Kjelde til Bømlo Bygdebok Bind 3

[Marius Glærum]

Hei,

 

I Bømlo Bygdebok Bind 3 så er det nemnd at klosterfuten frå Halsnøy kloster, lensmann og lagrettesmann gjekk opp markeskiftet mellom klosterjord og prestebolsjord i 1608.

Eg har ikkje lykkast med å finne denne kjelda. Er all materiale frå Halsnøy kloster digitalisert og tilgjengeleg på Digitalarkivet? Eller har dykk tips til andre stader eg kan leite etter dette?

Tusen takk.

[Arkivverket - Anita Riise]

Vi ber alle brukarar om å ha både for- og etternamn med i visningsnamnet sitt. Bruksanvisning for korleis endre visningsnamn:

https://www.digitalarkivet.no/content/1144/endre-visningsnavn

 

Vi kjenner ikkje til ei eiga arkiv-samling for Halsnøy kloster. Altså må du leite i andre arkiv og i samlingar med dokument/fragment. Diplomsamlinga i Riksarkivet er eit eksempel på ei slik samling. Du finn katalog på Arkivportalen, og noko av dette er digitalisert i Digitalarkivet . Elles har f.eks Bergen ei eiga dokumentsamling. Universitetsbiblioteket i Bergen har også ei diplomsamling.

 

Du kan finne noko materiale ved søk på Digitalarkivet. Og du kan finne referansar til meir arkivmateriale ved søk på Arkivportalen.

Det kan virke som om bygdebokforfattaren har hatt tilgang til dokumentet(kanskje), og om du les forordet til boka du refererer til, så blir det også vist til at det har vore innlånt materiale frå private, og der har vi naturleg nok inga oversikt over kva som kan finnast. Bortsett frå det som eventuelt kjem fram i arkivmaterialet til bygdeboknemnda som fins hjå Interkommunalt arkiv i Hordaland.

 

Kan også legge til til at eg har sjekka i avskriftssamlinga til Statsarkivet i Bergen uten å ha funne referanse til denne forretninga der.

PS: Vi har ikkje publisert alt arkivmateriale som fins verken for Halsnøy kloster eller for andre institusjonar. Det er kun ein ørliten del av alt arkivmaterialet vi har som ligg ute på Digitalarkivet. Du finn meir arkivmateriale på Arkivportalen der vi forsøker etter beste evne å få publisert katalogane til arkivmaterialet vårt. Men også der er det på langt nær alt arkivmateriale som er kome med (men vi jobbar til stadighet med å forbetre dette).

[Marius Glærum]

Tusen takk for svar. Visningsnamn er endra. Jakta fortsetter.