Dåp i Rinde kyrkje 1702

[Anne Marie Bøtun Øyri]

https://media.digitalarkivet.no/view/11564/48

Venstre side post 10. 

Er namnet Mari Hansdtr. Øren?

 

Mvh

Anne Marie B Øyri

[Ivar S. Ertesvåg]

10. sundag etter trieining...

Det er vel skrive "Marj Hans d Ørren" - men det er kanskje nær nok.

[Anne Marie Bøtun Øyri]

Det er det. Då fann eg ei ukjend dotter til Hans Øyri. Driv med oppgradering av ættesoga for Fresvik, så bra alt ein kan føya til eller korrigera.

Takkar.

[Ivar S. Ertesvåg]

Ikkje mitt problem, men lell:

-Korleis veit ein at dette er ei ukjend dotter til (ein kjend) Hans Øyri, og ikkje ei dotter til ein elles ukjend Hans Øyri?

 

[Anne Marie Bøtun Øyri]

Nei det har du rett i. Men ho passar i alle høve inn i den tida Hans budde på Øyri og ein eldre son som var fødd i 1699. I tillegg var dette ein liten plass nede ved stranda der det budde ein sjølveigar og nokre få strandsitjarar. Hans budde der rundt 1700 men var også sagdreng på Lagmannsås sag, då var Øyri grei buplass sidan sjøvegen var enkel tilkomst til Frønningen (Lagmannsås). 

Hans er heller ikkje noko vanleg namn brukt på denne plassen, men Mari kan sjølvsagt ha vore dotter til ein ukjend Hans.