Kven var Maren Fur, eigar av jordegods i Fresvik i 1647?

[Anne Marie Bøtun Øyri]

For året 1647 finn vi for mykje av landet eit skatteoversyn der gardar med  brukarnamn og eigarar med landskyld er med. Desse oppgåvene vart tolka og trykte av Norsk lokalhistorisk institutt. I alt er det 17 bind. Fresvik finn i bind 14 (Sogn og Fjordane), side 94–95 og 99.

For gardane som gjekk under samlenamnet Fresvik er Kongen førstebygslar, deretter kjem Maren Fur og Fresvik kyrkje.

Kven var denne Maren Fur?

 

Anne Marie B Øyri

[Svein O. Tislevoll]

Litt frå Gards. og ættesoge for Luster kommune, Band II- Dale 1 Sokn (av Lars E. Øyane):

Maren Trudesdotter var kanskje opphaveleg frå Danmark. Ho må ha vore fødd kring 1575 og d. på Lavoll kring 1653. Gifte seg kring 1593 med Anders Larsson Fuhr, han var truleg fødd kring 1565, kan henda i Sønder- Jylland i Danmark, og d. på Fuhr kring 1630. Anders Larsson ser ut til å vera komen til Luster som fut kring 1600 og busette seg på Fuhr på same tid. Han vart kring 1612 eigar av ein del av garden, og i åri som følgde, kom han til å kjøpa opp store mengder jordegods både i Luster og i andre bygder i Sogn, så han til sist vart ein av dei største jordeigarane som nokon gong har butt i Sogn. Maren heldt fram med drifti nokre år, men flytte kring 1634 til nabogarden Lavoll, der ho budde siste leveåri sine. Maren og Anders m. familie, er på eit epitafium, som heng i Dalekyrkja (fekk ti born; tre søner og sju døtrer). 

[Grethe Flood]