Søk i nettsamfunnet

Eg har i 40 år vore på leiting etter denne jenta frå Luster: Kirsti Jensdotter Lavold, fødd i Luster 16.10.1826. Ho var dotter av ugifte foreldre Gjørond Lassesdotter Lavold (1796-1842) og Jens Jensson Bremer (1806-1842) og fekk ei dotter i Luster: * Kari Haagensdotter, fødd i Luster 27.12.1846, men ho utvandra til Amerika i lag med far sin, Haagen Haagenson Høyeim (1828-1914) i 1867. So er det at augi mine fell på denne innførsli hjå Digitalarkivet: https://www.digitalarkivet.no/view/285/pi00000000107480 Kirsti flytte med andre ord til Fredrikstad i 1863 (eller 1871?), og då er det eit heilt naturleg spørsmål å stilla: * Er det mogeleg å finna ho att i Fredrikstad (eller andre stadar?) Eg takkar so mykje på førehand for alle gode tips!

Anders Olson Søvde, òg kjend som «Lavold-Anders», frå garden Feigum i Luster, vart døypt i Luster 25.9.1791 og gifte seg i Luster 2.11.1815 med Gjertrud Johannesdotter Kleivi (Søvde), døypt i Luster 2.3.1793. Etter fleire år som gardbrukarar på Feigum laut dei i 1821 flytta frå garden. Dei pakta nokre år eit bruk på garden Råum i Luster, men flytte kring 1828 til ein plass under garden Lavoll i Luster. Men dei hadde vanskar med å brøfø ein stor huslyd, og i 1834 vart både Anders og Gjertrud dømde for tjuveri og hamna på straff i Bergen. På same tidi flytte huslyden til plassen Skildeimskleivi under Søvde i Luster, men soga var ikkje over med dette. Anders måtte snart til Bergen att for å sona straff for nye tjuveri, og kring 1842 fekk han siste domen som sendte han til livsvarig fengsel på Akershus festning der han døydde 15.4.1846. Gjertrud døydde som legdelem i Luster 6.5.1854. Dei har ei kjempestor etterslekt! No er spørsmålet: Er det nokon som kan hjelpa meg finna fram til saksdokument som gjeld dei tre sakene mot Anders Olson? Dei ligg sikkert lagra hjå Statsarkivet i Bergen, men er det mogeleg å finna dei? Finst noko av dette online? Eg takkar so mykje på førehand for alle gode tips!