Tilvising til arkivsak(er) Lesjaskogsvatnet

[Arnfinn Kjelland]

I Lesja bygdebokarkiv ligg det ei paginert utskrift på 57 sider skrive på skrivemaskin, truleg kopiert frå gjennomslag på 1970- eller tidleg 80-tal, relativt utydeleg.

 

Tittel: «Utskrift av Thingbog for Nord-Gudbrandsdal sorenskiverembete forsåvidt angår sak nr. 30 – 1909.

 

Teksten startar slik: «Aar 1909 den 2 december holdtes haust-sageting for Lesje tinglag paa tingstedet Holager i Lesja, administreret av sorenskriver Kr. Qvigstad under medbetjening av de mandtalsførte retsvidner gaardbrugerne Ole P. Lien og Ole O. Rundtom, begge forhen edfæstede. Lensmanden i Lesja og Dovre var tilstede ved tinget.

 

Peder E Stueflotten m. fl.

mot

Mikal H. Thøring m. fl.

For citat. var mødte fanejunker P. Sktte og for ham adv. Stuevold(?) Hansen ved or. Sgf. Parelius, der fremla forkynt vidnestevning av 11. ds. Og bad de møtende vidner examinered efter spørsmålsskrift av (?) oktober d.a.»

 

Vidare er vitne advokat for Thøring m. fl. lista opp. De hadde vore med på synfaring 8. okober same år. Også skjønns- og meddommarar er namngitt.

 

Deretter blir namn, alder og stilling for 7 «hovedvitne» og 3 «kontravitne» lista, med ymse slektskapsrelasjonar og kommentarer. Så gpt utskrifta over på vitneprov frå hovudvitna, der spørsmåla er nummererte, men ikkje skrive ut i tekst, berre vitnesvara går fram.

 

«Aar 1909 den 3. Decbr. fortsættes Høsttinget…» osv. side 6, med framhald av vitnesvar på spørsmåla, først hvoudvitna, deretter kontravitna.

 

Etter avslutta vitnereferat (utskrifta side 14) bad Parelius saka utsett til «aastedsbefaing anstundende vaar» og utskrift av protokollen. «Eragtet»: saka utsett til nærare beramming. Parelius fekk utlånt dei dokumenta som var framlagt.

 

Framhald side 14: 29. mai 1915 ekstrarett på Mølmen i Lesja med sorenskrivar og skjønnsmenn, der det vart sett fram spørsmål dei skunne svare på. Prosedyrar før synfaringa ved demninga i nordenden av Lesjaskogvatnet (det saka galdt). Vidare vitneføring med fleire hovud- og kontravitne enn dei som vart lista i starten på utskrifta (side 16-18), før omstendelege prosedyrar av advokatane (side 18-21). Her blir det vist til dokumenter (i alle fall eit nr. 79), ‘innlegg’ («Indlæg nr. 4 pag. 13) og ein «Aastedsbeskrivelse», og avsluttes med «Eragtet. Saken optages.» med underskrifter.

 

Side 21: 19. februar 1916 ekstrarett på Nord-Gudbrandsdalen sorenskrivarkontor adm. av fullmektig og vitner, der det vart avsagt dom. I innleiinga viser den til «forgjeves» forliksmekling (to innføringar i registeret til «Forlik i Lesja 1797-1838), partene og stevning 14.9.1909 og kontinuasjonsstevning 18.7.1910, påstand og referanse til prosedyrar.

 

I dommen er det så referert til fleire framlagde dokument og to «sesjonar» (14. juni 1911 og 20. august 1913). dei saksøkte vart frikjend.

 

Rett avskrift:

Egil Lund (sign)

 

I same mappe ligg det og ei utskrift av panteboka for embetet, utskrift av overenskomst tinglyst 10. mai 1919 der partane i saka inngår forlik for å verne vatnet slik at vasstanden ikkje blir endra. Her forplikter de saksøkte seg til å delta i omkostningene ved saka "indtil endelig dom er falden i sagen". Den vart altså ikkje avslutta med dommen i 1916

 

Eg reknar med alle dokumenta i denne saka ligg på Statsarkivet i Hamar, men er takknemlig for tilvising til Arkivportalen for bestilling til gjennomsyn.

Endret Mars 1, 2023 av Arnfinn Kjelland

[Arkivverket - Kristian Hunskaar]

Siden det er vist til utskrift av tingbok for Nord-Gudbrandsdal sorenskriverembete og ordinære tingsamlinger (høstting) i 1909, bør det være snakk om embetets tingbok nr. 30 (1909-1911) og eventuelt yngre tingbøker i samme serie (Gb): https://www.arkivportalen.no/entity/no-a1450-03000000059909

 

Når det i 1915-1916 er snakk om ekstrarett og åstedsbefaringer, bør det være snakk om serie Gcb med ekstrarettsprotokoller for åstedssaker, hvor nr. 10 omfatter tidsrommet 1913-1920: https://www.arkivportalen.no/entity/no-a1450-03000000059403

 

Jeg vil understreke at dette er mine antakelser basert på katalogopplysningene.

[Arnfinn Kjelland]

Takk. Fint viss nokon på Hamar med nærare kjennskap til slike arkivsaker kan sjå nærare på stoffet. Det kan vere fleire avskrifter knytt til saka (gjerne nemnt som "Lesjeskog Vand" e.l.). Fleire avisinnlegg om saka.

[Arkivverket - Anita Riise]

Slik eg forstår deg treng du opplysningar til å forberede eit lesesalsbesøk på Statsarkivet i Hamar. For dette kan du bruke lesesalseposten som du finn under overskrifta lesesal. Då får du lokalkjend hjelp.

https://www.arkivverket.no/om-oss/besok-oss/statsarkivet-i-hamar#!#block-body-2

[Arnfinn Kjelland]

Takk, eg må på lesesalen, ja. Kontaktar dei på førehand slik at dei får henta fram aktuelt stoff.