Fiskebåt rekvirert av Wehrmacht under 2. verdskrigen

[Daniel Kvernøy]

Hei Arkivverket,

 

Oldefaren min (m.fl.) eigde ein fiskebåt som blei rekvirert av Wehrmacht under krigen, dette går fram av "Fortegnelse over merkepliktige norske fiskefarkoster". I den same fortegnelsen så ser eg at dette var 1 av 2 merkepliktige fiskebåtar som var rekvirert/chartra av Wehrmacht i Sogn og Fjordane.  Namnet på båten var "Sandholm", kallesignalet var "LKLG".

 

I samband med at det lokale historielaget som eg er medlem i skal gje ut eit nytt historiehefte i år, så ynskjer eg å undersøkje historia til denne båten og å skrive ein artikkel om kva den gjorde i tysk teneste.

 

 I 1942, 1943 og 1944 står det følgjande om båten i "Fortegnelse over merkepliktige norske fiskefarkoster":

Fiskerinummer: SF - 257 - G
Namn: Sandholm
Type: Motorkutter
Materiale: Tre
Byggeår: 1936
Lengde: 55.0
Bredde: 16.0
Dypde: 8.2
Motor: Wichmann
HK: 40
Eier: Ivar B Birknes m. fl., Byrknesøy

 

I registeret for 1948 står det at Sandholm blei ombygd i 1947. Ny lengde er 65.0 og ny bredde er 17.5. 

 

 

På kartotekkortet hos Sjøfartsdirektoratet ( https://media.digitalarkivet.no/view/38631/63?fbclid=IwAR2Y_vkrRtd2krHbvOPGr3LBCh8ttz2npGyI8DVazQ1avzfHFQglhbWiuis ) står det  "Går under tysk flag med tysk besetning". På same kortet står det nederst til høgre noko om mappenummer. Er dette Sjøfartsdirektoratet sine dokument i Riksarkivet?

 

Det eg ynskjer hjelp til, er sjølvsagt å finne ut meir informasjon om båten under tysk tjeneste. Har de moglegheit til å finne det tyske nummeret som vart brukt på båten under krigen? 

Har de eventuelt dei mappene/filene som dei referansane på kartotekkortet henviser til? 

 

All informasjon blir tatt imot med takk!

 

Ser fram til å høyre attende frå Dykk!

 

Mvh

Daniel Kvernøy

 

[Arkivverket - Anita Riise]

Om du legg innbestillinga di via skjema i lenka under, så kan vi sjå nærare på saka:

https://www.arkivverket.no/tjenester/bestill-en-enkeltopplysning

[Daniel Kvernøy]

Hei Anita,

 

Tusen takk for kjapt svar, eg har sendt inn ei bestilling via skjemaet du linka til.

[Daniel Kvernøy]

Hei igjen Anita,

 

Kan du sjekke korleis det ligg an med den førespurnaden som eg sendte inn?

Det har gått nesten to månader no, og eg har ikkje fått noko svar. Kan du sjå om førespurnaden har blitt motteke?

 

Mvh

Daniel Kvernøy