Torbjørn Hansson Hjellbakke sine born.

[HelgeHånes]

Torbjørn Hansson Hjellbakke vart fødd på Eide i Austefjorden rundt 1643. Han gifte seg med Guri Knutsdatter Hjellbakke, enkja etter førre brukaren på plassen. Han kjøpte garden av syskjena til Guri, og med henne arva han også 9 merker jord i garden. 

 

Guri Knutsdatter døde i 1704. Med henne hadde Torbjørn to born:

1. Hans, busett i Osdalen i Austefjorden

2. Jon, gift 1717 med Anna Mikkelsdatter, busette på Tunheimsbø.

 

Torbjørn gifte seg  oppatt med Marte Olsdatter Fyrde. Med henne hadde han desse borna:

1. Åmund, f. 1698, gift med Brit Rasmusdatter Bueide og seinare med Barbro Pedersdatter Lødemel, ny brukar på Hjellbakke frå 1726, d. 1755

2. Maren, gift med Mikkel Paulson Hellebust i Vanylven

3. Guri, gift 1715 med Jon Olsson Viddal, husmannsfolk på Finnes i Hjørundfjord, d. 1768.

4. Brit, gift med Ola Finnes

5. Brit, gift med Otto Jonson Leivdal i Eid

6. Marte, gift til Høydalen i Austefjorden. 

Kjelda her er Gardar og ætter i Volda, 2dre samling, s. 2 av Per Aarviknes. https://docplayer.me/13686825-Gardar-og-aetter-i-volda.html

 

Men det knyter seg ein del spørsmål til dette:

 

Ved manntalet i 1701 er Torbjørn skriven som brukar på Hjellbakke. Han er 58 år, noko som skulle tilseie at han vart fødd rundt 1643. Han hadde ifølgje manntalet 4 søner i 1701, nemleg Olle på 9 år, Anders på 6 1/2 år, Jonn på 4 år og Aamund på 1 år. Om vi går ut ifrå at alderstala er nokolunde rette, vil det seie at alle 4 må vere søner av  første kona Guri Knutsdatter, i og med at ho døde i 1704 ifølgje Aarviknes. Men kvar Aarviknes har dette dødsåret frå er ukjent.

Kjelde: Manntallet 1701, nr. 10: Sunnmøre fogderi, 1701, s. 196   https://www.digitalarkivet.no/ft10051010281109

 

Torbjørn Hansson døde i 1726

Det var skifte etter han 3. juni 1726. Arvingar var den attlevande kona Marte Olsdatter og "deris sammen aflede børn og børnebørn, nemligen": Hans Torbiørnsen Aasdahlen (myndig), Jonn Torbiørnsen Tunemsbøen i Wandelvens Skibrede (myndig), Aamund Torbiørnsen (myndig), Maren Torbiørnsdatter, gift med Mikkel Paulsen Hellebust i Wandelvens Skibrede, Guri Torbiørnsdatter gift med Jonn Olsen på Findenes i Jørgenfiords Skibrede, Brite Torbiørnsdatter Giertvig, gift, død og etterlater seg 3 børn, nemlig Olsdøtre, Brite Torbiørnsdatter, ugift med broren Hans Aasdahlen som formyndar og Marite Torbiørnsdatter, ugift med broren Joen Tunemsbøen som formyndar.  Jordegods var 1 1/2 mrkl i garden Hjellbakke utan bøksel til ein verdi av 12 rdl. Buet si formue var på 62-0-10 og netto til arv og deling var på 15-4-7. Dette vart delt mellom enkja og borna Aamund, Brite og Marit med 3-5-9 3/4 på kvar. Detter fordi dei gifte borna hadde fått heimegåve.

Kjelde: Sunnmøre sorenskriveri, 3/3A/L0009: Skifteprotokoll 07, 1725-1728, s. 373-374 https://www.digitalarkivet.no/sk20090126610468 

Skiftekort: SAT, Sunnmøre sorenskriveri, 3, 1689-1728, s. 1259  https://www.digitalarkivet.no/sk11216101308677 /  https://media.digitalarkivet.no/view/77797/1259 

 

Etter Gardar og ætter i Volda, 2dre samling, av Per Aarviknes s. 2 er Hans og Jon born Torbjørn hadde med første kona, enkja Guri Knutsdatter Hjellbakke. Men i skiftet er det notert at dei var Torbjørn og andre kona Marte sine "sammen aflede børn". Dette samstavar ikkje heilt. Men det er kanskje ikkje så uvanleg at eit skifte set alle borna til ein mann som born av den siste kona. I alle fall ser det slik ut her.  

 

Kva så med dei to sønene Olle og Anders, som er nemnde i manntalet frå 1701? Kven var dei? Er dei døde ved skiftet etter Torbjørn i 1726?

 

Eit anna spørsmål er når dottera Guri Torbjørnsdatter vart fødd. Ifølgje kyrkjeboka for Hjørundfjord døde Guri 95 år gammal på Tryset i 1768, sikkert hos dottera Marte. Ho vart gravlagt 4. august 1768.

Kjelde: Ministerialbok for Hjørundfjord - Møre og Romsdal, 515/L0206: Ministerialbok nr. 515A02, 1765-1818, s. 272, høgre kolonne, innf. nr. 8 for 1768    https://www.digitalarkivet.no/kb20070830620667

 

Om Guri døydde 95 år gammal må ho vere fødd rundt 1675, slik Hjørundfjordboka, band 4, s. 309 , seier.

https://www.nb.no/items/URN:NBN:no-nb_digibok_2013070508085?page=311    Om så er, og ho gifte seg i 1715, var ho 40 år ved giftarmålet og 50 år då dottera Marte vart fødd i 1725. Det er sjølvsagt heilt mogeleg, men kanskje ikkje så vanleg å få born ut i 50-åra.  Uansett kva ein meiner om det, så kan ikkje Guri vere dotter til Marte Olsdatter om ho vart fødd ikring 1675.

 

Spørsmålet er då kven av Torbjørn Hansson Hjellbakke sine born hadde første kona, Guri Knutsdatter, som mor?

 

Eit anna spørsmål knytt til Guri Torbjørnsdatter er mannen hennar, Jon Olsson "Viddal". Kven var han og kvar kom han frå?

I manntalet frå 1701 er han nemnd som tenestegut hos Erik Pederson Finnes på Pegarden, Finnes 1. Han er då skriven å vere 10 år gammal.  Kjelde: Kjelde: Manntallet 1701, nr. 10: Sunnmøre fogderi, 1701, s. 136 https://www.digitalarkivet.no/ft10051010281079

[Morten Sylte]

Ikkje direkte svar på noko av det du etterspørr, berre for å nemne at "Voldasoga - gardar og slekter bind 2" av same Aarviknes har ein litt annan historie enn Gardar og ætter i Volda, 2dre samling. Sjå https://www.nb.no/nbsok/nb/eaf3ccd750c90d34b3925ce4accb570d#457 .

 

Historia til Aarviknes går ikkje heilt opp men kan kanskje tilby løysingsforslag - Han fortel at Ole Pedersen skal vere død 1704 og ha skifte etter seg datert 27. november same året. Dette finn eg ikkje! Han fortel vidare at Guri skal vere død 1694 og ho skal då ha vore gift med Torbjørn som var brukar av Hjellbakk frå 1691. Hjellbakk hadde han fått skøyte på ved å kjøpe ut "1. kona sine syskjen". Det ser mao ord til å kunne vere eit skøyte å finne innført i ei tingbok.

 

Korleis Aarviknes meinar at dette skal henge i hop får andre "løyse". Guri kan iallfall vanskeleg vere gift med Torbjørn og samtidig vere enkje etter Ole Pedersen dersom han døyr 1704 og ho 1694.🤔

[Inge Nygård]

Skiftet etter Brithe Torbjørnsdtr. Leivdal i 1752 nemner 7 sysken som arvingar: https://www.digitalarkivet.no/sk20081128640345

 

Den andre systra med namn Brithe var vel for øvrig ikkje gift med "Ola Finnes", men med Ole Nielsen Kalvatn / Geitvik.

 

[tom askerøi]

Her var det mye som ikke "henger på greip" - altså riktig spennende. Og kildene er få og "usammenhengende". Men et par ting må vi huske på:

 

1) Aldersoppgaver (særlig på eldre mennesker) må tas med adskillig mer enn EN "klype salt" - Guri ble neppe 95 år gammel. Derimot er hun antagelig første? datter med kone nr 2 og oppkalt etter kone nr 1, Guri Knutsdatter. 

 

I 1664 står "Oluf" 65 år som bruker av (en stor? del) av gården og oppgitte sønner er presisert å være "ols-sønner": Knut (8), Jacob (6) og Oluf (3):

https://www.digitalarkivet.no/ft10041005190111 

Siden Torbjørn kjøpte gården etter Guris søsken må Ole ha giftet seg til gården - da rimer det veldig bra med at hans eldste sønn er oppkalt etter HENNES far, Knut...

 

2) Manntallene skiller ofte ikke mellom sønner og stesønner. En eller flere av sønnene nevnt 1701 kan derfor like gjerne være barna til Ole Pedersen. Skjønt "Oluf" (3 i 1663-66) er ganske sikkert ikke samme som "Olle" (9 i 1701). Den siste er nok født rundt 1692. Om han er oppkalt etter Ole Pedersen eller Marte Olsdatters far skal være usagt - men han er nokså sikkert barn av 2. Torbjørns 2. ekteskap - som Guri er (og hun er nok da født omtrent på samme tiden...?)

 

Ole Pedersen må altså ha dødd før 1690/91. Da er Guri (Knutsdatter) enke når hun dør i 1694.

 

Maren er oppgitt før Guri (Torbjørnsdatter) og antagelig eldre - noe som KAN tyde på at hun er barn av 1. ekteskap? - men jeg ville nok heller trodd på skiftets "sammen aflede børn" - jeg har i hvert fall aldri sett at folk ved skifter ikke vet hvem som er barn av hvilke foreldre?

 

Hvis man tror mer på primærkildene enn på bygdebøkene kan det se ut som om LITT mer som "henger på greip"...?

 

Tillegg:  Avslutningen var IKKE ment som kritikk eller sleivspark til denne eller noen annen bygdebokforfatter - de gjør som regel en kjempejobb med å holde styr på alle menneskene i bygda og fortjener all ære. Men bygdebokforfattere er også bare mennesker som kan gjøre feil - og når primærkildene og bygdeboka ser ut til å være uenige...

 

 

 

 

 

 

 

Endret August 15, 2021 av tom askerøi

[HelgeHånes]

Takk for gode innspel. 

Det verkar overtydande at både Guri og Ole truleg må vere oppkalla etter 1. kona til Torbjørn og 2. kona sin far. Dei er nok då som antyda truleg fødde rundt 1694. Ola Pederson må vere død rundt 1691/92. Eg er samd i at ei primærkjelde som manntalet i 1701 må vege tungt. I og med at den eldste sonen Olle er skriven å vere 9 år er det nok likevel tvilsomt om han er son til 2. kona, men aldersantydningane kan vere nokre år feil. Om så er vil alle dei fire nemnde i manntalet kunne vere born av 2. kona til Torbjørn.

Sonen Hans er ikkje nemnd i 1701, men det kan vel vere fordi han var ute i teneste og ikkje heime ved manntalet.

Når det gjeld Maren, er nok ho eldst av døtrene, men om ho er dotter av 1. eller 2. kone er vanskeleg å slå fast.

 

Aarviknes skriv at Torbjørn kjøpte ut 1. kona sine syskjen, og då må det nok finnast skøyter på desse kjøpa. Kvar desse er å finne, veit eg ikkje, men truleg må det vere dei Aarviknes byggjer på når han skriv at Torbjørn Hansson tok over Hjellbakke i 1691. Men han bommar når han samstundes skriv at Ola Pederson døde i 1704.

 

Kvifor presten bommar så stygt når han skriv at Guri Torbjørnsdatter døyr 95 år gammal er vanskeleg å forstå. Ho kan umogeleg vere meir enn 80 år gammal om ho føddest ikring 1691/92. Ein kan lure på kven som har forsynt han med opplysningar om når Guri vart fødd.

 

Endret August 15, 2021 av HelgeHånes

[dn07943]

Busetnadsoga for Volda - bind 3 kom ut i 2007.

Her er mykje info om slekt ifrå Hjellbakkane - side 321

Hans f. 1678 er ein av mine forfedre!

[tom askerøi]

Det var helt vanlig at presten (og de nærstående) bommet med svært mye på alderen til eldre folk. Alle deres jevnaldrende var for lengst døde - Presten var "nyankommet" (i forhold til den gamle) og her hadde han heller ingen kirkebok å slå opp i.

 

En annen sak er at det ser ut til at Guri Knutsdatter fikk barn allerede på slutten av 1650-tallet og da var det lite sannsynlig at hun fikk barn i et nytt ekteskap på 1690-tallet. Dette taler også for at alle Torbjørns barn er fra 2. ekteskap slik skiftet sier.

Endret August 16, 2021 av tom askerøi

[Ivar S. Ertesvåg]

10 timer siden, dn07943 skrev:

Busetnadsoga for Volda - bind 3 kom ut i 2007.

Her er mykje info om slekt ifrå Hjellbakkane - side 321

Dette er eit godt råd som Helge bør følgje, før spekulasjonane tek av her...

 

Det er likevel nokre opplysningar som kan misforståast (eller er misoppfatta).

1-3  Guri Knutsd. (frå 1-2)m skal vere d. ca. 1690,

først gift med Ole Pederson f. ca. 1616, ukj. dødsår.  Her står det "(skifte 1721)" etterpå... 

Dette skiftet må vere etter dottera Lisbet (som skal vere "d.før 27.11.1721") ; dersom ho var barnlaus, vil namn på (attlevande) heil- og halvsysken stå der.

Eg finn ikkje dette skiftet i farta - men kanskje nokon annan gjer det?

5 born er nemnde.

 

1-4 Guri oppattg. Torbjørn, osv.  1 barn er nemnt, Hans. 

Torbjørn oppattg. Marte Olsd.

 

Hans (son til Guri og Torbjørn) skal vere å finne att i Osdalen, (b.3 s. 449), 1-6 g. 1720 , f. kring 1678

I MT1701 står Osdal på høgre sida av oppslaget Helge lenkjer til;

der er ein Hans 28 år og stefar til minst to Nilssøner (uklart med den tredje av sønene).   Dersom det er same Hans, stemmer ikkje opplysningane heilt.

 

 

[Aase R Sæther - Gloppen]

Heilt utanfor denne slektskrinsen, men som eit apropos til alder ved død: 

 

Skifte i Utvik 1733 etter Kari Arnedtr Frøyset, nemner m.a sonen Arne Larsson, oppgjeven å vere 21 år, dvs ca fødselsår 1712.

 

Ft 1801 - høgre side, siste medlem av familie nr 6 - Arne Larsson Kandalen, 91 år, dvs ca fødselsår 1710.

 

RA, Folketelling 1801 for 1445P Gloppen prestegjeld, 1801, s. 527b-528a
Brukslenke for sidevisning: https://www.digitalarkivet.no/ft20090806330550
 

 

Jordpåkasta 1805, litt nedanfor midten av v.spalte på h.side: Enkemann Arne Larsson Kandalen, 112 år gammal. 

 

SAB, Gloppen sokneprestembete, H/Haa/Haaa/L0005: Ministerialbok nr. A 5, 1785-1815, s. 151
Brukslenke for sidevisning: https://www.digitalarkivet.no/kb20070228300490
 

På desse 4 åra er altså Arne blitt 21 år eldre. Her blir det også sagt at han har levd 77 år i ekteskap, men det er også ein bra overdrivelse sidan ektekskapet vart inngått i 1740 og kona døydde i 1800.

 

 

 

 

 

 

Endret August 16, 2021 av Aase R Sæther - Gloppen

[HelgeHånes]

Takk for mange nye innspel og tankar.

Neste steg for meg vert då å få fatt i Busetnadssoga, bind 3. Vonar eg finn fleire opplysningar der.

Er det mogeleg å finne skøyter på gardpartane Torbjørn Hansson kjøpte av 1. kona sine syskjen? Har prøvd å leite i tingbøker og pantebøker, men utan resultat. Svært vanskeleg å tyde skrifta on lite av register, så det vert å leite, noko som tek tid.

Endret August 16, 2021 av HelgeHånes

[HelgeHånes]

Inge skriv "Skiftet etter Brithe Torbjørnsdtr. Leivdal i 1752 nemner 7 sysken som arvingar: https://www.digitalarkivet.no/sk20081128640345"

 

Eg har sjekka dette skiftet, og det har syskjena Hans Jeldbacke, Joen Lillebøe, Aamund Jeldbacke, Mari gift på Hellebost i Vandelven, Guri ligeledes gift paa Søndmør (Viddal), Brite gift Jetvig og Mari gift Høydahl paa Søndmør. Både Hans, Joen og Brite Jetvig er døde før dette skiftet etter Brite Lefdal frå 10. juli 1752. Kan Brit Torbjørnsdatter Jetvik  vere den Brit som omkom i det store snøraset i Geitvika i Austefjorden vinteren 1757. Ho skal då ha vore 35 år gammal, dvs. fødd i 1722??  Eller var ho flytta derifrå før?)

 

Her er det ingen Olle og ingen Anders, som er nemnde i 1701-manntalet som eldre enn Joen og Aamund. Det tyder vel på at dei døde som små når dei ikkje er nemnde, eller at dei ikkje hadde livsarvingar.

 

I skiftet er det heller ikkje antyda at nokon av brørne var halvbrør, dvs. søner av 1. kona til Torbjørn, Guri Knutsdatter.

Om både søner og døtre er nemnde etter alder (og det var vel vanleg), vil det vel seie at Hans Jeldbacke er eldst av sønene og Mari Hellebost er eldst av døtrene.

 

Skiftet frå 1721 etter Lisbet Olsdatter Jeldbacke finn eg ikkje.

 

Hans Jeldbacke finn vi att i Osdalen. I 1701 står det at han var 28 år, dvs. at han vart fødd i 1673. I Gardar og ætter i Volda s. 532  https://www.nb.no/nbsok/nb/eaf3ccd750c90d34b3925ce4accb570d#535  står det at han døde i 1745, 60 år gammal, dvs. f. i 1680. Det kan dokumenterast at han vart gravlagt den 6. september 1744. (Dom.15:p.T)  https://media.digitalarkivet.no/view/15955/49401/26  Dei tre Nilssønene Peder, Olle og Ingebrigt som er nemnde i 1701, må vere born av ei av konene til Hans, dersom han var gift meir enn ein gong, og det er same Hans vi snakkar om.

Hans sine eigne born er namngjevne i Voldaboka og i skiftet frå 1752 står det at han hadde 2 søner og 3 døtre. Kona hans, Magdalena Olsdatter, er vel truleg dotter til forrige brukaren på Bottolvsbruket på Osdal, Ola Knutson. 

Om det er rett at Hans var fødd rundt 1678 eller før må det bety at Torbjørn Hansson gifte seg med enkja Guri Knutsdatter så tidleg, og at første mannen hennar, Ola Pederson, døde rundt 1675. I skiftet etter faren, er Hans kalla Aasdahlen, og det tyder at han i 1726 var brukar der. Det kan passe i og med at fyrste barnet hans er fødd i 1725 etter Voldaboka. Men dersom han kom dit før 1701-manntalet, og han gifte seg til garden, då er det vel helst ein annan Hans som er oppført i 1701-manntalet.

 

Er det forresten nokon sem veit noko om kven mannen til Guri Torbjørnsdatter, Jon Olsson "Viddal" var? 

I manntalet frå 1701 er han nemnd som tenestegut hos Erik Pederson Finnes på Pegarden, Finnes 1. Han er då skriven å vere 10 år gammal.  Kjelde: Kjelde: Manntallet 1701, nr. 10: Sunnmøre fogderi, 1701, s. 136 https://www.digitalarkivet.no/ft10051010281079  Men kvar kom han frå, Finnes eller Viddal?

Endret August 17, 2021 av HelgeHånes

[Aase R Sæther - Gloppen]

2 timer siden, HelgeHånes skrev:

Inge skriv "Skiftet etter Brithe Torbjørnsdtr. Leivdal i 1752 nemner 7 sysken som arvingar: https://www.digitalarkivet.no/sk20081128640345"

Eg er rimeleg godt kjend i skifteprotokollane for Nordfjord, og vil som hovudregel seie at det er vanleg å skilje mellom heil- og halvsysken. Men det førekjem unntak, og særleg når det er arvingar utanom fogderiet kan det vere litt varierande kvalitet på opplysningane.

 

[Ivar S. Ertesvåg]

På 17.8.2021 den 0.35, HelgeHånes skrev:

Er det mogeleg å finne skøyter på gardpartane Torbjørn Hansson kjøpte av 1. kona sine syskjen? Har prøvd å leite i tingbøker og pantebøker, men utan resultat. Svært vanskeleg å tyde skrifta on lite av register, så det vert å leite, noko som tek tid.

 

I dei 12 første tingbøkene, 1648-51, 1652-54, 1654-56, 1657-61, 1663-64, 1667, 1668-69, 1679, 1680, 1681, 1682, 1684

er det laga register som er hefta inn i kvar protokoll.  (med tingstad, skipreide, dato)  Til dømes her:

SAT, Sunnmøre sorenskriveri, 1/1A/L0008: Tingbok 08, 1679  Brukslenke for sidevisning: https://www.digitalarkivet.no/rg20090514640072

Eg har også laga eit register for tingbøkene 1705-29.

 

Det ser ut til at ein del protokollar er tapte. (nr. 13,  er for 1689-91 ).  Registera er laga i 1934-35 og protokollane er nummererte som i dag.  Altså må tapet ha skjedd før Aarviknes samla opplysningar på 1940-, 50-, og 60- talet.

 

13 timer siden, Aase R Sæther - Gloppen skrev:

Eg er rimeleg godt kjend i skifteprotokollane for Nordfjord, og vil som hovudregel seie at det er vanleg å skilje mellom heil- og halvsysken. Men det førekjem unntak, og særleg når det er arvingar utanom fogderiet kan det vere litt varierande kvalitet på opplysningane.

 

Vi har vel sett ein del tilfelle der der i det minste er mistanke om at skifteforvaltaren ikkje har vore så nøye med kven som er den andre forelderen til arvingane.

Den viktige opplysninga er kven som er barn av arvelataren - og dette må vi nesten rekne med er rett i flestalle tilfella.

Om dei så er frå det første, andre eller tredje ekteskap, er ei opplysning som ikkje har noko å seie i arvefordelinga - og det kan vere at ikkje alle skrivarane har

teke (eller oppfatta) dette like nøye.

[Inge Nygård]

Her er eit skøyte (datert 27.11.1721) til Torbjørn Hansen: https://www.digitalarkivet.no/tl20080929650241

Skøytet er vel frå Ole Pedersen sine søner.

[Aase R Sæther - Gloppen]

" - som er min Stiffader" - det er slike ord ein blir glad for å finne i gamle dokument. Dette skal nok hjelpe eit stykke på veg.

Endret August 18, 2021 av Aase R Sæther - Gloppen

[Aase R Sæther - Gloppen]

Ut frå dette dokumentet ser det ut som Guri Knutsdtr hadde berre sønene Peder og Knut i ekteskapet med Ola Pederson - "falt i arv på de 2de sønner " - eller?

Endret August 18, 2021 av Aase R Sæther - Gloppen

[Ivar S. Ertesvåg]

2 timer siden, Aase R Sæther - Gloppen skrev:

Ut frå dette dokumentet ser det ut som Guri Knutsdtr hadde berre sønene Peder og Knut i ekteskapet med Ola Pederson - "falt i arv på de 2de sønner " - eller?

Nei...  det var berre dei to som fekk denne eigedomen; men andre born kan ha fått andre ting utlagde på sin arvelut.

 

[Ivar S. Ertesvåg]

I 1704 var det skifte etter  Knut Olsson Rotevatn,  til høgre her:

SAT, Sunnmøre sorenskriveri, 3/3A/L0002: Skifteprotokoll 02A, 1703-1707, s. 39b-40a
Brukslenke for sidevisning: https://www.digitalarkivet.no/sk20090123670371

"imellom hans efterlatte qvinde Ragnelle Olsdatter og Deres tilsammen aflede barn, Lisbet Knus datter

overværende som tillforordniede formynder den sal: mands broder Peder Olsen Stor-mech, ..."

 

Ifl både Volda-soga (Aarviknes) og Busetnadssoga, skulle Ragnhild vere dotter til Ole og Guri på Hjellbakke,

medan ektemannen Knut Olsson har ukjendt opphav.  I skøytet 1721 er det Knut som er medarving saman med

Peder Olsson Store-Mek; men der kan det tolkast slik at Knut representerte kona si (og at det var ho som var arving).

Men også i skiftet her (1704), er det avdøde Knut som var bror til Peder Olssson store-Mek.

Det talar for at det er Ragnhild som har ukjent opphav, og at Knut Olsson Rotevatn kom frå Hjellbakke.

Aarviknes har rett nok "gardert seg" ved å plassere både Ragnhild og Knut som born av Ole og Guri.

[Aase R Sæther - Gloppen]

Dette er no eigentleg utanfor mitt kjerneområde, men med ein arving i Nordfjord er det no "litt mitt" likevel. Du skriv så vidt eg kan sjå at skøytet i 1721 kan tolkast slik at Knut representerte kona si - men det ser ikkje eg heilt;  "som mig arvelig efter min og Sal Knud Rodvattens fader sahl Ole Pedersen Jellebache arvelig er tilfalden" - kan det tolkast på annan måte enn Peder og Knut er brør?

Endret August 18, 2021 av Aase R Sæther - Gloppen

[Ivar S. Ertesvåg]

19 minutter siden, Aase R Sæther - Gloppen skrev:

- kan det tolkast på annan måte enn Peder og Knut er brør?

- med litt (evt. mykje) velvilje kan det vel det (at det eigentleg er kona til Knut som arvar)....

 

Eg tenkte eg skulle finne at Knut tok over Rotevatn (ca. 1697 ifl. Busetnadssoga).

Han let lese bygselseddelen på vårtinget 4. februar; https://www.digitalarkivet.no/rg20090514650276 (til venstre)

men han er berre kalla "Knud Olsen" - så det gjev ikkje noko hjelp.

Bygselsetelen er datert på Ulvestad, og underskriven av "Niels Aagaard". (Nils Øygard, ifl. Busetnadssoga).

Endret August 18, 2021 av Ivar S. Ertesvåg

[Aase R Sæther - Gloppen]

9 timer siden, Ivar S. Ertesvåg skrev:

- med litt (evt. mykje) velvilje kan det vel det (at det eigentleg er kona til Knut som arvar)....

Den velviljen tykkjer eg må vere temmeleg gigantisk 😀