Hans Anderson Ølnes i Sogndal født 1782 er "dobbeltbooka" i bygdebøkene for Hafslo og Luster.

[Terje O. Bruket]

På Lunden 3 under Kalhagen bnr. 1, Gaupne, Luster vert han gift 20.11.1808 med Martha Olsdotter Lunden født 1785.

Martha (Marte) vert gift på nytt som enke 31.10.1819 med Jens Hansson på Rønnei. Altså er Hans Anderson død.

Rot i kyrkjeboka og når det gjeld giftarmålet 20.11.1808? Der står det at Hans Anderson gifta seg med Anna Olsdotter. Sikkert feil med Anna. Eller?

Hans Andersen - Ministerialbok for Luster prestegjeld 1803-1821 - Digitalarkivet

Hans Anderson Qvam. Det betyr vel at adressa hans var Qvam før han kom til Lunden. Kvam i Hafslo eller Sogndal truleg.

Kanskje dreng på ein Kvam-gard og født ein annan stad.

 

I ei nyare bygdebok for Hafslo har bygdebokforfattaren bestemt seg for at Hans Anderson Ølnes i Sogndal født 1782 vert gift i Sogndal og døyr i Sogndal lenge etter at han døydde fyrste gongen, i Luster. Forfattaren var nok klar over "dobbeltbookinga" då han skreiv den for Hafslo. Så truleg er den versjonen av Hans frå Ølnes rett.

 

Kven var då Hans Anderson Qvam på plassen Lunden 3?

Endret Mandag 18:51 av Terje O. Bruket

[Nina Tiller]

?? https://www.nb.no/items/4dab971942b938bfe93cb71b01c888eb?page=907&searchText=Ølnes

[Terje O. Bruket]

Takk for tilbakemelding. Det er feil det som står i denne bygdeboka. Og han som skreiv det rakk å oppdage feilen. Denne Hans frå Ølnes i Sogndal flytta aldri frå Sogndal skriv same forfattaren inndirekte i ei anna bygdebok som vart laga fleire år etter denne.

Han som kom til Lunden var ein Hans Andersen Qvam, ikkje han frå Ølnes. Kanskje frå Sogndal denne Hans Qvam og. Men like gjerne frå Hafslo.