Sjømannsregisteret Bergen kring 1850 - brørne Pedersen?

[Lars E. Øyane]

Petter Martin Pedersen, fødd i Bergen 12.12.1820, var sjømann i Bergen då han gifte seg i Krosskyrkja 2.3.1849 med Brytteva Johannesdotter frå Brekkhus på Voss.  Brytteva gifte seg att i Krosskyrkja 29.10.1854 som enkje, utan at dødsfallet til Petter Martin er innført i kyrkjebøkene i Bergen.

 

Cornelius Olai Pedersen, fødd i Bergen 24.3.1823, er kalla «ungkarl og matros frå Bergen» då han i desember 1851 vart sagd vera far til ei «uekte» jente Alvilde Petrine fødd i Bergen.  Innan 1857 var Cornelius i Amerika.

 

Kan sjømannsrullane for Bergen fortelja oss noko meir om lagnadane til desse brørne?

 

Eg takkar so mykje på førehand for hjelpi!

[Arkivverket - Anita Riise]

I Hovedrulle 1840 finn vi Peter Martin på fol. 217 og Cornelius Olai på fol. 221:

 

I Ekstrarulle Bergen 1817-1840(nr 150) finn vi brørne igjen (rode 6 under h):

 

[Lars E. Øyane]

Hjarteleg takk til Anita for interessante opplysningar frå sjømannsrullane!

 

Det har ikkje vore so heilt enkelt å tolka desse, men eg er komen fram til at

 

** Petter Martin Pedersen er sist nemnd på ein reise til Østersjøen i september 1851 og at han er stroken i 1852 som «død på ein reise».  Det vert synt til ein journal, men eg har vanskar med å forstå samanhangen...

 

** Cornelius Olai Pedersen er sist nemnd i 1853 då han desserterte frå (Philadelphia er stroke og erstatta med) Rio de Grande (Brasil).  Han synest vera utgått «for alder» i 1854.

 

Cornelius er nemnd første gongen i Amerika i 1857.  Og når det gjeld Petter, bør han vera i dødsfallsregisteret i Bergen for siste del av 1851 eller i 1852!

 

Og ganske riktig:  Her er matros Petter Martin Pedersen med dødsdato 7.1.1852: https://media.digitalarkivet.no/view/23996/115

 

Her finn me ei av òrsakene til at eg ønskjer meg digitalisering av dødsfallsprotokollane for Bergen by...

 

Diverre står det i dødsmeldingi ikkje noko om kvar Petter døydde, men kanskje det går fram av journalen nemnd ovanfor?

 

Eg takkar igjen for framifrå hjelp med å finna fram desse rullane!

[Arkivverket - Anita Riise]

Diverre ser det ikkje ut til at det er bevart journal som dekker 1852.

[Lars E. Øyane]

Hjarteleg takk til Anita for siste oppdateringi.

 

Då er det vel ikkje noko meir me kan gjera i denne saki, men eg er glad for dei opplysningane som ligg føre!  Nok ein gong ein kjempetakk for hjelpi!