Biskopen i Stavanger eller Kristiansand?

[Marit Totland]

Eg er på leit etter kommunikasjon mellom biskopen i Stavanger/Kristiansand i perioden rundt 1800 og 1840-1846. Kor finn eg då dei rette arkiva? Statsarkivet i Stavanger eller Kristiansand?

Eg søkjer saker om husmannplassar og prestegardar og ein nedbrend prestegard. Er dokument om dette utskilt i eigne mapper?

Er det råd å bestilla relevante protokollar og esker utan sjølv å finna ut av arkivkatalogen. Planen er å dra til det arkivet som har kjeldestoffet eg er ute etter, men mykje tid er spart om eg ikkje risikerer å bestilla feil materiale på førehand.

Med helsing Marit Elisebet H T

 

[Marit Totland]

ps: Det dreier seg om korrespondanse med Falnes/Skudeneshavn

[Arkivverket - Atle Brandsar]

Karmsund prosti låg i denne tida under bispesetet i Kristiansand, så arkiva med korrespondanse til bispesetet finst ved Statsarkivet i Kristiansand: lenke til katalog. Korrespondansen er her ordna med journalar og tilhøyrande journalsaker. Journalane gjev opplysingar om inngåande brev, kor kvart og eitt har eit tilhøyrande journalnummer, som du kan ta med deg til samlinga av journalsaker, som er ordna etter journalnummer. Noko av saksarkivet er ordna i ein eigen emneordna serie, serie G - Realistisk ordnede pakkesaker, og der er mappene ordna etter geografi: prosti/kyrkjer. Katalogen for Biskopen i Kristiansand bør studerast inngåande før bestilling til lesesal. 

 

Elles kan det finnast opplysingar i arkiv ved Statsarkivet i Stavanger i tillegg, både i sokneprestarkivet, prostiarkivet og kanskje i amtmannsarkivet (seinare statsforvaltaren). Katalogane finn du på Arkivportalen: A-101849 - Skudenes sokneprestkontor, A-101858 - Karmsund prosti og A-101928 - Fylkesmannen i Rogaland. 

 

Du nemner i tillegg brann på prestegarden. Det kan ha vorte oppteke tingsvitne i etterkant av brannen i tingbøker/ekstrarettsprotokollar, som du kan undersøke her: lenke til Digitalarkivet 

[Marit Totland]

ps: Det dreier seg om korrespondanse med Falnes/Skudeneshavn

[Marit Totland]

Takk så mykje til Atle Brandsar! Det var god hjelp til å sortera i tankane her. Takk!