Kristen Andreas Hansen Førde, f. 1876.

[Gunnar Sigdestad]

Eg har leita etter denne karen i kanskje 20 år, utan å finne særleg handfaste spor etter lagnaden hans. Syskena hans og etterkomarane deira har eg kontroll på.

 

Kristen Andreas Førde, f. 19. august 1876 i Eid i Nordfjord. Foreldrene Hans Johnsen Førde (1840-1906) og Agnete Valborg Olsdatter, fødd Vik, 1839-1929.

Konfirmert i Hemnes 1891, dit familien flytta i 1880, også registrert der i FT 1891.

Sidan ikkje å finne i verken folketeljingar eller aviser før han dukka opp i Kristiania botsfengsel i 1901.

RA, Botsfengslet, D/Db/Dbb/L0035: 242k - 530k, 1900-1901, s. 115
Brukslenke for sidevisning: https://www.digitalarkivet.no/db10101604040118

Då faren døydde i 1906 står han oppført med 5 fråverande born, altså lever Kristen då, og dette er siste sporet.

I fangeprotokollen er opplyst at Kristen har arbeidt som gruve- og jernbanearbeidar, såvel i Sverige som i Noreg, så kan hende han kan finnast i svenske kjelder?

[Gunnar Sigdestad]

Er det nokon ekspertar her som har tilgang til svenske folketeljingar frå og med 1900 og utover som kunne ha sjekka om han fins der?

[Sven Hjortland]

Finner ingenting i svensk folketelling 1900 og 1910. Heller ikke blant døde i Sverige.

[Gunnar Sigdestad]

Tusen takk, Sven.

Mystisk mann; finn han heller ikkje blant emigrantar. Litt vanskelegare å finne han blant sjømenn. Han kan jo ha kalt seg Kristen Hansen, eller kanskje Hansson i Sverige, men ingen funn så langt.

 

 

Endret Januar 3, 2022 av Gunnar Sigdestad

[Torbjørn Igelkjøn]

Kven er denne skipperen som er nemnd her?

[Gunnar Sigdestad]

Dette ser veldig rart ut, men interessant, Torbjørn, men diverre neppe rett mann.
Rett nok er faren til Kristen frå Ålfoten, men ingen i Ålfoten, og berre ein i heile Noreg heiter Kristen Førde i FT 1920. At "min" Kristen Førde flyttar til farens fødestad og blir skipper på fiskebåt tykkjer eg er usannsynleg i og med at ingen hugsar eller veit om det.
Kvar journalisten i 1931 har fått dette namnet ifrå,er derimot eit stort spørsmål.
 

[Torbjørn Igelkjøn]

Då er nok skipperen truleg identisk med bonde og fiskar Kristen Markusson Førde, som finst i ei rekkje kjelder som f.eks. FT1910 og FT1920.

[Torbjørn Igelkjøn]

Her er bilete av Kristen frå då han var fengsla:

 

SAO, Oslo politikammer, Kriminalavdelingen, U/Ua/L0007: Forbryteralbum, 1901-1902, s. 20
Brukslenke for sidevisning: https://www.digitalarkivet.no/db10011700070021
 

[Torbjørn Igelkjøn]

På 2.1.2022 den 22.28, Gunnar Sigdestad skrev:

Då faren døydde i 1906 står han oppført med 5 fråverande born, altså lever Kristen då, og dette er siste sporet.

 

Eg limer inn denne, #59:

Nordland fylke, Nordre Helgeland, Dødsfallsprotokoll nr. 3 (1888-1914), Protokollside, Side 54
Brukslenke for sidevisning: https://www.digitalarkivet.no/sk60065252000057

[Torbjørn Igelkjøn]

Ved mora sitt dødsfall i 1929 er det ikkje nemnt namn på arvingar:

Sogn og Fjordane fylke, Dødsfallsprotokoll nr. 2 (1929-1933), Dødsfallsprotokollside
Brukslenke for sidevisning: https://www.digitalarkivet.no/sk10611312134010
 

[Gunnar Sigdestad]

1 time siden, Torbjørn Igelkjøn skrev:

Ved mora sitt dødsfall i 1929 er det ikkje nemnt namn på arvingar:

Sogn og Fjordane fylke, Dødsfallsprotokoll nr. 2 (1929-1933), Dødsfallsprotokollside
Brukslenke for sidevisning: https://www.digitalarkivet.no/sk10611312134010
 

Eg la merke til det. I 1929 var sonen Johan i Amerika, Ole d. som enkjemann 1913 i Hemnes, Hansine død, gift Johnsen i Haugesund og Andreas gift og busett i Haugesund.

[Aase R Sæther - Gloppen]

Dette er eit godt døme på nål-leiting i høystakk. Det finst rikeleg med nolevande temmeleg nære slektningar; enn om ein eller fleire av dei la inn ein gen-test, i tilfelle det finst nokon ein stad der ute som leitar etter oldefars opphav - forsåvidt nål i høystakk det og, men då er det i det minste maskiner som leitar.

[Aase R Sæther - Gloppen]

18 timer siden, Torbjørn Igelkjøn skrev:

Ved mora sitt dødsfall i 1929 er det ikkje nemnt namn på arvingar:

 

Eit fattiglem kan ha etterkomarar, men i praksis sjeldan arvingar, så knapt nødvendig å nemne dei.