SFj Gloppen/Breim - retting av feilkobling i bygdeboka på Fløtre

[Aase R Sæther - Gloppen]

I den nyaste bygdeboka for Gloppen/Breim, band 5 finn vi Knutbruket på Fløtre (br nr 5) på side 524.

 

Der er nemnt brukaren Tor i 1609, og deretter Rasmus Torson, som har kone Ragnhild og son Knut i koppskatten 1646, før ein innskoten EIlif i 1656.

 

Så kjem neste brukar Knut Rasmusson - men ikkje sonen på Fløtre frå 1646 som vi skulle forventa, men Knut Rasmusson Førde, frå Førde i Breim. Neste brukar er Tor Knutson, som vi kjenner frå skiftet etter Knut i 1706 (der kalla Knut Olsson, men dødsfallet i kyrkjeboka gjeld Knut Rasmusson).

 

For å finne ut om det er valt rett Knut her, har vi i Sogn&Fjordane-delen av Norgesprosjektet ( norwaydna.no )  funne fram til to mannslinje-etterkomarar etter Tor Knutson, og samanlikna deira Y-dna med linja etter det som etter bygdeboka skal ha vore Tor sin farbror - Nils Rasmusson Førde. 

 

Konklusjonen er at Knut og Nils ikkje kan ha vore brør, sidan Y-linjene deira er heilt ulike. Vi meiner derfor at dei som har desse personane i treet sitt bør endre opphav på Knut Rasmusson - til Rasmus Torson, brukaren før han.

 

På Geni er det vidare føreslått at Rasmus Torson er bror til Laurits Torson Reed, men vi får same problemet der: Linja til Laurits Torson er også y-testa, og endar på ei heilt anna gruppe enn desse andre. Det er rett nok berre ein person som er testa etter Laurits Reed, så vi burde hatt ein til for å vere sikre på at resultatet er korrekt (pga Postmanns-faktoren).

 

Historisk dna-testing er artig.

 

 

 

 

 

 

 

 

 

Endret Februar 15 av Aase R Sæther - Gloppen