

Når det gjeld lagnaden til Gjertrud Torstensdotter, syner eg til manuskriptutdraget i innlegg #7.  Eg følgjer ikkje ætti lenger enn til denne generasjonen, og eg kan ikkje sjå nokon motsetnad mellom dei opplysningane som er medkomne der i forhold til kva du Terje skriv, men eg kan sjølvsagt ha oversett noko?

 

Den Peder Torstenson som døydde i Bergen 27.10.1850, var, som du Terje seier, bryggjar, men alderen hans var 54 år, d.v.s.han var åtte år eldre enn «vår» Peder

 

http://gda.arkivverket.no/cgi-win/webcens.exe?slag=visbase&sidenr=1&filnamn=1301begr&gardpostnr=5529&merk=5529#ovre

 

og ifølgje dødsmeldingi hans hadde han kone og to born

 

http://arkivverket.no/URN:sk_read/23996/88/?size=gigant&mode=0

 

men pussig nok finn eg ikkje noki vigsle i Bergen for denne Peder eller born fødde i Bergen av nokon bryggjar Peder Torstenson!

 

Kanskje du, Terje, eller andre kan identifisera denne Peder Torstenson nærare?

 

Eg finn forresten ei spennande fødsle i Bergen i 1838:

 

* Jacobine Elisabeth, fødd 5.6. og døypt i Domkyrkja 1.7.1838 av foreldri Peder Torstenson, ugift kopparsvein, og Johanna Jacobsdotter.

 

https://media.digitalarkivet.no/view/8646/9

 

Kanskje dette er «vår» Peder Torstenson??

 

Eg takkar på,ny for alle gode tips for å finna lagnadane til Peder, Frantz og Siri!

[Terje Hatvik]

Hjarteleg takk til Terje for nytt innlegg!

 

Når det gjeld lagnaden til Gjertrud Torstensdotter, syner eg til manuskriptutdraget i innlegg #7.  Eg følgjer ikkje ætti lenger enn til denne generasjonen, og eg kan ikkje sjå nokon motsetnad mellom dei opplysningane som er medkomne der i forhold til kva du Terje skriv, men eg kan sjølvsagt ha oversett noko?

 

Den Peder Torstenson som døydde i Bergen 27.10.1850, var, som du Terje seier, bryggjar, men alderen hans var 54 år, d.v.s.han var åtte år eldre enn «vår» Peder

 

http://gda.arkivverket.no/cgi-win/webcens.exe?slag=visbase&sidenr=1&filnamn=1301begr&gardpostnr=5529&merk=5529#ovre

 

og ifølgje dødsmeldingi hans hadde han kone og to born

 

http://arkivverket.no/URN:sk_read/23996/88/?size=gigant&mode=0

 

men pussig nok finn eg ikkje noki vigsle i Bergen for denne Peder eller born fødde i Bergen av nokon bryggjar Peder Torstenson!

 

Kanskje du, Terje, eller andre kan identifisera denne Peder Torstenson nærare?

 

Eg finn forresten ei spennande fødsle i Bergen i 1838:

 

* Jacobine Elisabeth, fødd 5.6. og døypt i Domkyrkja 1.7.1838 av foreldri Peder Torstenson, ugift kopparsvein, og Johanna Jacobsdotter.

 

https://media.digitalarkivet.no/view/8646/9

 

Kanskje dette er «vår» Peder Torstenson??

 

Eg takkar på,ny for alle gode tips for å finna lagnadane til Peder, Frantz og Siri!

 

Bryggjaren Peder Torstensson som døyr i Bergen i oktober 1850 kan vera identisk med denne tysnesingen:

 

http://digitalarkivet.arkivverket.no/ft/person/pf01058373001664

 

I so fall var han réelt i sitt 52. og ikkje i sitt 54. år då han forlét denne verda, men slik små avvik er vanlige. Eg trur ikkje at bryggaren er identisk med kopparsveinen som vert far i juni 1838, det er i so fall eit heller uvanleg karriérebyte- og skifte av yrke og levebrød. Og dersom den gifte bryggjaren Peder Torsteinsson verkeleg kjem frå Tysnes so må han sjølvsagt utelatast i denne samanhengen. :)

 

Kan hende denne Peder Torstenson er ein betre kandidat til 'din' Peder?:

 

http://digitalarkivet.arkivverket.no/kb/gr/person/pg00000000773385

 

Ministerialbok for Domkirken prestegjeld 1853-1863 (1301M1)

Peder Torgers

Skriv ut – Merknad/korrektur (0) – Nytt søk

ID: pg00000000773385 Kjønn: m Rolle: avdød Alder: 54 1/2 Aar

Personnummer: 1 Fødselsdato: 1801 (beregnet) Familiestilling: Styrmand Fødested: 

Dødsdato: 04.05.1856 Dødsårsak:   Lege:   Meldt:   Bosted: 9-17

   

Tilhørende personer

P.nr. Rolle   Stilling og stand   Navn                   Alder/født  Fødested Bosted

1      avdød Styrmand           Peder Torgers.  54 1/2 Aar                  9-17

 

Som ein ser døyr denne styrmannen på 54 1/2 år gml. i mai 1856. Dét høver noko betre med den her etterlyste Peder'n. Merk at patronymikon er feil her, men det kan no like gjerne skuldast ein feil i innførsla. - Terje

 

Endret August 4, 2016 av Terje Hatvik

[Ivar Moe]

Sikkert gammelt nytt men legger linken til Os bygdebok ved

 

Se nederst på side 151 og øverst 152

 

http://www.nb.no/nbsok/nb/59639e2a113b842a170cbad3ea6ceda3.nbdigital?lang=no#155

 

 

Ellers er det henvist til flere "innvandrere fra Luster- Hafslo- Sogn i denne boka

 

Mvh

Ivar

Endret November 21, 2016 av Ivar Moe

[Gunnar Olsen]

Hei igjen

 

Jeg har lest i din bygdebok at Knud Findson reiste til gården Sørvik i Lavik Ytre Sogn.

 

Jeg har funnet en gård Sørevik i Lavik, og er det denne gården du mener?

 

Jeg limer inn en lenke:

 

http://www.norgeskart.no/?sok=stamnes#!/?zoom=10&lon=-529.53&lat=6805712.78&project=seeiendom&layers=1002,1014&sok=sørevik

 

Jeg takker på forhånd for ditt svar.

 

Mvh

Gunnar Olsen

[Lars E. Øyane]

Hjarteleg takk til Terje, Ivar og Gunnar for dei siste innleggi i denne debatten!  Eg seier meg lein for seint svar, men eg har so mange «ballar» i lufti, og det kan forekomma at eg ikkje rekk over alt og at saker vert oversett...

 

Når det gjeld det siste spørsmålet, so er det nok so at eg har skrive feil gardsnamn.  Truleg har det vore feilskrive i kjelda mi, og eg er diverre ikkje lokalkjend nok til å kjenna att rette gardsnamn overalt.  Eg seier meg lei for dette!

 

Når det gjeld referansar i bygdeboki frå Os, er eg alltid interessert i å få greie på opplysningar som gjeld flytting til eller frå Luster/Hafslo/Jostedal i Sogn, jo eldre jo betre.  Eg har vel stort sett oversyn over dei som flytte på 1900-talet, men finn du noko spennande, Ivar, om tidlegare flytting, er eg so absolutt «på hogget»!

 

So til den kanskje mest kompliserte saki, styrmann Peder Torgersen i Bergen.  I utgongspunktet vil eg seia at ei «omdøyping» frå Torstenson til Torgerson er høgst uvanleg, i alle fall i Noreg!  Eg har sett Torkildson verta til Torgerson i Amerika, sogar i eige nær slekt, elles vart Tostenson i Amerika stort sett «omsett» med Thompson...

 

Eg ser av dødsmeldingi til den nemnde styrmannen at han ogso der er kalla Peder Torgersen: https://media.digitalarkivet.no/view/23996/193

 

Han etterlet umyndige ervingar, og skiftet vart registrert 19.5.1856.  Eg vil leggja inn eit spørsmål i Arkivforum om dette, so fær me sjå om Statsarkivet greier å finna dette skiftet...

 

Her er forresten siste versjon av manuskriptet for denne huslyden:

 

~~~~~~~~~~~~~~~~

 

Torsten Findson Sørum, frå Hagen 1 under Sørheim, vart døypt 6.4.1771.

Torsten Findson flytte i 1780-åri til Ytre Sogn for å tena og hadde i 1794 tilhald på garden Valsvik i Arnafjorden, Vik.

Men sist i 1790-åri flytte Torsten Findson attende til Luster.  I 1801 budde han til leige på Sørheim (bnr. 1), og 12.6.1804 gifte han seg i Hafslo med Anna Sjursdotter frå Hagen under Sviggum i Hafslo.  Ho vart døypt i Luster 15.1.1777.  Torsten var korporal og sidan sersjant ved Lysterske kompani, og 16.2.1805 fekk han feste på denne plassen på Øyen 2 i merket med Anders Andersson på Øyen 1.  I festesetelen vart plassen sagt å vera ny, men det var nok same plassen som Iver Sjurson hadde butt på og som hadde lege øyde i over ti år.  Torsten og Anna vart buande her til kring 1813.  Då vart plassen nedlagd, og jordi gjekk attende til garden.

Torsten og Anna Sørum flytte kring 1813 til Bergen, og der finn me Torsten att som vollskyttar på Nordnes.  Sidan vart han torgvektar i Bergen.  Han og Anna budde visstnok i Værftsgaten i Bergen, men flytte inn hjå dotteri Gjertrud og mannen hennar i Munkebæksmuget i Bergen der Anna d. 11.3.1849.  Torsten Sørum d. same staden 17.3.1849.  Dei fekk seks born i lag:

 

##### (fem born levde i 1849 – to av dei var då flytte frå Bergen – kven?)

 

a. Peder Torstenson Sørum, døypt i Luster 30.9.1804, flytte til Bergen med foreldri kring 1813 og

 

     ##### (levde i 1849 – lagnaden hans?)

 

b. Gjertrud Torstensdotter Sørum, døypt i Luster 24.11.1805, d. som jekteskipperenkje på dei sjøfarande sitt fattighus i Bergen 18.2.1873.  Gjertrud flytte òg til med foreldri kring 1813 til Bergen der ho 30.10.1842 gifte seg med enkjemannen Styrk Knutson, opphavleg frå Haugland ytre i Os, i Bergen kjend som Størk Knudsen.  Han vart døypt i Os 17.3.1787 og d. i Bergen 5.2.1857.  Størk hadde vore gift to gonger før, første gongen i Bergen 26.9.1830 med enkja Elisabeth Sophie Hansdotter Schiønfeld, f. Wabech, døypt i Lund 20.9.1768.  Ho hadde visstnok vore gift tre gonger før og d. i Bergen 2.5.­1832.  Størk gifte seg so andre gongen i Bergen 19.5.1833 med Bergitte Sophie Thomasdotter Bergesen frå Bergen, f. i Bergen 26.1.1792.  Ho d. i Bergen 11.8.1841.  Størk Knudsen var styr­mann og jekteskipper; han budde i Bergen og flytte inn i Munkebæksmuget då han i 1842 gifte seg med Gjertrud.  Størk fekk i alt fire døtrer, ei frå andre ekteskapet og tre frå det siste.

c. Frantz Torstenson Sørum, døypt i Luster 10.1.1808, flytte likeins med foreldri til Bergen kring 1813 og

 

     ##### (levde i 1849 – lagnaden hans?)

 

d. Siri Torstensdotter Sørum, døypt i Luster 2.4.1809, flytte med foreldri kring 1813 til Bergen og

 

     ##### (levde i 1849 – lagnaden hennar?)

 

e. Torborg Torstensdotter Sørum, døypt i Luster 17.11.1811, flytte likeins til Bergen med foreldri kring 1813, men d. der alt 23.4.1814.

f. Sivert Torstensen, f. i Bergen 22.2.1819, d. i Bergen 18.9.1893.  Han gifte seg i Bergen 24.4.1848 med Nicoline Petronelle Nilsdotter Nilsen.  Ho var f. i Bergen 26.4.1825 og d. i Bergen 20.5.1915.  Sivert tok 15.3.1842 borgarskap i Bergen som bøkkermeister, og han og Nicoline vart buande i Bergen levetidi ut.  Dei fekk ti born i lag.

 

~~~~~~~~~~~~~~~~

 

Eg takkar på ny for alle gode tips om lagnadane til Peder, Frantz og Siri!

[Lars E. Øyane]

So er det i dag komme eit svar frå Statsarkivet i Bergen når det gjeld styrmann Peder Torgerson og skiftet hans.

 

https://forum.arkivverket.no/topic/212454-skifteregistrering-bergen-1856-peder-torgersen/

 

For meg ser det ut som om denne styrmannen har ættenamnet TRAAD, og eg tvilar sterkt på om han kan vera identisk med «vår» Peder Torstenson.  Då ville det ganske sikkert ha vore betre opplysningar om ervingane hans...

 

Men, eg gjer ikkje opp, og kanskje dukkar det før eller sidan opp detaljar om dei tre sakna søskeni...

 

Ein ny kjempetakk for framifrå bistand til løysing av denne utfordringi!

[Lars E. Øyane]

Eg ønskjer i dag på ny å henta fram dette emnet som har lege «i dvale» i snart tre år.  Diverre har eg i mellomtidi ikkje greidd å finna noko som helst spor etter dei tre søskeni, som me veit levde etter foreldri i 1849, men som er «sokke i jordi»!  Eitt av søskeni budde tydeleg i Bergen eller ganske so nær, medan dei to hine var bortflytte!

 

For ordens skyld; her følgjer siste versjon av dette manuskriptet:

 

~~~~~~~~~~~~~~~

 

Torsten Findson Sørum, frå Hagen 1 under Sørheim, vart døypt {i Luster} 6.4.1771.

Torsten Findson flytte i 1780-åri til Ytre Sogn for å tena og hadde i 1794 tilhald på garden Valsvik i Arnafjorden, Vik.

Men sist i 1790-åri flytte Torsten Findson attende til Luster.  I 1801 budde han til leige på Sørheim (bnr. 1), og 12.6.1804 gifte han seg i Hafslo med Anna Sjursdotter frå Hagen under Sviggum i Hafslo.  Ho vart døypt i Luster 15.1.1777.  Torsten var korporal og sidan sersjant ved Lysterske kompani, og 16.2.1805 fekk han feste på denne plassen på Øyen 2 i merket med Anders Andersson på Øyen 1.  I festesetelen vart plassen sagt å vera ny, men det var nok same plassen som Iver Sjurson hadde butt på og som hadde lege øyde i over ti år.  Torsten og Anna vart buande her til kring 1813.  Då vart plassen nedlagd, og jordi gjekk attende til garden.

Torsten og Anna Sørum flytte kring 1813 til Bergen, og der finn me Torsten att som vollskyttar på Nordnes.  Sidan vart han torgvektar i Bergen.  Han og Anna budde visstnok i Værftsgaten i Bergen, men flytte inn hjå dotteri Gjertrud og mannen hennar i Munkebæksmuget i Bergen der Anna d. 11.3.1849.  Torsten Sørum d. same staden 17.3.1849.  Dei fekk seks born i lag:

 

##### (fem born levde i 1849 – to av dei var då flytte frå Bergen – kven?)

 

a. Peder Torstenson Sørum, døypt i Luster 30.9.1804, flytte til Bergen med foreldri kring 1813 og

 

     ##### (levde i 1849 – lagnaden hans?)

 

b. Gjertrud Torstensdotter Sørum, døypt i Luster 24.11.1805, d. som jekteskipperenkje på dei sjøfarande sitt fattighus i Bergen 18.2.1873.  Gjertrud flytte òg til med foreldri kring 1813 til Bergen der ho 30.10.1842 gifte seg med enkjemannen Styrk Knutson, opphavleg frå Haugland ytre i Os, i Bergen kjend som Størk Knudsen.  Han vart døypt i Os 17.3.1787 og d. i Bergen 5.2.1857.  Størk hadde vore gift to gonger før, første gongen i Bergen 26.9.1830 med enkja Elisabeth Sophie Hansdotter Schiønfeld, f. Wabech, døypt i Lund 20.9.1768.  Ho hadde visstnok vore gift tre gonger før og d. i Bergen 2.5.­1832.  Størk gifte seg so andre gongen i Bergen 19.5.1833 med Bergitte Sophie Thomasdotter Bergesen frå Bergen, f. i Bergen 26.1.1792.  Ho d. i Bergen 11.8.1841.  Størk Knudsen var styr­mann og jekteskipper; han budde i Bergen og flytte inn i Munkebæksmuget då han i 1842 gifte seg med Gjertrud.  Størk fekk i alt fire døtrer, ei frå andre ekteskapet og tre frå det siste.

c. Frantz Torstenson Sørum, døypt i Luster 10.1.1808, flytte likeins med foreldri til Bergen kring 1813 og

 

     ##### (levde i 1849 – lagnaden hans?)

 

d. Siri Torstensdotter Sørum, døypt i Luster 2.4.1809, flytte med foreldri kring 1813 til Bergen og

 

     ##### (levde i 1849 – lagnaden hennar?)

 

e. Torborg Torstensdotter Sørum, døypt i Luster 17.11.1811, flytte likeins til Bergen med foreldri kring 1813, men d. der alt 23.4.1814.

f. Sivert Torstensen, f. i Bergen 22.2.1819, d. i Bergen 18.9.1893.  Han gifte seg i Bergen 24.4.1848 med Nicoline Petronelle Nilsdotter Nilsen.  Ho var f. i Bergen 26.4.1825 og d. i Bergen 20.5.1915.  Sivert tok 15.3.1842 borgarskap i Bergen som bøkkermeister, og han og Nicoline vart buande i Bergen levetidi ut.  Dei fekk ti born i lag.

 

~~~~~~~~~~~~~~~

 

Ein ny kjempetakk for framifrå bistand i freistnadane på å finna att desse tre søskeni!