Søk i nettsamfunnet

I det eg syner til dette emnet frå nokre år attende: https://forum.arkivverket.no/topic/202633-mons-andreas-mikal-ekerhovd-1892-1978-gravlagd-i-fjell-men-kvar-budde-eigentleg-denne-mannen/?tab=comments#comment-1710068 lurer eg på om nokon kan hjelpa meg finna ei dødsannonse for Mons Andreas Mikal Ekerhovd, som visstnok budde på Ekerhovd i Fjell då han døydde 22.9.1978? Eg er på leiting etter den konkrete dødsstaden hans, som eg vonar vil vera oppgjeven i dødsannonsa hans...? Eg takkar so mykje på førehand for hjelpi!

Opphavet til denne jenta var oppe til drøfting alt i det gamle Brukarforum i 2002 under tema #9999, https://forum.arkivverket.no/topic/95910-9999-malena-monsdotter-1843-1880-frå-valestrand-hamre-til-wisconsin-–-opphav/?tab=comments#comment-787938 men etterslekti hennar har synt seg vera ei endå større utfordring, og desse spørsmåli står i dag framleis utan løysing. Eg attgjev frå manuskriptet mitt for garden Hillestad i Hafslo: ~~~~~~~~~~~~~~~ Peder Pederson (Hillestad), f. i Hafslo 12.2.1823, Peder P. Hillestad utvandra til Amerika i 1869 og gifte seg første gongen ##### (exact date and place of marriage? - about 1876?) med enkja Maila, kjend som Malena Monsdotter, opphavleg frå Morland i Fjell, då kjend som Malena Nelson. Ho var dotter av gardbrukar Mons Gudmundson på Morland, opphavleg frå Skår i Hamre, og første kona Pernilla Johannesdotter frå Valestrand i Hamre og f. i Hamre 4.12.1842. Malena gifte seg første gongen på Laksevåg (Askøy) 15.10.1865 med John Nilsson frå Myren, Laksevåg. Han var son av gardbrukar Nils Nilsson på Myren, Laksevåg, opphavleg frå Sæterdalen i Bruvik, Haus, og kona Inga Gundersdotter frå Risnes i Manger og f. på Morland i Fjell 17.6.1835. John og Malena utvandra til Amerika i 1866 og under namni John og Malena Nelson finn me dei att som farmarbeidarar (”farm laborers”) i Vienna township, Dane Co., Wis. der John d. ##### (exact date and place of his death? - about 1873?) Peter og Malena Hillestad busette seg i McFarland, Dane Co., Wis. der Peter var arbeidar (“laborer”). Men Malena d. i McFarland, Wis. ##### (exact date and place of her death? - fall of 1880!?) og Peter gifte seg 17.9.1881 att i Madison, Wis. med ei ny enkje, Ragnhild Andersdotter, opphavleg frå Tveiten i Manger, då kjend som Ragnhilda Monson. Ho var dotter av gardbrukar Anders Olson på Tveiten og kona Martha Ellingsdotter frå Toska og f. i Manger 13.10.1815. Ho gifte seg første gongen i Bergen 18.5.1845 med Jørgen Petersen Olson Hjelmersteen frå Bergen. Han var son av bøkkerarbeidsmann Ole Andreas Jørgenson Hjelmersteen Pedersen i Bergen og kona Margrethe Elisabeth Clausdotter Schrøder, òg frå Bergen, og f. i Bergen 15.2.1818. Jørgen var murarbeidar, og han og Ragnhild budde i Bergen til dei i 1865 utvandra til Amerika. Jørgen d. ##### (exact date and place of his death? - on the way over or shortly upon arrival?) og Ragnhilda gifte seg so først att i Dane Co., Wis. 12.10.1866 med enkjemannen Lars Johan Monsson frå Myren, Laksevåg (Askøy), i Amerika kjend som Lars Monson. Han var son av gardbrukar Mons Johannesson på Myren, Laksevåg, og kona Anna Stephensdotter frå Sætre og f. på Askøy 28.11.1825. Lars utvandra til Amerika med første kona Kirsti Olsdotter og fire born i 1862. Lars og Ragnhild busette seg i McFarland, Dane Co., Wis. der Lars d. 25.10.1878. Peter og Ragnhilda vart buande i McFarland, Dane Co., Wis. der Ragnhilda d. alt 8.2.1883. Peter P. Hillestad flytte i 1910 inn på ein gamleheim i Verona, Wis. der han d. 26.5.1911. Peter fekk to born, båe frå første ekteskapet med Malena, men me tek òg med dei tre borni som Malena hadde frå første ekteskapet sitt: a. Nils Martin Johnson, f. i Dane Co., Wis. 30.8.1866, d. ##### (date and place of his death? - shortly after birth?) b. Inga Johnson, f. i Dane Co., Wis. 13.2.1868, ##### (was alive in 1880 - later destiny?) c. Peder Johan, kjend som Peter Johnson, f. i Dane Co., Wis. 25.11.1871, ##### (was alive in 1880 - later destiny?) d. Johanna, kjend som Hanna Hillestad, f. i Dane Co., Wis. ##### (exact date of her birth? - fall of 1876!?) 1876, ##### (was alive in 1880 - later destiny? - died young?) e. Peder Martin Hillestad, f. i Dane Co., Wis. 19.1.1879, ##### (was alive in 1880 - later destiny? - died young?) ~~~~~~~~~~~~~~~ Eg har leitt «høgt og lågt» etter desse borni, men ikkje finn eg nokon obituary etter faren frå 1911, og ikkje har eg greidd å finna dei i nokre av folketejingane, men kanskje er det nokon som har tips å komma med? Det ville vore ei fantastisk julegåve å få svar på nokre av desse spørsmåli, og eg takkar so mykje på førehand for all den bistand eg kan få!