Anna Nilsdotter Kvalen/Urness - fødd i Hafslo 1834 - til Amerika i 1867 - lagnaden hennar? - ei skikkeleg utfordring!

[Lars E. Øyane]

Dette er ei «nøtt» som eg har grubla på i mange år, men som eg enno ikkje har greidd å finna ei løysing på.  Kanskje er det mogeleg om fleire par auge kan sjå på denne utfordringi...?

 

Anna Nilsdotter Kvalen eller Urnes, fødd i Hafslo 16.6.1834, dotter av Nils Hansson (1775-1866) og andre kona Anna Sjursdotter (17982-1875), utvandra til Amerika i 1867.

 

Ho reiste nok i lag med bror sin:

 

Thomas Nilsson Kvalen (1817-1898), i Amerika dels kjend som Thomas Nelson, dels som Thomas N. Kvalen.  Thomas utvandra med kone og fleire born til Coon Prairie, Vernon Co., WI.  Kona døydde same hausten kort etter dei kom fram, men Thomas og borni vart buande i dette området, i alle fall i mange år (sjølv om ikkje enno har greidd å finna dei i FT1870!!)!  Thomas døydde òg der!

 

Ei søster av Anna:

 

Guri Nilsdotter (1826-1899) var gift med Ole Christenson Bakken (1823-1908).  Desse utvandra til Amerika i 1866 og fór då til Dane Co., WI, men flytte alt i 1867 vidare til Norway township, Winnebago Co., IA og i 1876 vidare til Viking township, Traill Co., ND.  Dei skreiv seg i Amerika dels Christianson og dels Bakken!

 

Eg TRUR ho busette seg, i alle fall først etter ankomsten til Amerika, i lag med bror sin i Vernon Co., WI.  Bakgrunnen for dette:  Søsteri Guri fekk born i Iowa i 1868, 1870 og 1873, men Anna er IKKJE nemnd som fadder for nokon av dei!!

 

Er det mogeleg å finna lagnaden til Anna Nilsdotter i Amerika?  Eg står heilt «bom fast», men lever i voni og takkar so mykje på førehand for alle gode tips!