[#7482] Slekten Glad - Bergen, Ytre Nordfjord

[Gjest Magnar Hole]

Glad-slekta var handelsfolk, og dreiv handel gjestgiveri m.m., fleire stader i ytre Nordfjord (bl.a. Rugsund) på 17-1800 talet. Ettersom eg har forstått kom desse opprinneleg frå Bergen. Min 3-tippoldefar,: Jacob Isaachsen Husevåg 1754 - 1815 (son av Isaach Isaachs. Husevåg), vart i 1782 gift med Malene Andersdtr. (Hansdtr. ) Glad. Dette iflg. Aaland-boka.Der står det også Hansdtr. i parantes. Eg kan iallefall ikkje finne nokon Anders eller Hans som kan være kanidatar til Malenes farskap. Nokon som kjenner til denne slekta, eller har gode forslag ? Takknemleg for hjelp !MVH M H

[Gjest Berit Knudsen]

Det fantes en Hans Glad, toller i Bergen, død 1711, og Hans Glad Pr(est) i Lom , død 1783. En Glad Pr(est)DK Bergen, død 16/2 1696. Peder Glad, prest i Næsne, død 1754. Det var alt jeg fant.

[Gjest Olav J. Ellingsen]

I S. og Fj. Fylkesarkiv sin database finn ein under vigde i Davik 6/10 1782: Jacob Isaachs. Husevaag og Malene Andersdtr. Gald frå Innvik. Du bør sjekka i kyrkjeboka om det er Gald eller Glad som er rett.

[Gjest Aase R.Sæther]

Sjølvsagt kan Aaland ha bomma, det hender rett som det er. Der er aktuelle Anders-ar på Gald på denne tida, men skulle du derimot finne at der står Glad, har eg ein kandidat til deg i Hans Povelson Glad på Stårheim, son til presten Glad.

[Gjest Yngve Nedrebø]

Vielsen 6. oktober 1782 bokstavrett: "U. K. Jacob Isaachssen Huusevog med Pigen Malene Andersdr Gald."

[Gjest Karin Gald Semb]

Den beste kandidaten på Gald er Malene f.27.nov.1754. Foreldre: Anders Rasmussen Rosetter og Synneve Madsd. Før "mine Gald" flytta frå Drageset til garden Gald, var der eit par brukarar frå Roset.Faddarar: Jacob Nos, Johannes Gald, Dorthe Abrahamsd. Blachseter, Guri Andersd. Blachseter, Rangdi Pedersd. Øjestad.Mvh Karin Gald Semb

[Gjest Karin Gald Semb]

Dersom du går inn på folketeljinga frå 1801, Davik, vil du sjå at den første jenta til din Isak og Malene fekk namnet Synnøve, altså eit klassisk døme på oppattkalling (Mor:Synneve Madsd.)Karin

[Gjest Magnar Hole]

Ja, det var ikkje verst. Då satsar vi på GALD - teorien, og stryk Glad. Eg hadde begge to "på kladd", ein vågar liksom ikkje motseie Aaland sine teoriar sånn utan vidare. Tusen Takk skal de ha alle saman. MVH M H

[Gjest Aase R.Sæther]

Sidan det var eg som i si tid serverte deg sitatet frå Aaland, beklagar eg at eg har ført deg på villspor-- I utgangspunktet bør vi vere skeptisk til det meste som står i bygdebøker, særleg dei litt eldre. Aaland skreiv bygdebøker for 5 kommunar på ei tid då økonomien var trang og teknikken dårleg. Han lagra notatane sine etter "skoøskje-prinsippet" og hadde lite ressursar til korrekturlesing. Setjarane i trykkeriet kan vel óg stå for ein del feil, men neppe akkurat denne. I tillegg miste Aaland ein god del notatar og manuskriptdeler i ein brann, så eg er i grunnen imponert over at der ikkje er fleire feil enn der er i bøkene. I alle fall, lykke til med Gald-lina, og så skal eg hugse å sende med saltbøssa neste gong eg gjer oppslag for deg!