[#567] Kopiering frå nett til tekstbehandling

[Gjest Eli Randmo]

Eg ynskjer å kopiera prestemanntalet for Sogndal prestegjeld 1666 for å få det i ei meir leseleg papirutgåve. Er det nokon annan måta å gjera dette på enn å kopiera side for side, evt. overføra side for side til WP og så redigera det ? Og er det nokon måte ein kan bla seg framover i registeret på, utan å ta "neste" ?Med helsing Eli Randmo

[Gjest Jan Oldervoll]

Svaret er enkelt; nei. ver også merksam på at om materialet blir kopiert og redigert for noko anna enn personleg bruk, vil det bryta med opphavsretten til den digitale utgåva.

[Gjest Eli Randmo]

Takk for snøgg tilbakemelding. Eg er kjend med opphavsreglane, stoffet skal berre brukast privat.

[Gjest Torbjørn Igelkjøn]

Der kom det eit spørsmål eg har lurt på, nemleg slektsgransking og opphavsrett.Er det opphavsrett på namn og årstal?Kva skal til for at ein bryt opphavsretten eller at ein unngår å bryte den? Har det noko å seie om ein kopierer frå originalkjelda eller frå Digitalarkivet? Originalkjeldene er vel iallefall ikkje omfatta av nokon opphavsrett, så om ein legg t.d. kyrkjeboka frå xxx ut på internett skal ikkje det vere noko brot på opphavsretten. Kva dersom nokon allereie har lagt ut ein digital versjon?Ein annan ting eg lurer på i same slengen er om det å leggje ut slekta si på nettet kan vere i strid med personvernet.Håpar på oppklarande svar istadenfor at nokon viser til paragrafar. Det er tolkninga eg er ute etter. Mvh. Torbjørn Igelkjøn

[Gjest Jan Oldervoll]

Slik eg har forstått det har me opphavsrett til vår digitale versjon av kjeldene. Ingen har opphavsrett til originalkjeldene. Derimot har Arkivverket eigedosmrett til kjeldene. Om dei vil kan dei då påleggja deg ikkje laga ein digital versjon, om dei så ønskjer. Det gjer dei ikkje. Men for ein del utlån set dei krav om at om det blir laga ein slik versjon, skal Arkivverket ha ein kopi, t.d. for utleggjing a Digitalarkivet.Elles er regelen at det er konsesjonsplikt for alle databasar som innheld personopplysningar; opplysningar som direkte eller indirekte kan førast attende til ein person. Berre levande menneske er personar. Dei som er døde kan du fritt laga base av. I tillegg er det også slik så vidt eg forstår at det gjeld særskilte reglar for slektsgransking, utan at eg kan desse reglane.Men eg ville vel vera forsiktig med å leggja ut slektstre over levande personar utan at eg var sikker på at ingen hadde noko mot det. Om det er lovleg eller ikkje veit eg ikkje. Men det er det sikkert nokon som gjer.