SF Innvik - har du Laurits Jonson Roset f.ca 1510 i ane-rekkja di? Då vil eg be deg lese dette.

[Aase R Sæther - Gloppen]

I dag er det kome inn ein Ydna-test som er knytt til denne karen, og som gjev spennande informasjon om ei tilknyting til Skottland eit ikkje altfor langt stykke bak i tida. Då er det eg spør om følgjande:

 

1 - Er det nokon som har REIN MANNSLINJE tilbake til han, som kan tenkje seg å ta Ydna-test for å få kontrollert linja bak dit? Ydna går i arv berre frå far til son, så eit einaste kvinne-led bryt kjeda. Så lenge vi har berre EIN test er vi litt i det usikre, fordi vi ikkje kan garantere at ingen har benytta seg av "vikar" på dei 500 åra som har gått sidan Laurits si tid. Testen kostar rundt tusenlappen og eg kan hjelpe til både med å bestille og med å kontrollere slekts-linja.

 

2- Om du ikkje har rein mannslinje, men berre er interessert i å vite meir om denne skotske tilknytinga - kan du tenkje deg å bidra med ein hundrelapp til ein utvida test av den personen vi allereie har? Vi snakkar om rundt 3000 kr for den eine testen, men mange bekkar små kan bli den store åa som gjer at ein kan få gjort dette.

 

Om det er nokon som vil svare på eit av desse spørsmåla, kan de gjerne sende meg ei melding for å få meir detaljar. Bruk meldingsfunksjonen her, eller send epost til a-rysskrøllalfaonline.no - og på førehand takk for interessa!