SF (ja, eg nektar å skrive VESTLAND) Gloppen - har nokon ein god kandidat til Brite Ingebrigtsdtr, f.ca 1788, på Hauge i 1801 og kanskje på Solheim i 1815?

[Aase R Sæther - Gloppen]

Ja, dermed fekk eg på plass nesten alt eg ville ha med - i overskrifta.

 

Eg finn Brite på Hauge i Gloppen her i 1801 - https://www.digitalarkivet.no/census/person/pf01058409001448
 

Eg har tenkt at ho muligens kan vere dotter til den 48 år gamle Marte Arnedtr, men i så fall ikkje fødd i Gloppen. Ho er ikkje konfirmert her heller, men akkurat i dei aktuelle åra for konfirmasjonen er kyrkjebøkene litt slurvete ført. Marte Arnedtr trur vi at vi har identifisert som fødd på Rye; om ho er mor, er det i så fall hennar andre barn; ho har dottera Johanne Pederdtr i Gloppen i 1784 (henne har vi alle opplysningar om).

 

Så TRUR eg at eg finn Brite som tenar på Solheim i Gloppen i 1815. I denne tellinga har ho fått hengt på gardsnamnet Myklebust. 1815-tellinga har mange slike gardsnamn på folk som bur andre stader enn "heime", og i dei fleste tilfella har eg funne at det er snakk om fødestaden til personen, men det kan og vere bustaden dei nyleg kom frå, eller for yngre folk: Bustaden til foreldra, eller helst far.

 

https://www.digitalarkivet.no/census/person/pf01072227001293

 

Her er ikkje finnarløn, men ein virtuell blomsterbukett til den som greier å finne ein god kandidat.

 

 

 

 

 

 

[Ann-Mary Engum]

Slettet, da det var feil dame. 

Endret Februar 19, 2020 av Ann-Mary Engum

[Aase R Sæther - Gloppen]

Dama du lenka til, Brite Ingebrigtsdtr Myklebust på Eid, har eg sett på som ei aktuell bestemor, men ikkje greidd å koble. Ho skal vere fødd ca 1747; så om ho skal ha barnebarn ca 40 år etterpå må både ho og sonen ha vore kjappe. 

 

Eg legg ut skiftet etter dama på Eid. SAB, Nordfjord Sorenskriveri, 04/04a/L0022a: Skifteprotokollar, 1813-1817, s. 250b-251a
Brukslenke for sidevisning: https://www.digitalarkivet.no/sk20081201680253

 

Her er også 1801-tellinga, og døtrene her er omtrent på alder med den jenta eg leitar etter.

 

https://www.digitalarkivet.no/sk20081201680253https://www.digitalarkivet.no/census/person/pf01058408000904

 

Eg slit litt med å finne sonen Ingebrigt fødd og tald, men han gifta seg i alle fall i 1802. Konklusjonen min så langt er at han er for ung til å ha barn i 1788/9.  https://www.digitalarkivet.no/view/327/pv00000000100895

 

Endret Februar 19, 2020 av Aase R Sæther - Gloppen

[Inge Nygård]

Det vart døypt ei Brithe Ingebrigtsdtr. på Kjøllesdal i Davik 6.2.1788, med foreldre Ingebrigt Baltzersen og Synneve Larsdtr. (enke etter Ole Olsen Kjøllesdal): https://www.digitalarkivet.no/kb20070418640050

Det var skifte etter Ingebrigt Baltzersen i 1795: https://www.digitalarkivet.no/sk20081201650620

 

Ved FT1801 er Brithe ikkje ilag med mor og dei andre syskena (nr. 54-60): https://www.digitalarkivet.no/census/rural-residence/bf01058407000464

 

Brithe er nemnt i skiftet etter halvbroren Ole Olsen i 1827: https://www.digitalarkivet.no/sk20081201690375

 

Det var skifte etter Synneve Larsdtr. i 1838: https://www.digitalarkivet.no/sk20081201700407

 

Dette er berre eit skot i lufta frå mi side, men som du veit har Kjøllesdal-gardane og vorte kalla Myklebust.

 

Endret Februar 19, 2020 av Inge Nygård

[Aase R Sæther - Gloppen]

Dette var eit svært godt forslag! Eg skal sjå nærare på det.

[Aase R Sæther - Gloppen]

Eg trur eg kan sende den virtuelle buketten til deg, Inge - dette ser ut til å kunne gje meining. At Synnøve Larsdtr som enkje ikkje kan ha alle borna sine heime i 1801 er forståeleg, og då er det naturleg å sjå seg rundt i slekta for å finne stader å plassere eit av dei. 

 

Når vi då veit at mor til Synnøve Larsdtr, Brite Jondtr Endal, var frå Holvik i Gloppen, blir det ein logisk tanke at Brite på Hauge kan vere rette jenta. 

To av syskena til mor Brite var nemleg gifte til Hauge - og ved nærare ettersyn viser det seg at husfaren Nils Pålson Hauge i 1801 er syskenbarn til Synnøve Larsdtr.

 

Eg trur vi kan setje to strekar under svaret - takk igjen, Inge!

 

 

 

 

 

 

 

Endret Februar 19, 2020 av Aase R Sæther - Gloppen

[Terje Hatvik]

Eit pittelite ápropos til deg gode Aase som nok eigentleg er eit mal ápropos her:

 

Eg ser at du og fleire andre gjerne brukar ei to-bokstavsforkorting for namnet på fylket (SF, Ho, Ro, FM, HM). Men, andre nyttar òg like ofte ei tre-bokstavsavstutting (SFj, Hrd, Rog, Fmk, Hmk).

Spørsmålet er jo då: Finst det ein mál for desse forkortingane? Har språkrådet sagt eller skrive noko om dette? Eller er det no 'fritt fram' her??

 

I takksemd, Terje

Endret Februar 20, 2020 av Terje Hatvik

[Aase R Sæther - Gloppen]

No er Sogn og Fjordane dessverre historie, så det er vel ikkje så nøye. Eg har alltid brukt SF, men om det er rett, anar eg ikkje 🙂

[Torbjørn Igelkjøn]

Det er no framleis eit geografisk område.