Sophia Christensdotter Skjolden (1810-1846) - gift i Førde 1843 med Anders Larsson frå Myren i Førde - flytte til Bergen, men ho døydde i barselseng - kvar vart det av Anders? - til Molde? - dødsfalli til døtrene deira i Trondheim?

[Bente L. Skjager]

10 timer siden, Lars E. Øyane skrev:

** Og endeleg har sikkert bygdeboki for Hol detaljar om Sylte og opphavet hennar Cecilie...?

Har lagt ved side 542 fra "Folk og fortid i Hol. 5 : Ætt og eige : Sør-Hovet framhald, Nord-Hovet, Sudndalen og Strønde" hvor Cecilie er omtalt under Rabbestølen.

 

Mvh Bente

[Lars E. Øyane]

Hjarteleg takk til Sven og Bente for nye spennande innlegg!

 

Eg ser av bygdboki frå Hol at huslyden flytte til Aukra i 1827.  Det finst ikkje nokon gard Sylte i Aukra i dag, men Fræna vart jo ikkje utskilt frå Aukra før i 1859, og i Fræna er det ein gard Sylte!  Eg ser elles at broren Kittil Nilsson er oppgjeven med Fræna som fødestad i FT1865:

 

https://digitalarkivet.arkivverket.no/ft/person/pf01038296003043

 

Då er spørsmålet om opphavet til Cecilia løyst, og eg presenterer her eit oppdatert manuskript som erstatning for manuskriptet i innlegg #18 på førre side:

 

~~~~~~~~~~~~~~~

 

Sophia Christensdotter (Skjolden), døypt i Luster 29.7.1810, konfirmert i Luster i 1825.

Sophia Christensdotter flytte i ung alder til Førde der ho 24.6.1843 gifte seg med Anders Larsson frå Myren i Førde.  Han var son av gardbrukar Lars Nilsson på Myren, opphavleg frå Frøysland, og kona Rakel Pedersdotter frå Myren og var f. i Førde 28.2.1808.  Sophia og Anders flytte straks vidare til Bergen der me finn dei att under namni Anders Larsen og kona Sophie.  Anders livnærte seg so dagarbeidar, og parfolket budde i Muségaten i Bergen der Sophie d. i barselseng 12.11.1846, to dagar etter yngste dotter hennar var fødd.  Anders flytte som enkjemann til Molde der han 20.6.1855 gifte seg att med Cecilie Nilsdotter frå Sylte i Fræna.  Ho var f. på Rabbestølen, Skøro nedre i Hol 13.2.1821, men flytte med foreldri sine i 1827 til Fræna.  Anders, som stundom skreiv seg for Myren, livnærte seg i Molde som bryggjar, men d. i Molde alt 21.3.1857.  Cecilie var sidan ei tid «gangkone» på Reknes stiftelse i Molde, men budde elles på ein plass i Røbækhagen under Årønes i Bolsøy der ho d. som husmannsenkje 22.5.1906.  Anders fekk i alt fire born, tre frå første ekteskapet og eitt frå det andre:

a. Lorentzius Mathias Andersen, f. i Bergen 6.1.1844, d. i Bergen 26.5.1844.

b. Marie Laurine Andersen, f. i Bergen 1.8.1845, d. som byggmeistarkone i Trondheim 3.8.1915.  Marie gifte seg i Domkyrkja i Trondheim 26.5.1872 med John Andreas Johannesson Johansen frå Trondheim, f. i Trondheim 10.4.1844.  Han d. som byggmeistar i Trondheim 17.9.1924.  John tok til som murarsven, men vart so murmeistar for sidan å enda opp som byggmeistar.  Han og Marie budde i Trondheim levetidi ut og fekk sju born i lag.

 

 

     ##### (sjekka borni! – tre born levde att 1915 – inkl.:

            * Anna Sofie, f. DK, Trondheim 9.9.1872 – d. Trondheim 19.2.1900

            * Mathilde Josefa, f. Trondheim 27.3.1874 – n. 1900/1910 – d. i Trondheim 1.9.1968

            * Rosa Margrethe, f. Trondheim 22.4.1876 – n. 1900 (i Dresden for at lære å spille piano!) – g. DK, Trondheim 30.12.1908 med Ole Kristian Solbu, f. Bindalen 1.8.1877 – handelsbetjent – ho musikklærar – Rosa Solbu døydde i Trondheim 31.12.1962

            * John Andreas, f. Vår Frue, Trondheim 23.9.1878 – n. 1900 (murar)/1910 (murmeistar) – d. 26.9.1955

            * Herman Sigvard, f. DK, Trondheim 19.8.1882, d. 4.3.1883

            * Hilda Marie, f. DK, Trondheim 4.5.1884, d. 1885

            * Marie Elisabeth, f. DK, Trondheim 14.7.1887, d. 15.12.1889)

 

 

c. Sophie Randine Andersen, f. i Bergen 10.11.1846, d.

 

 

     ##### (dato og stad for dødsfallet hennar? – dødsfallet vart meldt i Trondheim 3.9.1940!)

 

 

     Ho gifte seg i Domkyrkja i Bergen 15.11.1885 med enkjemannen Edvard Johansen frå Trondheim, f. i Trondheim 6.11.1848,  Han d. som kommunal pensj0nist i Trondheim 29.12.1921.  Edvard gifte seg første gongen i Domkyrkja i Trondheim 31.12.1876 med Johanne Mathilde Persdotter Persen frå Trondheim, f. i Trondheim 14.1.1853.  Ho d. som matroskone i Trondheim 27.7.1882.  Edvard var ei tid båtsmann og matros og budde ei kort tid i Bergen, men flytte oppatt til Trondheim der han vart tømmermann, mellom anna ved det statlege ingeniørvesenet.  Han og Sophie fekk ein son i lag, som d. kort etter fødsli, men Edvard hadde òg tre søner frå første ekteskapet sitt.

 

 

     ##### (sjekka borni! – inkl.:

            * Johan Johansen, f. Trondheim 1876 – n. 1885 Bergen

            * Axel Leonard Johansen, f. DK, Trondheim 16.11.1878 (far sjømann) – n. 1900 ug. murarhåndtlangar!

            * Harald Christian Johansen, f. DK, Trondheim 16.2.1881, d. før 1885!? – ikkje i Bergen!

            * Kristian Bernhard Johansen, f. i SV, Bergen 9.11.1886, d. i Bergen 11.11.1886)

 

 

d. Beate Nicoline Andersen, f. i Molde 5.7.1855, d. på ein gamleheim i Oslo 13.1.1932.  Beate Andersen flytte i ung alder til Trondheim der ho livnærte seg som tenestejente til ho kort etter hundreårsskiftet tok til som tenestejente i Christiania.  Ho var ugift.

 

 

 

~~~~~~~~~~~~~~~

 

Attståande hovudutfordringar (jmf. innlegg #22) er soleis no:

 

** Dødsfallet til Johanna Mathilde Andersen mellom 1881 og 1885, rimelegvis i Trondheim?

 

** Dødsfallet til Sophie Randine Andersen etter 1932, rimeligvis i Bakke?

 

** Bygdeboki for Førde kan sikkert gjera greie for om foreldri til Anders var gardbrukarar eller kva?

 

Eg takkar endå ein gong for framifrå hjelp med å komplettera denne huslyden!

Endret April 5, 2017 av Lars E. Øyane

[Tore Nilssen]

I tilfelle du er interessert i mer om barna til Marie, her er om John og Mathilde:

 

John Andreas Johansen, gift med Alma Sundelin. Trolig barnløs. Bodde trolig på Dovre. Død 26.09.1955. (Dødsannonse, Adresseavisen 01.10.1955.)

Mathilde Johansen, ugift, drev i 50 år barnehage i Trondheim. Død 01.09.1968, 94 år gammel. (Dødsannonse, Adresseavisen 03.09.1968.)

 

Vedlegg: Mathildes dødsannonse.

 

MathildeJohansen.pdf

[Carsten Schanche]

Johanne Mathilde døde 27-7-1882

 

SAT, Ministerialprotokoller, klokkerbøker og fødselsregistre - Sør-Trøndelag, 604/L0189: Ministerialbok nr. 604A10, 1878-1892, s. 201
Brukslenke for sidevisning: https://media.digitalarkivet.no/kb20060126050194

 

[Lars E. Øyane]

Hjarteleg takk til Tore og Carsten for spennande og nyttige innlegg!

 

Då har eg retta opp manuskriptet i innlegg #27 ovanfor og slår fast at berre to av «hovudutfordringane» no står att:

 

** Dødsfallet til Sophie Randine Andersen kort før 3.9.1940?

 

** Bygdeboki for Førde kan sikkert gjera greie for om foreldri til Anders var gardbrukarar eller kva?

 

Eg takkar endå ein gong for framifrå bistand!

[Sven Hjortland]

Fra Førde Bygdebok

[Lars E. Øyane]

Hjarteleg takk til Sven for siste utfyllande innlegget!

 

Då har me fått ei stadfesting av at foreldri til Anders Larsson verkeleg var gardbrukarar på Myren («Myra») i Førde, og ogso denne rettingi er lagt inn i manuskriptet i innlegg #27 ovanfor!

 

No er det berre den eine dødsdatoen frå Trondheim 1940 som står att, men om det ikkje finst ei dødsannonse for Sophie Johansen, lyt me vel til Statsarkivet i Trondheim for å få tak i den...?

 

Ein ny kjempetakk for framifrå dugnadsinnsats for å komplettera denne huslyden!