Dorte Anfinnsdtr. Lien og Elling Person Lien, skifte i 1705

[Anne Marie Bøtun Øyri]

Ved søk i digitalarkivet får eg oppgitt skifteprotokoll 2a, side 215a for desse to personane.

https://media.digitalarkivet.no/view/24155/117

Men klarer ikkje finna ut om dette er rette sida?

Det eg lurer på er kva gard Lien under Tjugum i Leikanger er. Fleire gardar vart kalla eller forkorta til Lien enkelte stader i protokollane. I Fresvik har vi Hatlelid som også blir forkorta til Lien. Går det an å finne skiftet og i tilfelle er det opplysningar der som kan visa til kva bygd desse to budde i? Og om dei hadde arvingar?

Mvh

Anne Marie B Øyri

[Ivar S. Ertesvåg]

Ja det er rett side.

Eg ser eigentleg ikkje meir stad-festing enn at det er i Leikanger.

"Tiugum" er nemnt, men det er som namn på "Lensmanden Ander Tiugum"

Vurderingsmennene er "Lasse Tøftedahl sampt Svend Sætter Soren mænd i Legangers gield"

(svorne menn = lagrettemenn). Det kan tenkjast at dei valde vurderingsmenn som høyrde til nærområdet,

men det er eit svært uvisst spor.

 

Eit betre spor kan vere at (midt på s 215b)

"Hermund perderss.(!) som jorden skal antage"

Han skulle også ta seg av det yngste barnet, Britte.

Der du finn ein brukar Hermund i åra etterpå ... er nok rett "Lien".

 

Dei hadde arvingar: (s. 215a)

"deris eftter lefvende børn, Andfind, Barbra, Søynefva, Aagaate og Britte Ellings Søn og døttre, paa børens veine, Otte Fretteland

og Hermund Pederss."

og slekt (s. 216a nedst)

"For disse u-myndige Børn, er til satte at være for

myndere deris neste slægt. For Sønnen Andfind

er Andfind Hansen; 1. Datteren Barbra, Olle Borloug,

2 Syndefve, Andfind Stochebøe, 3 Aagaatte, Otte Fret

land. 4 Britte - Hermund Peders.

 

Det heiter i lova (Kristian Vs Norske lov 3-19-2) at til formyndarar skal ein setje inn nære slektningar, om dei kan og er tilgjengelege,

og ikkje har for mange formyndarskap å ta seg av frå før.

Du kan altså rekne det som sannsynleg at formyndarane er fedre, brør, onklar eller syskenbarn til dei avdøde.

 

 

[Anne Marie Bøtun Øyri]

Tusen takk for grundig svar. Må nok sjekka opp nabobygdene for å sjå om dei kan høyra til der. Sidan dei hadde mange born så er det vel også større sjanse for at dei var komne med i ætteboka for Fresvik, og det er dei ikkje.  Så ut frå ætternamna kan det vera Feios eller Vik.