Spørsmål om patronym

[Nils Harnes]

Hei!

Eg har ein brukar som er registrert som Oluff på 1620-talet i Romsdal. Seinare har eg to brukarar med patronymet Olsen. Kan Oluff ha vorte til Olsen? Kan eventuelt Oluff ha vore Ole i daglegtalen? Nokon som har sett det før?

 

Mvh

Nils

[Ivar S. Ertesvåg]

Ja... 

 

Det var fri flyt.  Regelfast staving av namn er eit nymotens påfunn.

Olluff, Oluf, Oelle, Olle, Ole mfl. ga  Oellsen, Oluffsen, Ollsen, Olsen osv.

 

 

[Knut Skorpen]

I Romsdalen var vel Ola den vanlege forma av dette mannsnamnet. Og det var vel vanleg å gje det att som "Oluff" i skrift. Sønene kan få patronymet skrive Oluffsøn og Olsen.

Derfor kan godt Olluff og Olle Olsen vere far og son. Men når det som her står Olluff om den eine og Olle om den andre (sjå lenkja, øvst til høgre), kan eg begynne å lure på om det har vore skilnad i uttalen av fornamnet  for desse to personane. Men forsøkjer ein å ettergå ein slik hypotese, trur eg hypotesen ryk. https://www.digitalarkivet.no/rk20080918650432

 

[Nils Harnes]

Takk for gode innspel - veldig nyttig!

[Aase R Sæther - Gloppen]

 

På 13.12.2019 den 18.58, Ivar S. Ertesvåg skrev:

Regelfast staving av namn er eit nymotens påfunn.

Ein kan vel seie det så sterkt som at rettskriving i det heile er nymotens. Vi ser stadig same ordet eller same namnet med ulike skriftbilete, til og med innan same dokument. Det var rett og slett ikkje så nøye med. Eg finn det ikkje i farten, men har eit godt døme på det; trur det er ei sak frå ca 1690 - der det i fyrste setning står at Siffuer er ueinig med grannen sin om noko, og i andre setning står kva Siur faktisk hevdar. Dette er heilt normalt i gamle papir.

[Nils Harnes]

Takk for innspel!