Tyding av bygningsskatt 1639/40

[Ole Christian Risdal]

Hei! Eg lurte på om nokon kunne tyde namn nr. 2 (under Ødegaardsmenn). Kan det stå Rixdall eller Riisdall e.l.? Kva er fornamnet? https://media.digitalarkivet.no/view/76389/218

 

Mvh Ole Chr.

[Knut Skorpen]

Eg les Jonn Rydall, men dersom nokon slik gard ikkje er kjent, er Risdall eit godt alternativ. I så fall skulle eg gjerne sett eit anna namn med s i, for å sjekke om s-en kan få slik form i denne skrifta. s i Rasmus tyder ikkje på det ...

 

Endret Desember 15, 2018 av Knut Skorpen

[Ole Christian Risdal]

Hei og takk for svar! Viss du er sikker på at det er R fyrst, så tydar alt på at det skal vere Risdal. Einaste liknande gardsnamn i Fron frå den tida, er Frydal. Men eg skal sjekke dette nærmare.

 

Mvh Ole Chr.

[Ole Christian Risdal]

Retting: Eg gløymde Rindal på Sør-Fron. Men det kan vel ikkje vere det?  Ole Chr.

[Ivar S. Ertesvåg]

Eg les det som "Fydall" . Det kan hende det er gøymt ein r før y, men han er i så fall godt gøymd.

Då reknar eg med at namnet over er "Syltte", og at dette viser korleis y-ane til denne skrivaren ser ut, likens "Byrre" (1. og 2. sp. t.h.)

Førstebokstaven er den same som i "Fosse" (2. sp t.v. 4.linje og 1.sp. t.h 10. linja), "Flaatte" (2.sp.tv.v. 11. linja nedanfrå), "Frodstad" (2.sp. t.h. 12. linja) mfl.

 

R-ar finn vi i "Rasmus", "Rudj", "Refflingsuold", m.fl.

[Ole Christian Risdal]

Takk for det! Da er eg temmeleg sikker på at det er Frydall. Eg såg på skattematrikkelen for 1647, og da står det også oppført ein John Frydal. Rett under står det Asbjørn Massing, og det gjer det vel i bygningsskatten óg? Men da lurer eg på kvifor ikkje Risdal er nemnt korkje i 1640 eller matrikkelen for 1647. Eg fann jo ein Olle Risdal i ein eller skatt i 1633. Kan det tyde på at garden har vore meir eller mindre fråflytta ei stund, for ein finn nemleg ein Amund Risdal i 1658 og likeeins i skattematrikkelen for 1668.  Mvh Ole Chr.

[Ivar S. Ertesvåg]

Noko slikt;  "Mosang" , "Masang", "Mosong", kanskje "Moseng" - det er ikkje så lett å skilje (men det er ingen -i- her).

 

Det er fleire grunnar til at ein gard kan mangel i ei eller fleire skattelister:

 - ikkje busett ein periode

 - garden rekna saman med ein større grannegard og ikkje nemnd særskilt.

 - brukaren hadde lita skatteevne og fekk fritak; evt. det var så lite å hente at det ikkje var bryet verd å krevje inn

 - brukaren kunne/ville ikkje betale - då kan han finnast att som restansesak på tinget (i tingboka)

 - futen stakk pengane i eiga lomme

 -  ...

 

 

 

[Ole Christian Risdal]

Ok, takk for det! Det var interessant! Det er logiske forklaringar, fordi Risdal var ein "Ødegaard" fram til 1668. PS! Det kan godt vere Maseng. Mvh Ole Chr.

[Knut Skorpen]

Naturlegvis er det ein F fremst i namnet. Storbokstaver er ofte vanskelege når handskrifta er framand, men denne burde eg sett. Dette illustrerer at mi evne til å lese gotisk held til heimleg bruk (kjende gardsnamn), men kjem til kort på andre sida av fjella.

Endret Desember 18, 2018 av Knut Skorpen