Lars Nilsson (Berge-bøen) - fødd i Luster 1749 - stod som soldat i Fredrikshald (Halden) i 1779 - kom aldri heim att til Sogn - lagnaden hans?

[Lars E. Øyane]

Dette er ein person som eg har vore på leiting etter i mange år, men so langt utan hell...:

 

Lars Nilsson, son av Nils Pederson (1715-1785) og Mari Davidsdotter (1719-1801), husmannsfolk på Bøen under Berge i Dale sokn i Luster, vart døypt i Luster 10.5.1749.

 

Me har ei fråsegn om at han i 1779 var stasjonert som soldat i Fredrikshald (Halden).  Han kom aldri heim att til Sogn, men kvar vart det av han?

 

Det hadde vore kjempeflott om nokon greidde å komma på sporet etter denne karen, og eg takkar so mykje på førehand for alle gode tips!

[Lars E. Øyane]

Eg tillet meg i dag å henta fram att denne kjempeutfordringi frå i fjor.

 

Denne soldaten kom aldri heimatt til Luster, so eg vil gissa på at han etter endt hærteneste vart buande austpå, men er det mogeleg å finna han att?

 

Eg kan leggja til at han i juni 1773 laut stå til rette for eit «uekte» barn han då hadde fått i Luster med Britha Findsdotter, so han må vera faren etter den tid...

 

Eg takkar på ny for alle gode tips so kan leia oss til ei oppsporing av Lars!