Eirik Flæte Fresvik og fødselsår for dei to siste borna, 1713 eller 1714?

[Anne Marie Bøtun Øyri]

Eirik Flæte var gift fire gonger. Tredje kona MIldrid døydde i 1713. Midt på venstre side 

https://media.digitalarkivet.no/view/11564/104

 

Midt på venstre side giftarmålet til Eirik Flæte og Brita Hamre i 1714

https://media.digitalarkivet.no/view/11564/109

 

Nederst på venstre side dødsfallet til Brita Flæte i 1714

https://media.digitalarkivet.no/view/11564/111

 

Er det mogeleg å finna ut kva tid på året desse tre hendingane var?

Ser ut som det var kort tid mellom dødsfallet til Mildrid og giftarmålet med Brita. 

 

Eirik fekk to born, Mildrid og Brita der fødselsåret er oppgitt til 1713.  Dei to borna må vera tvillingar og sidan dei er oppkalla etter dei to siste ektemakane hans, skulle ein kanskje tru at dei var fødde i 1714 i staden for 1713, altså at Brita var mora men at ho kanskje døydde i samband med fødsla.

 

Eg har ikkje funne dei to borna verken i 1713 eller 1714, men kanskje eg har oversett noko, ikkje så flink med denne skrifta. Fint viss nokon har mogelegheit til å sjekka.

Mvh

Anne Marie B Øyri

 

 

[Leif B. Mathiesen]

Dette er romertall

1.  XXII post Trin er 23 past Trin i 1713 = 19 november

2. V past Trin er  5 past Trin i 1714 = 1 juli

3. III Adv er 3 Advent 1714 = 16 desember

[Ivar S. Ertesvåg]

1 time siden, Anne Marie Bøtun Øyri skrev:

Eg har ikkje funne dei to borna verken i 1713 eller 1714, men kanskje eg har oversett noko, ...

 

ja... - du har oversett noko. 4 og 5 linjer over Mildrie død:
"Mildrie

Britta     } Erichsd. Flættæ bapt"

Det er på XV [=15] post Trinit.  [24. sept] ved Tiugum

 

Det kan vere greit å hugse at datoane her er for dåp og jordfesting - altså embetshandlingane; ikkje fødsel og død.

Dåpen skulle vere seinast åtte dagar etter fødselen, men jordfestinga kunne vere veker og månader etter dødsfallet.

Sannsynlegvis døydde Mildrid i slutten av september, kanskje jamvel før dåpen av tvillingane.

Ni månader til neste vigsle var truleg akseptabel sørgjetid.

 

Dei er trulova "Dn. Invocavit" (1. s. i fasta, 5. mars)

linje 5-6 nedanfrå til høgre her:  https://www.digitalarkivet.no/kb20070511620287

Endret Februar 17, 2022 av Ivar S. Ertesvåg

[Anne Marie Bøtun Øyri]

Tusen takk. Ja eg er klar over at desse datoane er for jordfesting og dåp, men iallfall dåpsdatoane er ikkje så langt frå fødselsdatoen. Då var desse to tvillingar men mora var Mildrid og ikkje Brita som eg mistenkte. 

Då blir rekkjefylgja slik:

Brita og Mildrid døypte 24 sept 1713

Mora Mildrid gravfesta 19. november 1713

Eirik og Brita trulova 5. mars 1714

Gifte 1, juli 1714

Brita gravfesta 16. desember 2014

Tusen takk til dykk begge for hjelpa!