Sak om merkesoppgang i 1808 i Fresvik i Leikanger

[Anne Marie Bøtun Øyri]

Eg har eit gammalt papir som omhandlar ei sak om merkesoppgang og grensetvist i Fresvik i Sogn i 1808:

A°‑ 1808 den 7. Oct., Kommission i Fresvig angaaende en tvistighed mellem Thomas Olsen Holum som Citant, og Per Botol­sen Hov, betræffende Mærket ud ved Stranden mellem Peder Bot. Hoves og Thomas Haukenæs Jorder.

Samme dag blev Stedet befaret of Forligelses Komissionen, Elev Høyem, og som o.værende herved Ingebrit Øren, Ole Øren og Thomas Flete.  osv

 

Spørsmålet mitt er:

Kvar finn ein denne saka? Er det i noko som ligg på digitalarkivet? Har avskrift av heile saka, men saka vart utsett, så er interessert i å finna ut kva som seinare skjedde.

 

Mvh

Anne Marie B Øyri

 

 

[Ivar S. Ertesvåg]

Dersom saka vart ført til endes med forlik eller dom, er resultatet rimelegvis tinglyst.  Då bør det vere innført i panteboka og realpanteregisteret.

1808 kan vere litt tidleg for eit register, men det vil vise seg.

Du må vite kva sorenskriveri og gardar (namn og Mnr/Lnr i 1838-matrikkelen) det er snakk om.

[Gunnar Sigdestad]

Saka kan ha vore handsama i forliksrådet som er fyrste instans, og då finn du henne i forliksprotokollen som er på Statsarkivet i Bergen.

Desse er pr. dato ikkje digitaliserte, diverre.

[Anne Marie Bøtun Øyri]

Har sjekka pantebøker men ikkje noko registrert der så tidleg som 1808 på desse to gardane Hov og Haukanes.

Så då er det vel truleg forliksprotokollen saka er utskrift frå.

Siste biten av forliket:

Efter disse omstendigheder blev for nærværende tiid intet videre at giøre, allene Parterne begierte Sagen udsat saalænge, til man muligens kunde finde noget oplysende herom of gamle Documenter, hvilken tiid skal beroe paa Kommission, og naar da Parterne blive tilsagde, skal de møde, uden anden indkaldelse, som blev vedtaget of Peder Bot. Hov og Thomas Ols. Hau­ckenæs, begge med Paaholden Pen.

At saaledes passeret er, vedgaar

 

T.Meidell.           Elev Iversen Høyem.

 

Den utsette saka går eg ut frå då også bør vera i forliksprotokollen, og må vel fysisk til Bergen for å sjekka vidare.

[Gunnar Sigdestad]

Sjølv om det ikkje skulle kome til forlik i forliksrådet, var det ofte at sakene ikkje kom vidare, kanskje mest grunna kostnadene.