Tyde "etternamn" ved dåp og innleiing – Tinn 1732 – Niels Ryper[?]. Kan det vera Niels Riber?

[Anfinn Bernaas]

Eg les det aktuelle "etternamnet" som "Niels Ryper". Ingen stadnamn i lokalområdet samsvarar med noko som liknar på "Ryper". Det kan vera eit tilnamn, utan at det gjev meg meir meining. Namnet førekjem korkje før eller seinare. Men eg har byrja å undrast om det kan vera talemålsnær skriftfesting av Riber. I så fall er det ein fremmend mann, truleg knytt til militær opplæring i lokalsamfunnet. Nokre andre slike fremmende namn har dukka opp i lokalsamfunnet på om lag same tid, mellom anna Scheidner, Peder Skytt (Schytte?) og Anders Ræfn.

 

Både dåp og innleiing under "Tredie Paaschedag" side 76b nesten nedst.

 

Tinn kirkebøker, SAKO/A-308/F/Fa/L0001: Ministerialbok nr. I 1, 1717-1734, s. 77
Brukslenke for sidevisning: https://www.digitalarkivet.no/kb20061211330648
 

[Ivar S. Ertesvåg]

"bresten brekte bå brekestolen" vert det herma etter nokon ....;  b og p er nokså nære lydar

 

Det står utvilsamt "Niels Ryper" både på dåp og innleiing. (5. siste og 2. siste linja).

Det vert vel litt for uvisst grunnlag til å utleie at dette ville vere ein "Riber" ein annan stad i landet, eller ved ein annan skrivar.

(Dersom han var militær, finst han vel i ymse rullar?)

 

 

 

[Anfinn Bernaas]

17. des 2005 skriv Geir Kamsvaag Berntsen om ei Anne Ryper ved vigsle i Kristiania og dåp på Bragernes omkring 1760. Ganske omfattande drøftingar mellom anna om mogleg samband Ryper/Riber. For omfattande til at eg går inn i komplekset. Ser også ut som at ein gard i Lier (på Lierskogen) med namn Rype skaper noko ugreie undervegs i drøftinga.

 

Endret Februar 27, 2023 av Anfinn Bernaas

[Ivar S. Ertesvåg]

3 timer siden, Ivar S. Ertesvåg skrev:

Det står utvilsamt "Niels Ryper" både på dåp og innleiing. (5. siste og 2. siste linja).

Her vart eg litt for oppteken av p/b-spørsmålet.  Slutten av namnet, mellom p og genitivs s,  er ikkje like klar: "Rypes" eller "Rypers"

[Anfinn Bernaas]

3 timer siden, Ivar S. Ertesvåg skrev:

Her vart eg litt for oppteken av p/b-spørsmålet.  Slutten av namnet, mellom p og genitivs s,  er ikkje like klar: "Rypes" eller "Rypers"

 

Takk! Du har (som vanleg) rett! Har ført inn ein liten E:-merknad i Augustus om denne uvissa.