Pantebok 1890, Mellom Gudbrandsdalen sorenskriveri

[Ole Christian Risdal]

Hei! Eg lurer på om nokon kan sjå på eit namn i ei skøyte frå 1889. Det gjeld skøyte frå Johannes Risdal til Kr. Finsand. Eg vil berre få stadfesta om det står Johannes J. Risdal. Men eg er ikkje sikker på om det er J. Det gjeld nr. 1: Skjøde. https://www.digitalarkivet.no/tl20070117630273

 

Mvh Ole Chr. Risdal 😀

[Ivar S. Ertesvåg]

Det er ikkje ein J.  Eg les det som I, men det kan vere ein S (med store sløyfer).

 

Men ...  sjølv om skiljet mellom I og J var nokolunde etablert i 1889, så var det ikkje så gammalt.

Dersom dette var ein "vaksen" kar som hadde skrive namnet sitt lenge, kan I-en likevel stå for noko vi ville skrive som J.

 

[Ole Christian Risdal]

Takk for det! Da vel eg å tru at det er ein J, sjølv om den aktuelle personen var berre 20 år da. For det var i alle fall ingen som Johannes I. på den tida, og heller ikkje Johannes S., så vidt eg veit. Eg skal sjå om eg finn ei anna skøyte som den aktuelle Johannes har skrive under på.

 

Mvh Ole Chr. 😀

[Ole Christian Risdal]

No har eg funne ei kjøpekontrakt frå 1918 som den karen eg meiner er den aktuelle Johannes, har skrive under på. Da kan ein samanlikne. Fyrste gongen namnet er skrive, så liknar det utruleg på den frå 1890, men ikkje underskrifta til slutt. Det er nr. 27 her: https://www.digitalarkivet.no/tl20061204330617

 

Mvh Ole Chr. 😀

Endret Søndag 13:34 av Ole Christian Risdal