Omkom på Fjeldet mellem Gousethbygden og [Tessungdalen??] – Tinn 1834

[Anfinn Bernaas]

I absolutt siste innspurt på korrektur til tre protokollar 1815–1843 sit eg att med eitt einaste uavklara tolkingsspørsmål. 

 

Her er ei innførsle som gjeld dødsfallet til 13 1/2 år gamle «Halvor Kittilsen Sønstebøe» som omkom 6. mars 1834 (gravfesting 13. april) «paa Fjeldet mellem Gousethbygden og [Tessungdalen??]». Ja, her skulle ein tru det sto parallelldalføret Tessungdalen, der også heimgarden (Sønstebø) til guten ligg, men det gjer det iallfall ikkje utan vidare. Skrifta er lita og knudrete og er pressa inn mot ryggmargen. Fleire bokstavar enn i Tessungdalen er det også. (Tessungdalen er somme tider i eldre tid skrive Tessingdalen, utan at det gjer nokon større skilnad her.) Men siste del av ordet er utan tvil …dalen. 

 

Kan det vera eit anna og mindre dalsøkk i desse fjelltraktene som er omtala? Eg har sett på kartet og søkt i lokal namnedatabase (Gunhild Lurås Birkelands database) utan å finne noko som klaffar. 

 

Har transkripsjonsekspertisen nokre innspel her?

 

Legg ved foto frå originalprotokollen og lenkje til kyrkjebokoppslaget.

 

SAKO, Tinn kirkebøker, F/Fa/L0004: Ministerialbok nr. I 4, 1815-1843, s. 111b-112a

Brukslenke for sidevisning: https://www.digitalarkivet.no/kb20051005020131

Endret November 9, 2020 av Anfinn Bernaas

[Elin Galtung Lihaug]

Jeg tror nok det står Thessungdalen - det passer fint med kartet at det er fjell der.

[Anfinn Bernaas]

Takk, Elin!

 

Eg var sjølv inne på tanken om ein h som andre bokstav, men tykte h-en var i meste laget irregulær. Det er ein meir "normal" h i "Gousethbygden".

 

H-en løyser nok likevel transkripsjonsproblemet. Da rimar det med dobbel s skrive som liten s fylgt av ein større og langstrekt over og under lina (men likevel "liten"!).

Om det så er "-ung" eller "-ing" er nokså ope, men eg hellar til "-ing".