Husmannkontrakt på bruket Rusten i Kvikne, Nord-Fron 1792

[Ole Christian Risdal]

Eg har eit spørsmål til denne husmannskontrakten. Her står det at gardbrukaren, Jon Knutsen Silli, frivillig "har solgt og overdraget plassen". Var det vanleg å skrive slik? For det var jo ikkje slik at husmannen kjøpte plassen. Rusten vart ikkje sjølveigande før rundt 100 år seinare. Kontrakten er oversett frå før. Sjå bilde.

 

Mvh Ole Chr.

[Ivar S. Ertesvåg]

Det var iallfall ikkje uvanleg å ta med "frivillig" og liknande gloser.  Det hende at slike overdragingar skjedde med tvang - og 

det kunne det sikkert vere greit å distansere seg frå.

Og det var vanleg med repeterte synonym, som "sælger og overdrager"

 

Ein plass (eller eit bruk, for den del) er meir enn jorda.

Husmannen kan vere eigar av hus, innbu, reiskapar, buskap og hausta avling. Dette kan han pantsetje for lån, eller selje.

I dette tilfelle ser det ut til at gardeigaren også eig (og sel) hus osv. på plassen - det kan vere ved kjøp eller tilbakefall, eller

at han har bygningar/utstyr som tidlegare har vore brukte på gardsbruket (t.d. som kårstove eller drengestove).

 

Og så finst det tilfelle der gardeigaren har sett av ein plass til seg sjølv og bygsla bort gardsbruket. Då vert han plassemann

under sin eigen leilending.  Eg kjenner iallfall to konkrete tilfelle.  Det kan hende ein slik husmann finn at det likevel er best å

vere gardmann sjølv, og sel (hus/utstyr på) plassen.  Det er ikkje sannsynleg her, men mogeleg.

[Ole Christian Risdal]

Takk for svar! Så da tydar det på at dette bruket er rydda før 1792?

[Ivar S. Ertesvåg]

1 time siden, Ole Christian Risdal skrev:

Takk for svar! Så da tydar det på at dette bruket er rydda før 1792?

Du meiner plassen "Rusten"?  Ja, det ser sånn ut.

[Ole Christian Risdal]

Det var utruleg interessant! Eg har faktisk trudd at Rusten vart rydda i 1792. Da lyt eg sjå om eg finn ein eldre kontrakt. Tusen takk skal du ha! 👍😀

 

Ole Chr.