Gardsnamn Helgeland 1624/26

[Knut Skorpen]

https://www.digitalarkivet.no/jo10051103283050

Jordebøker til utlikning av garnisonsskatt 1624-1626:, 1626, s. 49

På folio 47 a (etter nummereringa på arket), dvs. midt på sida til høgre, mellom "Heringenn" og "Smedtzeng", er det eit gardsnamn som eg slit med å få meining i utan juks. Det kunne vere interessant om nokon gjorde eit forsøk med friske augo.

 

[Ivar S. Ertesvåg]

Tja...

 

Det er ein prikk som forstyrrar her , og så er den siste bokstaven eit problem.

Men når eg ser bort frå prikken., og les den siste som ein ufullført s, får eg

"Hestigeges"

("Hest-" er som i "Hestøen", 4. linja til venstre)

 

Dersom prikken viser at det er ein j før "-est-", vert det "_jestigege_".

Kva førstebokstaven då skulle vere, er eg ikkje sikker på.

Elles ser eg berre j-ar som siste teikn i romartal, så prikken er mest truleg støy.

 

Eg har ikkje finlest nokon større del av dokumentet, så sistebokstaven finst kanskje i

fleire tilfelle, med vissare tyding.

 

[Knut Skorpen]

Ja, eg las også "Hestigeges". Kanskje den ufullførte sistebokstaven ikkje er ein "S", men ein feilskriven "n". Då får vi "Hestigegen".

Dette må vere garden vi i dag kallar Stia eller Stien (i Herringen, Vefsn), og som i matrikkelen har namnet Stigen. Eg meiner å ha funne han under namnet Hestj og Hestie tidlegare. Det kunne tyde på eit gammalt namn *Heststia. Garden vart tatt opp sist på 1500-talet, så i 1624 hadde nok ikkje gardsnamnet festa seg ordentleg. 

Takk for hjelp. Godt med hjelp til å bryte meiningar.