SF Davik/Eid/Gloppen - kven er systrene (?) Inger Olsdtr Kjøllesdal og Anne Olsdtr Mettenes, fødde rundt 1710?

[Aase R Sæther - Gloppen]

I dette skiftet etter Rasmus Eliasson Kjøllesdal (= Myklebust) 

 

SAB, Nordfjord Sorenskriveri, 04/04a/L0013: Skifteprotokollar, 1758-1762, s. 378b-379a
Brukslenke for sidevisning: https://media.digitalarkivet.no/sk20081128660380

 

har enkja Inger Olsdtr med seg "sin svoger" Ola Ellingson Mettenes som lagverje. Svoger kan bety mykje på denne tida, men ho har ingen svigerson, så det er i alle fall ikkje det. Mest sannsynleg er han Svoger i vår forstand av ordet: han har på den tida ei kone som heiter Anne Olsdtr, og desse to, Inger og Anne, kan godt vere systre. Bygdeboka skriv "Anne Olsdtr Hammar" om henne, men eg finn ingen Ola der som passar. 

 

Særleg Inger har stor etterslekt. Er det nokon av etterkomarane hennar (eller andre) som har funne ut meir om kvar ho kom frå?

 

 

[Inge Nygård]

Eg har ikkje funne noko svar, men eg vil nemne at i bygdeboka for Kjølsdalen er Inger kalla "Inger Oladtr. Heggja". Kva dette er basert på, veit eg ikkje.

[Aase R Sæther - Gloppen]

Gamle Jacob Aaland har ikkje nemnt namnet hennar i det heile, berre mannen.

[Tor Kvien]

Her er forlovelsen til Inger:

https://media.digitalarkivet.no/kb20070503620473

 

Forloveren Halstein Arnesen er halvsøskenbarn til brudgommen som opprinnelig kommer fra Hornindal, og det samme gjør Halstein Arnesen. Den andre forloveren er en Ole som bor på Skårhaug i Eid.  Det er uvisst hvilket forhold han har til brudeparet. 

 

Bygdebokforfatteren av Kjølsdals-boka kan ikke på stående fot forklare hvorfor det står at Inger Olsdatter skal være fra Heggja/Heggen.

 

 

Endret Februar 17, 2018 av Tor Kvien

[Aase R Sæther - Gloppen]

Bra! Truloving /ekteskap mellom Ola Ellingson Mettenes og Anne Olsdtr har eg ikkje funne, men det kan muligens vere fordi det er lakune i kyrkjebok for Gloppen ca 1736-38, akkurat på den tida ein kan forvente ekteskapet. Fyrste kona hans døydde i 1732, og eldste barnet i neste ekteskap er i 1739.

[Tor Kvien]

4 minutter siden, Aase R Sæther - Gloppen skrev:

Bra! Truloving /ekteskap mellom Ola Ellingson Mettenes og Anne Olsdtr har eg ikkje funne, men det kan muligens vere fordi det er lakune i kyrkjebok for Gloppen ca 1736-38, akkurat på den tida ein kan forvente ekteskapet. Fyrste kona hans døydde i 1732, og eldste barnet i neste ekteskap er i 1739.

 

Metteneset lå på den tiden til Davik, men jeg har heller ikke funnet noe i kirkebøkene der.

 

[Aase R Sæther - Gloppen]

Akkurat nå, Tor Kvien skrev:

 

Metteneset lå på den tiden til Davik, men jeg har heller ikke funnet noe i kirkebøkene der.

Ja, men dersom Anne skulle vere frå Hammar som bygdeboka seier, er vi i Gloppen. Men uansett - ikkje funn.

[Tor Kvien]

Ole Ellingsen sitt første ekteskap med Brite Iverdatter Vik.  

Forlovere:
Rasmus Svendsen Møchlebust
Lars Mortens. Aarvig

 

SAB, Davik Sokneprestembete, Ministerialbok nr. A 1, 1710-1742, s. 16
Brukslenke for sidevisning: https://media.digitalarkivet.no/kb20070418630278

 

Ekteskapet med Anne må være på slutten av 1730.

[Aase R Sæther - Gloppen]

Ja, viss du meiner "slutten av 1730-talet" er eg enig. Eg er plaga med ein del eldre notatar i basen min som eg ikkje har dokumentert, og under Ola, son til Ola Ellingson og Anne Olsdtr Mettenes, har eg notert Døypt i Kinn. Men kvar eg har den opplysninga frå, anar eg ikkje, og eg finn han ikkje døypt verken i Kinn eller Gloppen. Det skal vere ca 1739.

 

Redigert: Eg ser no at Ola jr er døypt i Davik. https://digitalarkivet.no/view/255/pd00000013321144

 

Kan fadderane seie oss noko? Jakob Mettenes, Rasmus Skeistrand,  Kirsti Andersdtr og Marte Olsdtr?

Endret Februar 17, 2018 av Aase R Sæther - Gloppen

[Aase R Sæther - Gloppen]

I 1741 finn eg dåpsbarnet Brite Mettenes. Far er oppgjeve til Jakob, men hans kone er nær 80 år då, så eg trur dette må vere Ola og Anne si dotter Brite.

https://digitalarkivet.no/view/255/pd00000013321534

 

Her noterer eg fadrar Brite Olsdtr,  Mette Påldtr og Karen.

 

Eg har også notert meg ein son Rasmus i 1742 - men det finn eg ikkje att no.

Endret Februar 17, 2018 av Aase R Sæther - Gloppen

[Inge Nygård]

Dåpen til Rasmus 19.12.1742: https://media.digitalarkivet.no/kb20070418630402

 

 

[Aase R Sæther - Gloppen]

36 minutter siden, Inge Nygård skrev:

Dåpen til Rasmus 19.12.1742: https://media.digitalarkivet.no/kb20070418630402

Takk for den! Der er det "heile grannelaget" som er fadrar.

[Aase R Sæther - Gloppen]

2 timer siden, Tor Kvien skrev:

Her er forlovelsen til Inger:

https://media.digitalarkivet.no/kb20070503620473

Det at dei blir trulova i Eid - naglar det Inger til Eid? Rasmus er eidar, men er det ikkje vanleg med truloving i brura sitt prestegjeld?

[Tor Kvien]

Inger og Anne Olsdøttre sin far skal angivelig være en Ole Andersen Heggen.  Kilden til dette er et notat som far til bygdebokforfatteren har skrevet etter besøk på Riksarkivet i Bergen en gang på 1950-tallet. I notatet er fødselsår angitt å være1699.  Det mangler da fortsatt håndfaste bevis på at dette stemmer. Ingen av disse jentene er nevnt i "Honndalsboka" under Heggen.

[Aase R Sæther - Gloppen]

Kjelde-tilvisingar har ofte blitt rekna som unødvendig heft :-)  

 

Kan det vere denne mannen vi snakkar om?

 

 http://gda.arkivverket.no/cgi-win/webcens.exe?slag=visbase&sidenr=1&filnamn=1701nba&gardpostnr=7057&personpostnr=7057#nedre

 

Eller i original: 

 

RA, Manntallet 1701, nr. 9: Sunnfjord fogderi, Nordfjord fogderi og Svanø birk, 1701, s. 214-215
Brukslenke for sidevisning: https://media.digitalarkivet.no/ft10051010280115
 

Eg vil tru desse tre Anderssønene er brør.

Endret Februar 19, 2018 av Aase R Sæther - Gloppen

[Aase R Sæther - Gloppen]

No har eg berre den gamle Aalandsboka for Eid/Hornindal, men dette er det eg les ut av det som står der.

 

Brukar i 1666 er Anders Monsson. Enkja etter han gifter seg med Jakob Rasmusson Skrede, brukar 1697

 

Neste brukar er Ola Rasmusson - (kanskje ein bror av Jakob Rasmusson?) Han er gift med eldste dottera til Anders Monsson.

 

Slik eg då ser det, kan desse tre Anderssønene vere svograr til brukaren Ola Rasmusson.

 

I følgje denne boka blir br nr 1 delt i 1709, og Ola Andersson får den eine parten (br nr 2). Kona hans gifter seg som enkje med Ola Didrikson Frislid.

 

Har den nyare utgåva andre opplysningar?

 

 

[Tor Kvien]

Min bygdebok for Eid er v/Edvard Os fra 1953, og Honndalsboka fra 1989. Ingen av dem har andre opplysninger enn de du har notert.

 

Siden Guri Rasmusdatter, enka etter Ole Andersen Heggen ble gift på nytt med Ole Didriksen Frislid, skulle man tro at det må ha vært skifte etter Ole Andersen. Så langt har jeg ikke funnet noe hverken i overformynderprotokollen eller tilgjengelige skifter. 

 

"Honndalsboka" opererer med 5 barn etter Ole og Guri, men hverken Inger eller Anne er blant disse.  Derimot sier samme bok at Ole Rasmussen Heggen hadde ei datter Anne f. i 1699 og gift på Hopland med en Ole Knudsen.  Ikke enkelt dette, nei.

[Aase R Sæther - Gloppen]

Kva les vi ut av dette dokumentet?

 

SAB, Nordfjord Sorenskriveri, 04/04a/L0009: Skifteprotokollar, 1744-1747, s. 440b-441a
Brukslenke for sidevisning: https://media.digitalarkivet.no/sk20081128630443
 

I staden for eit ordinært skifte etter Guri Rasmusdtr Frislid, som ville vist alle arvingane hennar, får vi berre ei semje der svigersønene Arne Andersson Orheim og Ola Andersson Hjelle tek på seg ansvaret for å løyse ut gjelda i buet. Synd.

Endret Februar 19, 2018 av Aase R Sæther - Gloppen

[Aase R Sæther - Gloppen]

4 timer siden, Tor Kvien skrev:

"Honndalsboka" opererer med 5 barn etter Ole og Guri, men hverken Inger eller Anne er blant disse.  Derimot sier samme bok at Ole Rasmussen Heggen hadde ei datter Anne f. i 1699 og gift på Hopland med en Ole Knudsen.  Ikke enkelt dette, nei.

Kven skal desse 5 borna vere? Kva er forresten Honndalsboka?

Endret Februar 19, 2018 av Aase R Sæther - Gloppen

[Harald L. Bakke]

"HORNINDAL  - NORDFJORD"

Ættelister for kvar gard i bygda.   (1989)

 

Denne boka byggjer på Knut Svaar- Seljesæter si bok  om slektene frå Honndalen.

 

[Aase R Sæther - Gloppen]

1 time siden, Harald L. Bakke skrev:

"HORNINDAL  - NORDFJORD"

Ættelister for kvar gard i bygda.   (1989)

Denne boka byggjer på Knut Svaar- Seljesæter si bok  om slektene frå Honndalen.

Takk for det! Ser ikkje ut som denne er å finne på nb.no?

 

[Aase R Sæther - Gloppen]

5 timer siden, Tor Kvien skrev:

 Derimot sier samme bok at Ole Rasmussen Heggen hadde ei datter Anne f. i 1699 og gift på Hopland med en Ole Knudsen.  Ikke enkelt dette, nei.

Berre for å få avklara dette også sidan du fyrst har nemnt det: Ved skiftet etter Ola Knutson Hopland i 1734 møter enkja Anne Olsdtr med "sin broder" Rasmus Olsson Heggen som lagverge, så den opplysninga stemmer.

[Tor Kvien]

5 minutter siden, Aase R Sæther - Gloppen skrev:

Takk for det! Ser ikkje ut som denne er å finne på nb.no?

 

Kopi:

[Aase R Sæther - Gloppen]

Redigert: Skifte etter Tore Olsson Heggen stemmer vel dårleg med det som elles er opplyst her. 

 

https://media.digitalarkivet.no/view/24238/88

Endret Februar 19, 2018 av Aase R Sæther - Gloppen

[Aase R Sæther - Gloppen]

No kan det vere på tide å nullstille litt her, og prøve å teikne kartet på nytt - kva er det eigentleg vi held på med?

 

Spørsmålet i overskrifta står fast - men i innlegg 14 kjem Tor Kvien med eit ned-arva notat frå 1950-talet, dessverre utan kjeldetilvising, som påstår at faren vi leitar etter er ein Ola Andersson Heggen.

 

Det er lite truleg at dette er teke heilt ut av lause lufta, så når vi no skal leite vidare, kan vi setje dette som ein arbeidshypotese, og så ser vi om vi får det til å stemme. Vi puslar saman det vi greier å finne om denne slekts-krinsen, og ser om vi til slutt kan finne den rette koblinga.

 

I følgje bygdeboka skal brukaren i 1666 vere Anders Monsson, (manntalet kallar han berre Anders). Framleis i følgje bygdeboka skal enkja hans gifte seg med Jakob Rasmusson Skrede, brukar 1697. Og neste brukar er Ola Rasmusson - han er gift med eldste dottera til Anders Monsson, i følgje bygdeboka.

 

Denne Ola Rasmusson finn vi i 1701-manntalet, 40 år gammal, med sonen Rasmus, 2 år gammal.

 

RA, Manntallet 1701, nr. 9: Sunnfjord fogderi, Nordfjord fogderi og Svanø birk, 1701, s. 214-215
Brukslenke for sidevisning: https://media.digitalarkivet.no/ft10051010280115

 

Vi ser at han har tre "tenarar" - Ola, Jens og Mons Anderssøner, 20, 16 og 11 år gamle. Slik dei står oppførte her, er det svært rimeleg at dei er brør (eller halvbrør) til Ola Rasmusson si kone, den ukjende Anders-dottera. Denne Ola Andersson er kandidaten vår til farskapen i overskrifta.

 

I følgje bygdeboka blir Heggen delt i to i 1709, og Ola Andersson får den eine parten (br nr 2). Kona hans gifter seg som enkje med Ola Didrikson Frislid, seier bygdeboka, men namn er ikkje nemnt, i mi utgåve i alle fall.

 

Men som vi ser i innlegg 18 - i 1745 møter Ola Didrikson Frislid på tinget og skal ordne med buet etter at kona Guri Rasmusdtr er død. Dersom han ikkje har vore gift fleire gonger, kan vi rekne med at dette er den kona han "arva" etter Ola Andersson Heggen.

 

Han møter saman med "svogerane", sannsynlegvis meint svigersønene - "sine", Arne Andersson Orheim og Ola Andersson Hjelle, som er gifte med Guri sine døtre, Eli og Mari Olsdøtre. At han møter med "svogerane SINE" burde peike mot at Eli og Mari er hans døtre også, men det ser ikkje slik ut, fordi:

 

I ein ikkje offentleggjort formyndarprotokoll for Nordfjord er desse to jentene, Eli og Mari Olsdøtre Heggen, nemnde i samband med eit skifte 14.10.1719. At dei er kalla HEGGEN tyder på at mor deira ikkje er gift til Frislid endå; kanskje er det Ola Andersson det er skift etter, og at han då er far deira? (Redigert: Ut frå boksida Tor Kvien har lagt inn ovanfor, ser det ut til at alle Ola D Frislid sine born er frå andre ekteskapet).

 

Ei interessant opplysning er at ein Jens Dalset er formyndar for Eli; frå andre kjelder veit vi at han er ein Andersson - og kanskje er han identisk med Jens Andersson i 1701-manntalet på Heggen? Alderen hans ved død kan stemme godt med 1701-manntalet.

 

Formyndar for Mari i 1719 er Elling Sefland, som i følgje bygdeboka er gift med ei Randi ANDERSdtr. I 1727 døyr Elling også, og det er skifte etter han. Der møter enkja med sin BRODER Jens Dalset som lagverge. Formyndarskapen hans frå 1719 blir i dette skiftet overført til Jens Dalset. Endå eit hint om at skiftet i 1719 er etter Ola Andersson?

 

Men så kjem neste spørsmål: Dersom Ola Andersson er far til våre Inger og Anne Olsdøtre - kvifor står ikkje dei også nemnde i formyndarprotokollen på same dato? Dei skal vere berre 12-13 år gamle i 1719, rekna frå alder ved død, så dei kan ikkje allereie vere gifte og ha fått sitt. Skal vi rette oss etter alder ved død, er Eli Olsdtr Orheim eldre enn dei - f.ca 1704; men Mari har eg ingen alder på. Om Eli og Mari skal motta ein arv i 1719, må den vere frå farsida deira; mor er framleis i live, og kan motta arv frå si side sjølv. 

 

Redigert: Om Guri hadde fleire born, ville ikkje dei også vore nemnde i skiftet etter henne? Om ikkje anna, stadfesta at denne måten å ordne buet på, var i orden for dei?

 

Dette får vere ein passeleg "cliff hanger" å avslutte kvelden med.

Endret Februar 20, 2018 av Aase R Sæther - Gloppen