Endre Tollevson Bøtun, sak på tinget i 1784

[Anne Marie Bøtun Øyri]

Endre var tydlegvis psykisk sjuk og me finn han fleire gonger nemnd i tingbøkene. Det siste eg har finne er frå 1784

https://media.digitalarkivet.no/view/30875/348

Etter som eg skjønar har futen teke opp om det offentlege kan ta kostnaden med tilsyn og stell då Tollev i mange år har vore sjuk og lege i jern. Kona døydde året før og sonen Sjur har hatt tilsyn til no. Borna kan ikkje lenger ta ansvar for han. 

Veit ikkje om det vart noka avgjerd på tinget?

Er det andre vesentlege opplysningar i denne saka som eg ikkje har fått med meg?

Takksam viss nokon som er flinkare enn meg til å tyda teksten kan sjå på dette. 

Mvh

Anne Marie B Øyri

[Ivar S. Ertesvåg]

Ei vesentleg opplysning er vel at mannen heiter Endre Tollefsen (ikkje Tollev) Bøthun.

Kortversjonen av saka er at futen ber om tingsvitne med svar på tre spørsmål:

1) om det er allmennt kjent at mannen er "rasande" og i ytterste fattigdom (svar: ja)

2) om det er slektingar som er i stand til å ta vare på han (nei)

3) kor mykje dei trur vil vere det minste som skal til for naudsynt underhald og stell (24 rdr årleg)

[Anne Marie Bøtun Øyri]

Takk skal du ha og sjølvsagt var namnet Endre!