SF: Referat frå bygdeting 1729 - Er dette eit fragment frå tingbøkene for Sunnfjord?

[Torbjørn Igelkjøn]

Det finst ikkje tingbøker frå Sunnfjord i perioden kring 1729, men bygdeboka for Gaular omtalar likevel ei sak frå denne tida (side 457-458):

http://www.nb.no/items/2fed148ab682b803c694516275988c4d?page=457

 

I følgje bygdeboka vart det levert inn nokre lausark til SAB i 1916. Er det mogeleg å få vite kvar desse lausarka kom frå då dei vart leverte inn? Er dette eit fragment av tingbøkene, og kan det evt. leggjast ut saman med dei skanna tingbøkene?

[Arkivverket - Anita Riise]

Dette materialet har tidlegare vore etterspurt utan at vi fann tilbake til det. Truleg dreier dette seg om arkivmateriale som kom inn frå dottera til ein avdød ansatt ved statsarkivet i 1916. Det dreia seg om ei heil rekke med arkivsaker og desse har sannsynlegvis etterkvart blitt ordna inn i dei arkiva som dei har sett ut til å tilhøyre. Eg har ikkje funne arkivmaterialet igjen i sjølve avleveringslista, men tenker at dette er den mest sannsynlege forklaringa. Om du ynskjer å studere avleveringane til Statsarkivet i Bergen(registranten) i 1916, så er den tilgjengeleg via lesesalen vår.

 

I hovedoppgåva til R. Botheim blir same trolldomssak omskriven, der er det referert til «Skrivelser mellom Stiftamtmannskrivar W. Hansen, Stiftamtmann W. A. v. der Osten, og futen i Sunnfjord.» Det skulle tyde på at stoffet befinn seg enten i Stiftamtmannsarkivet eller fute-arkivet. Altså har det truleg vore referat frå tinget, og ikkje sjølve tingboksidene det dreiar seg om.

[Torbjørn Igelkjøn]

Takk for oppklaringa.