Kven er Marit Olsdatter Røvighagen?

[HelgeHånes]

Marith Olsdatter Røvighagen gifta seg 22. juni 1828 i Kleive kyrkje med Thomas Thomassen Tolaas. Han er skriven husmann på garden. Han er ifylgje kyrkjeboka 26 år og ho er 24 år gammal. Forlovarar er Ole Olsen Kleve og Paul Kleve.  Vigsla var i Kleive kirke

 

Ministerialbok  Protokollnr./tidsrom   nr. 555A03/1817 – 1843  Møre og Romsdal fylke  Bolsøy prgj. Bolsøy sokn

 

Marith Olsdatter Ulleland er nemnd som "husmoder" og "pladsenke med jord" på Ulleland 3 i Indre Kleive ved folketeljinga i 1865. Ho skal då vere 62 år gammal, altså vere fødd rundt 1803 i Bolsøy prestegjeld. Mannen Thomas Thomassen Ulleland er då død. Hos seg på plassen har ho desse borna: 1. Ole Tommesen, 25 år og ugift. Han arbeider som "baadsbygger". 2. Anders Tommesen, 23 år, ugift, som "hjelper moderen med Pladsens drift". 3. Ole Tommesen, 19 år og ugift, som også "hjelper moderen med Pladsens drift".

 

Kjelde: http://xml.arkivverket.no/folketellinger/hefter/1865/15More_og_Romsdal/f8651544_hefte.pdf   side 110

 

Enke Marit Olsdatter Ulleland døde 4. oktober 1890.  Kjelde: Klokkerbok Protokollnr./tidsrom nr. 557C02/1863 – 1944 Møre og Romsdal fylke Bolsøy prgj. Kleive sokn  https://www.digitalarkivet.no/kb20050613051334

Alt dette er greitt, men så finn eg i kyrkjeboka ei anna Marit Olsdatter Røvighagen som er gift med Tron Tronsen Dvergsnes. Ho er gift 28. juni 1829, året etter den førstnemnde Marit Olsdatter Røvighagen.  Forlovarar er Ole Olson Røvighagen og Johan Dvergsnes. Vigsla var i Bolsøy kirke. Han er 28 år og ho er 24 år.

Kjelde: Ministerialbok   Protokollnr./tidsrom    nr. 555A02 /1/1795 – 1821 Møre og Romsdal fylke   Bolsøy prgj.  Bolsøy sokn  side 385  https://www.digitalarkivet.no/kb20070911640157

Den første Marit vart ektevigd i 1828 i Kleive kyrkje og den andre i Bolsøy kyrkje i 1829. Det er ingen Marit Olsdatter som er døypt i Kleive i det aktuelle tidsromet. Men i Bolsøy sokn er ovannemnde Marit Olsdatter døypt 26. desember 1804. Noko anna Marit Olsdatter finn eg ikkje i kyrkjebøkene for Bolsøy heller.

 

Når det gjeld konfirmantar har eg funne to Marit Olsdatter, den eine med etternamnet Røvighagen og den andre med etternamnet Røvig.  

Marit Olsdatter Røvighagen konfirmert i 1819:  Ministerialbok Protokollnr./tidsrom  nr. 555A03/1817 – 1843 Møre og Romsdal fylke Bolsøy prgj. Bolsøy sokn,  nr. 8, side 463   https://www.digitalarkivet.no/kb20070911640172   Faren er Ole Olsen Røvighagen og mora er død, viss eg tyder presteskrifra rett. Døypt i 1804.

Marit Olsdatter Røvig: Konfirmert i 1820:  Ministerialbok Protokollnr./tidsrom  nr. 555A03/1817 – 1843 Møre og Romsdal fylke Bolsøy prgj. Bolsøy sokn,  nr. 9, side 467  https://www.digitalarkivet.no/kb20070911640174   Faren er Ole Josen Røvig og mora Brid Olsdatter. Jenta er 16 år, altså fødd i 1804.

 

I fylgje bygdeboka for Vågane er Marit dotter til Ole Olsen Røvighagen og Beret Andersdatter f. Aarøe. Men ho er gift med ovannemnde Tron Tronsen Dvergsnes.

Marit vart gift i 1828 med Trond Trondsen Dvergsnes (1801 - 88), som var småbrukar og fiskar på Nesplassen, Bolsøy 17-9, også kalla Naustneset. Dei fekk 8 born; 3. Tørri, f. 1812, ugift og busett i Røvikhagen, død 1866; og 4. John, f. 1817, gift til Røvikneset i 1848 med enkja Maria Knutsdatter (1802 - 53), gift andre gong 1854 med Ane Lassesdatter Gjeitnes (1828 - 62). Med andre kona fekk han 3 born, død 1906.   Vågane bygdebok s. 255   https://www.nb.no/nbsok/nb/a0ba3639d6f440859bc7d3cd22d10991?lang=no#258

Personleg heller eg mot den konklusjonen at den Marit Olsdatter Røvighagen som gifte seg med Thomas Thomassen Tolaas er dotter til Ole Olsen Røvighagen og Beret Andersdatter f. Aarøe. Eg grunnar det på opplysningar ved dåpen til Marit og Thomas sin eldste son, Anders, 11. juni 1843, der to av syskjena til Marit Olsdatter, John Olsen og Tørri Olsdatter Røvighagen er fadrar.  https://www.digitalarkivet.no/kb20070911630579  Sjølvsagt er dette berre indisiar, og ingen fasit. Men eersom det er rett, vil det seie at opplysningane i Vågane-boka er feil.

Men kven er då den andre Marit? I alle høve må desse to Marit Olsdatter Røvighagen ha stårr kvarandre nokså nær, for Ole Olsen Røvighagen er sponsor då Tron Tronsen Dvergsnes og Marit Olsdatter Røvighagen gifter seg 28. juni 1829. Han er ikkje forlovar då Thomas Thomassen Tolaas og Marit Olsdatter Røvighagen gifter seg året før. Går vi til fadrane til dei to borna til Tron Tronsen er det ein Ingebrigt og ei Ingeborg Røvighagen som er fadrar då dottera Anne blir døypt 19. mars 1832. https://www.digitalarkivet.no/kb20070911640060

Ingen frå Røvig er fadrar då broren Tron blir døypt to år seinare.

Er det nokon som veit kven desse to likenemnde kvinnene er?

[Ann-Mary Engum]

Tidligere tema