Forkorting i lysingsfeltet - tyde denne?

[Anfinn Bernaas]

I transkribering av kyrkjebøker frå Tinn finn eg i nokre tiår frå midten av 1800-talet ei forkorting i lysingsfeltet som eg forstår meininga i, men ikkje den eksakte ordlyden som forkortinga er meint å uttrykke.

 

Eit døme: Eg trur det står "2den Søndag i Advent & fgg" for "2den Søndag i Advent og følgende", men er ikkje overtydd.

 

Ein kan bla seg inn på tilfeldige sider for ulike år under "vigde", og finne litt ymse tydeleg handskrift. Eit nokså tilfeldig døme viser eg i lenkja under:

 

SAKO, Tinn kirkebøker, F/Fa/L0005: Ministerialbok nr. I 5, 1844-1856, s. 306
Brukslenke for sidevisning: https://www.digitalarkivet.no/kb20051005020486
 

 

 

[Ivar S. Ertesvåg]

Det er vel lite tvil om at du oppfattar det rett.

Forkortinga byrjar her:  https://www.digitalarkivet.no/kb20051005020484

med ny hand (prest) som kjem etter ein (venteleg) vikar som har gjort eit par innførsler med "og flgg".

Forgjengaren har ført inn alle tre dagane.

 

[Anfinn Bernaas]

... men dette "fgg" har to g-ar, noko som gjev lita meining ut frå grunnordet "følgende". Nokon l ser eg ikkje når ein kjem lenger fram i tid.

Endret November 28, 2018 av Anfinn Bernaas

[Ivar S. Ertesvåg]

Det var ikkje meininga at du og eg skulle lese dette..... - kyrkjeboka var til bruk for presten sjølv og etterfølgjarane (+ prost og bisp, som skulle visitere honom).

Det er ei "privat" forkorting, og eg meiner ho er godt (nok) forståeleg.  Det er ikkje andre måtar å tolke henne på.

 

"flgg" var det vikaren (2-3 innførsler) som brukte. Men det må tyde det same som "fgg".

Endret November 28, 2018 av Ivar S. Ertesvåg

[Anfinn Bernaas]

13 timer siden, Ivar S. Ertesvåg skrev:

Det var ikkje meininga at du og eg skulle lese dette..... - kyrkjeboka var til bruk for presten sjølv og etterfølgjarane (+ prost og bisp, som skulle visitere honom).

 

Takk for påminninga. Ho kan ikkje gjentakast for ofte. Det er lett å bli smalspora her ein sit med datamaskin nedgraven i avskrift og tolking med vår tids briller på!

 

Takk for vurderinga omkring spørsmålet elles også.

Endret November 29, 2018 av Anfinn Bernaas