Kjelda som vart borte.

[Sveinung Eide]

Då eg byrja med slektsgransking for ca 20 år sidan, var eg enno ukunnigare enn eg er no, og til og med så dum at eg ikkje registrerte URL til kjeldene mine. Difor sit eg no og grunnar, m.a. på dette:  Farbror min, Gunnar, døydde på Luster sanatorium i 1931, og som ei av to kjelder for denne hendinga har eg registrert frå Digitalarkivet: "Døde i Eksingedalen sokn i Vaksdal 1886-1981. Reg. nr 142." Men eg tok altså ikkje med noka lenke til kjelda. Og no finn eg ho ikkje att, og undrar på kva som har hendt. Nokon som veit?

[Torbjørn Igelkjøn]

Du finn han iallefall her:

https://www.digitalarkivet.no/view/433/pc00000004257042

 

I "gamle" Digitalarkivet var det mange slike samledatabasar basert på fleire kyrkjebøker eller dødsfallprotokollar. Seinare har ein teke desse vekk, og prøvd å dele dei opp etter kvar enkelt protokoll. Sannsynlegvis er ikkje den aktuelle kyrkjeboka publisert i skanna versjon, og det er vel vanlegvis slik at kjelde-id blir laga i samband med at skanna versjon blir publisert, og at ein ikkje kan publisere verken skanna eller transkribert versjon i dagens Digitalarkiv før det er oppretta ein kjelde-id. Dessutan har eg forstått det slik at Digitalarkivet helst ikkje vil publisere databasar utan at det også er publisert ein skanna versjon som kan brukast til å kontrollere opplysningane i databasen.