Søk i nettsamfunnet

Dette er eit spørsmål som har oppteke meg i mange år, og som eg no vonar endeleg å finna eit svar på... Johan Fredrik Dominicusson BRANDT, presteson frå Ærø i Nordborg amt i Danmark, var f. på Ærø 18.11.1694. Han døydde som klokkar til Slidre i Valdres 22.6.1769. Han var først gift i København 11.7.1726 med Maren Teiste frå Kroken i Hafslo, men ho døydde på Lærdalsøyri i Lærdal 10.2.1732, og Johan gifte seg att i Slidre 10.1.1736 med ei Kirsti Johnsdotter HEERDAL, som er ei for meg heilt ukjend person. På same tid vart Johan Fredrik BRANDT tilsett som klokkar i Slidre, eit ombod han hadde levetidi ut. Kan nokon hjelpa meg med følgjande detaljar: ** Kva gard i Slidre vart nytta som bustad for klokkaren på 1700-talet? ** Veit ein noko om kven denne andre kona Kirsti Johnsdotter Heerdal kan ha vore? Eg takkar so mykje på førehand for alle gode tips!

Eg syner til dette gamle emnet som sist vart drøfta i 2016: https://forum.arkivverket.no/topic/200970-johan-fredrik-brandt-1694-1769-klokkar-i-slidre-huslyden-hans-i-bergen/?tab=comments#comment-1697309 Innlegg #7 i nemnde tema lyder slik: «Eg har i kveld «leika» litt med FamilySearch, og eg oppdagar to (brør?) på Røros med namn Peder Johnson Herdal og Ole Johnson Herdal som får born kring 1730-1740. Og då er spørsmålet mitt: Kan Kirsti Johnsdotter Heerdal vera ei søster av desse? Var ho òg frå Røros??» Denne Kirsti Heerdal gifte seg i Slidre i Valdres 10.10.1736 med klokkaren, enkjemann Johan Fredrik Dominicusson Brandt (1694-1757). Det hadde vore heilt kjempe om nokon kunne hjelpa meg med opphavet til denne Kirsti, som for meg er heilt ukjend! Eg takkar so mykje på førehand for alle gode tips!